فاضل خمس شهور
 

انا اسمى سمسمة ,وانا الان في الصف الثالث الثانوي
حصلت على مجموع 97.3%فى الصف الثانى الثانوى :022yb4:
وخلال هذا العام الدراسى مررت بلحظات يأس كثيرة
فتفجرت مشاعرى الى بعض الخواطر النثرية البسيطة والعامية
وكنت حينها في شهر يناير حيث لم يكن فاضل الا 5شهور على الامتحانات


(فاضل خمس شهور)

معدش فاضل حاجة

يادوب خمس شهور

هنعمل فيهم اية

ياريت حد يقولى

انا فعلا انتهيت

ولا فاضلى فرصة

اقدر ابنى اللى فات

ولا هاقول ياريت

ياريتنى كنت صحيت

من اول الطريق

ولا هاقول السلامة

ع الاحلام والامانى

اللى كنت هحققها

ف الثانوية العامة

دى الثانوية العامة

عاملة ذى الطريق

فية اللى بيمشى سالك

وفية اللى بيمشى بطئ

فية اللى يحقق مناه

وفية اللى بيعقد يعيد

حاطط ايدة ع خدة

قاعد بيقول ياريت

لا. بس انا لازم احاول

علشان مااقولش ياريت

دة العمر كلة كام

دة يادوبك مرة واحده

هنعيشها والسلام

لازم نبنى الامانى

لازم نبنى الاحلام

لازم نحقق املنا

دة العمر كلة كام


...........:022yb4::022yb4::022yb4:

بجد والله حلاوتها في بساطتها
يعني كلمات بسيطة , وجميلة
شكرا لك , في انتظار المزيد من ابداعاتك .

شكرا على المرور