حلمك و لا حلم بابا و ماما؟؟! ( -;
 

سلام عليكم

الجواب باين من عنوانه

ميولك انك تحقق حلمك و تخش الكلية اللى نفسك فيها ؟؟ :049gc0:

و لا تحقق حلم بابا و ماما اللى هو ال default بتاعه هو كلية الطب :028ja7:

و لا انت سايبها للتنسيق؟؟؟!:p

ـــــــــــــــــــــــــــــــــــــــــــــ

انا ابدأ التصويت و هو انى احقق حلم بابا و ماما واخش طب ربنا يعيننا و يكرمنا مع انى كنت عاوز ادخل حاسبات

لذا ادى صوتى ل (حلم بابا و ماما ) :028ja7:

شاركوا يا جماعة و قولوا تختاروا ايه

ـــــــــــــــــــــــــــــــــــــــــــــ

و السلام عليكم

الحمد لله حلمى هو هو حلم بابا وماما علشان كده انا اخترت حلمى انا

اكيد حلم ماما وبابا (لانهم يستاهلوا ان نحققلهم حلمهم )

اكيد الوالدين عارفين قدرات اولادهم
و اكيد نفسهم يشوفوهم في اعلى المراكز
و الي يطيع والديه عمره ما يخسر
لذا
انا بقول
ان حلمي حلم بابا و ماما الحمد لله

السلام عليكم
انا بقول ان حلمى هو حلم ماما وبابا
ويارب ارضيهم ومايزعلوش منى ابدا

انا اهم حلم عندي انى ارضيهم ويبقوا دايما فرحانين ويفتخروا بي وحلمى هو حلمهم انا الاول كان حلمى مختلف بس اما فكرت لقيت هما عندهم حق وماحدش عارف يمكن حلمك اللي يتحقق فى الاخر وهما اهم حاجة عندهم ان احنا نبقى كويسين ومستقبلنا يكون كويس انا اهم حاجة عندى ابسطهم ومش عايزة حاجة تاني مع اني كدة خدت كل حاجة

أنا حلمى الحمد لله هو حلم بابا وماما انشاء الله اسعدهم وحقق لهم امنيتهم بدخول كليه الهندسة

جميل ان حلم الواحد يوافق حلم باباه و مامته

و يظهر ان حلم بابا و ماما مسيطر ع التصويت

و فى انتظار البقية

كالعاده حلم ماما وبابا
النتيجه معروفه

ماتفرقش عادى كله لبيعدى

حلمي اللي بحبه طبعا و انا ماما بصراحة حلمها هو حلمي و بابا بردو لكن بابا كان نفسه الأول اطلع دكتور بس عمره ما ضغط عليا و لا حسسني انه عايزني ابقي دكتور عشان ميأثرش علي اختياري اصله كان دايما يقولي يا رب أشوفك دكتور آآآد الدنيا
و لما عرف اني ميولي هندسة طبعا من اول أولي ثانوي مقالش أي حاجة و كان مبسوط جداً

ولو رأيك مختلف مع والديك حاول تنصحهم برغبتك لأن لما تحقق حلمك و تنجح أفضل من تحقيق حلمهم و تفشل لا قدر الله
و فعلاً الموضوع حلو و أكيد كل واحد فينا بيعيش الموضوع ده

وانا الحمد لله حلمى هو حلم بابا وماما بس لو انته فعلا نفسك فى هندسه وحلم باباك ومامتك طب ياترى فعلا تقدر تكمل فى حلمهم من غير تحس بانك مش حابب الكليه جى وتكمل للاخررررررررررررر؟؟؟؟؟؟؟؟
عموما ربنا يوفق الجميع ويحقق امالنا

اكيد حلمي انا وميولي انا مهما كان اللى حواليا عايزينه

والدي اكان نفسه اكون دكتور زيه لكنه ماجبرنيش على حاجة ولله الحمد
وبالتالي دخلت حلمي انا كلية الهندسة

انا لازم احقق حلم اهلي
بعد كده احقق حلمي
اهلي عايزيني ادخ لهندسة و انا عايز ادخل علوم
يبقي هادخل هندسة و لما اخلصها هادخل علوم
مش مشكلة الكلية مش هاتطير
لكن حلمي هو الاهم بالنسبالي مع انهم مش متعارضين اوي