هل تثق بمن تحادثه علي النت
 

لا طبعا حتى لو كان اسمها بنت انا مش بثق فى حد من غير مقابلة وش ب وش

بس كدة شكرا على الموضوع

لا طبعا أنا عن نفسى لا أثق بأى حد لم اقابله

شكرا على الموضوع بجد موضوع مهم

كلامكوا صحيح
بس لازم يكون فيه ثقه من الي بنكلمه مش شرط احنا نكلمه ومش نكون واثقين فيه نهائي

لا بالعكس فى ناس ع النت بكلمهم بقالى سنين وبثق فيهم جدااا
بس الثقة مش بتيجى على طول يعنى
لازم يكون فى حذر بردو
وميرسى جدااااااااا ع الموضوع الجامد ده
وياريت تقوليلنا رأيك؟؟؟؟

ميرسى اوى على مروركم بجد نورتو التوبيك وانا معاكى يا فرى انجل فى رايك يعنى مش بادى الثقه لاى حد بسرعه
لان فيه اولاد بيدخلو باسماء بنات ولازم ناخد بالنا من تصرفاتنا

لا بصراحه مش بثق في حد
لان فى اولاد بيدخلو باسماء بنات

هي الثقة والحذر مطلوبين بس اكيد انتي لما بتتكلمي معاهم بتحسي سواء اكانوا

كويسين او لا وده بيعتمد على ردودهم واحساسك ليهم

ميرسى ليكم على الردود الصريحه منورين التوبيك

مش كل الناس هنا بثق فيهم في ناس بحس بجد انهم محترمين جدا وشخصيات مميزة بس دة ميمنعش الحذر منهم ..
ومرسي على الموضوع المميز يا قمر..

الكل يقول انا لا اثق فى أحد على طول لازم شوية شوية
انا بقا اثق فى كل من اكلمهم حتى يثبت غير ذلك

طيب ايه اللى ممكن نلتزم بيه لو دخلنا مثلا الشات يا جماعه

انا رأيي الحقيقة ان الواحد يثق اه بس بحذر يعنى ومش اى حد كمان لان النت عالم واسع جدا وبقى عالم حقيقى وبتحصل عليه مشاكل ومصايب كتير يعنى لازم نامن نفسنا بس فى ناس كتير بثق فيها بس عارفة ليه هتثقى فيه وهو هيثق فيكى لو كان فى مابنكم احترام متبادل وحوار هادف وبناء من غير اى شىء مخل فده مبدأى الحقيقة على النت بس مش بدخل على الشات هو اصحابى وعيلتى بس , بس الموضوع رائع

لا والحمد لله لا اثق
بس لازم اكون عارفه من قبل كده اللى بكلموا ده
مثلا صاحبتى فى المدرسة
ما عدا ذلك فالافضلا لا
موضوع جميل مشكورة

الثقة غير مطلوبة ما دام الكلام فى حدود التوبيك مثلا فى المنتديات و معرفة جنس الشخص غير مطلوب لاننا نتحدث فكريا و ليس عن طريق الهيئة او الشكل اما الشات و كذا فانا لا افضل اصلا الدخول و الحديث لان لا فائدة منها و بجد موضوعك حلو