إيه هو دافعك للتفوق؟؟؟
 

السلام عليكم و رحمة الله و بركاته

المنتدى ما شاء الله يزخر بالكثير من طلبة الثانوية العامة المتفوقين و المقبلين عليها "داخلين سنة تانية"

و كلنا لما بنتفوق او نتمنى التفوق بيكون لدة دوافع

يا ترى ايه هى دوافع كل عضو للتفوق

تعالوا نشارك مع بعض

و السلام عليكم ورحمة الله وبركاته

سلام عليكم

ابدأ انا ...
دافعى للتفوق و اللى دائما اناجى نفسى به ان "الشاطر" هو اللى يعرف انه بيبنى مستقبله من مرحلة الدراسة مش اللى يضيع كل وقته فى اللعب عشان كدة انا قررت انى ابنى مستقبلى

و نفسى فى كلية الطب عشان انسانية جدا و كم ( سبحان الله ) اللى ممكن الواحد يقولها و كم الخير اللى ممكن يعمله من خلالها دة بيخلينى فعلا عاوز اشتغل اكتر و اكتر و اتفوق عشان ادخلها

و السلام عليكم ورحمة الله و بركاته

السلام عليكم

انا لسة داخل علي الثانوية العامة وهدفي اني ادخل كلية هندسة ان شاء الله واني اخد بعض من النصائح من الاعضاء المتفوقين
ارجو الدعاء لي بالتوفيق

شكرااا

ربنا يوفقك و ايانا اللهم امين و سعدت بردك جدا

مفيش تفاعل كبير ليه

يلا خلونا نشوف ايه هى الدوافع

اللى تخلى الواحد يشتغل بدون تعب

انا عن نفسي
نفسي اعمل علالج لمرض السرطان
بس المشكله انه عايز تكاليف كتيرة
:d

هدف نبيل و رائع منك ربنا يوفقك فيه يا رب

و مصر إن شاء الله هتبقى احسن بالنوايا و الامال الطيبة دى

و فى انتظار البقية

السلام عليكم.
انا الحمد لله لسه مخلص السنة دى الثانوية وداخل السنة اللى جاية اعدادى هندسة ودافعى الاول هو انى مسلم والمسلم دايما يبقى متفوق فى كل حاجة لينفع امته وبلده واسرته واخر حاجه نفسة.

الله على الدوافع الجميلة ديه والmotives ديه هي اللي بتبني مصر مش الخناءات والهتافات والشعارات
بجد يا جماعه اعرف واحد اسمه عمرو كان هدفه خش الســــن عشان يتعلم اللغات وبعدكده يسافر اميركا ويعمل حياة ليه هناك هو حاليا خلص تالتة ثانو وقدم على سياسة واقتصاد انجل وناوي يشد حيله فيها ادعوله يوفقه ربنا
والامثلة كتيرة اوي اوي واسألوا نقاء الروح وstoof وكتييير اوي من الشباب ناسي اساميهم هما في المنتدى وهيعجبوكم بجد

شكرا على التفاعل يا جماعة و ربنا يوفقنا كلنا للخير و تحقيق اهدافنا

هدفى انى ارفع راية المسلمين واخدم دينى ووطنى واساعد كل الناس واسعد ماما وبابا

السلام عليكم
الدوافع كثيره اكيد
حلمى هو الهواء الذى اتنفسه لذلك اعيش
حلمى هو الماء الذى اشربه لذلك اعيش
الحلم كبير وهو القمه
الامل يجعله سهل لكنى اعرف انه صعب ولكن ليس مستحيل
اضحك على نفسى عندما اردده بداخلى
وماما قالتلى هيحصل ان شاء الله
وبابا بيقلى ارفعى راسك ماتخفيش ربنا معاكى
وكيف يهزم من كان بالله ينتصر