<div align="center">
موضــوع بسيط جدا كل واحـــد يدخــل هنا يتكلــم بصراحــه شديدة جــدا وبعيد عن أى مبالــغه

عايـــزة أعــرف انت شخـــصية مســامحه أم لا

بمعنى انك انت بتســامح أى حد مهما عمـــل فيك ولا أنت مســامح فى ظـــروف معينه ولا أنت شخـــصية غير مسامحه تمــاما

عايـــزة بئه كـــل عضـــو يتكلم بصـــراحه شــديدة </div>

اولا ميرسى جدا على الموضوع
بصراحة والله ومن غير غرور دى ممكن تكون احسن حاجة فيا انى باسامح على طول
بس مين يقدر ده فى الزمن ده ;) ;) ;)
شكراااااااااا على الموضوع

اللى بيغيظنى انى مش بعرف ازعل من حد اصلا
وبسامح كتير لو فى حقى انما لو فى حق حد غيرى مش بسامح
وموضوع جميل وبداية جامدة يا اميمة

<div align="center">أكيد يانور أنتى شخصيية طيبة
وأدعى أنى ربنا يحسن حال الدنيا
بس سؤال صغير أنتى أن شاء الله لما ربنا يكرمك وتكونى زوجة ولقدر الله وأن شاء الله عمرة ما يحصل زوجك خانك يانور لقدر الله طبعا هتسامحى بردو :(
سؤال لو مش عايزة تجاوبى عليه أكيد طبعا براااااحتك بجد
وميرسى يانور جدا على مرورك :) </div>

لا طبعا مش بسامح فى الغلط

لا عادى انتى تسالى اى سؤال
هقوللك اعرف سبب الخيانه لو كان التقصير منى واتاكد انه ندم على الخيانه ممكن فى الحالة دى اسامح بس يكون سبب الخيانة قوى بس اكيد معزة الانسان ده بتقل عندى
اما لو كنت مش مقصرة فى حقوقه معايا ده يبقى انسان اسات اختياره من الاول ومستحيل اسامح
بس المفروض ان الانسان يفكر كويس قبل ما يختار شريك حياته ومااظنش ان الى علاقته كويسه مع ربنا هيحصلله حاجة مش كويسه
على فكرة ممكن الخيانة دى تكون حاجة كويسه يعنى لها نتائج كويسة
بلاش اكتر بقه
ميرسى ليكى جداااا ويا رب تكونى فهمتى رايى
واكيد فيه ناس تانيه دى مش رايهم

محبة الله ميرسى اوى يامحبة على ردك وأسمك جميل :)
المرشد فهمت ردك وشكرا جدا
نور فهمت رأيك جدا وربنا يسعدك ان شاء الله فى حياتك المستقبليه وشكرا جدا لأهتمامك وربنا يزيدك من الأيمان
نورا أكتر حاجة فعلا الكذب وأكيد الخيانه ميرسى جدا على ردك :)

ممكن اسامح على اى حاجة
الا الكذب والخيانة
والقتل

مممممممممم
هو ده يفرق فى ايه سواء متسامحه او لا؟
انا ممكن اقول حاجه وابقى العكس
تحكمى على الشخص من خلال موقف حصل قدامك مش كلامه عن نفسه

موضوعك بجد جميل اوي


بس بصي ياستي انا هجيبلك من الاخر


حكايه التسامح دي انا متسامحه لابعد الحدود بجد والله مهما حصل فيا


بس حاجه بئا

صفات زي النفاق الغرور الكذب التعالي


دول اكره ماعليا من صفات

الغرور مش هسامح فيه اللي هيتغر هيديله بالجذمه

انما الحاجات التانيه دي هسامح بس لازم هحرج اللي ادامي الاول علشان افهمه اني فاهمه ولا ايه

بس عمري ما بنسي اي اساءه حتي لو اتسامحت



وليا عوده



سلام

انا الحمد لله مسامح لدرجة كبيرة جدا وصبوووور جدا بس
لو زاد عن الحد انفجر " اتقي شر الحليم اذا غضب "
ولو لقيت الي بسامحو مش بيسامحني مش هسامحو فيما بعد
والي مسامحش فيه الظلم " لو حد ظلمني "
اما الكذب فعلى حسب مكانة الي كذب واسباب الكذب ومدى ضرر الكذبة
وشكرا

بصي
مفيش اقل من دقيقة وانسي

لكن عند الغلطة التانيه بفتكر القديم كلللللللللللللللله

انا طبيعتي اني مش بحب ازعل حد مني ولا بحب ااذي حد يعني المسامح كريم
بس الواحد ميسامحش في الحاجات اللي ربنا امر اننا منسامحهمش إلا بعد عقاب زي السرقه والزنا و...........
والسلام عليكم ورحمة الله وبركاتة

والله انا مشكلتى انى بسامح اى حد على اى حاجة
يا اخى دا انا سامحت الى كان هيضيع مستقبلى
فى اية تانى مش هسامح علية :rolleyes: