السلام عليكم يا شباب

بعد امتحان ثالثة ثانوى فيه قال سهل و فيه قال صعب

و ده طبعا لانها لغة مش الكل حلو فيها !

و انا من النوع اللى معنديش قابلة للانجليزى بسرعة

برغم انى بحبه كلغة و بكلم ناس عالنت من دول كتير

لكن كامتحان :( بترعب و بالذات فى الثانوية

حد ينصحنى و يطمنى بخصوص الامتحان

ان شاء الله هيجى كويس
المهم انت تركز كويس فى الاسئلة ولا للتسرع
ربنا يوفقك

تترعب!!!! ليه انت رايح تحارب المفروض تتوكل على الله وتنسى الهبل ده والمهم انكتثق انك عملت اللي عليك والباقي فهو التوفيق وهو من عند الله ونصيحة عرفتها من تجربتي اوعى تراجع الامتحان مع زملائك بعد ماتخلص لانك حتلبخ نفسك على الفاضي

:) انا فى تانية انا كمان :( بس احب اقولك ان الامتحان باذن الله بيجى سهل وماتاخودش تالتة مقياس لينا لان مثلا فى التفاضل جالهم صعب وجالنا سهل :P اما بالنسبة للEفكل اللى اقدر افيدك بيه حاليا هو حل امتحانات السنين اللى فاتت لان الاختيارى والreriwtبيعيدو نفسهم وspeakerوالمحادثة فدول يامعلم تدور عليهم فى اى ملخص وانصحك بsurprise والقصة سهله :ph34r: واهم حاجة تركز الايام دى على المواداللى علينا الايام دى وانا لو عرفت انزلك اى حاجة حاحاول B) ;) وبالتوفيق ان شاء الله :rolleyes: وياريت تدعيلى لو انا افتدك فى حاجة :) :lol:

<div class='quotetop'>إقتباس(gamal_yousef2006 @ Jun 16 2007, 04:48 PM) [snapback]330325[/snapback]</div>تسلم يا مان

و يا رب يوفقك :)

<div class='quotetop'>إقتباس(دعفل @ Jun 16 2007, 05:03 PM) [snapback]330336[/snapback]</div>يا رب يجى سهل

انا بالنسبة لى مرعوب من الانجليش اكتر من الكيميا :(

و اذا كان على الملخصات عندى جيم و زا بست و كشكول الاول مراجعة نهائية
و رغم ذلك مرعوب

بس عموما باذن الله ربنا هيوفقنا

<div class='quotetop'>إقتباس(adam888 @ Jun 16 2007, 04:58 PM) [snapback]330330[/snapback]</div>و الله يا مان هيا حرب فعلا لان درجة بتودى و بتجيب ! و انت عارف
+ كمان البيت و الرعب اللى الواحد فيه :(
و بالنسبة لمراجعة الامتحان انا براجع من المدرسين علشان اعرف غلطى و توقعى فى الامتحان ده اجيب كام
علشان لا قدر الله لو جت حاجة مش متوقع اعمل اعادة تصحيح
و ليه كتير عمله اعادة تصحيح و طلع لهم بتاع 5 درجات كمان بس معرفش ياخد و لا درجة منهم !
لكن عموما بالتوفيق للجميع
'ان الله بصير بالعباد'

مفيش داعى للقلق والخوف علشان تقدر تسيطر على نفسك ( اسال مجرب)

الامتحان عادى زيه زى اى امتحان

وبعدين انت اكيد مذاكر كويس بس هو توتر الامتحان مش اكتر



حاول تخلى التوتر اول خمس دقايق لما تمسك الورقة وبعدين خلاااااص عيش حياتك فى الورقة




والله الموفق ...................


:)

انا كمان تانية بس اطمن الانجليزى مش صعب وانشاء الله يجى سهل زى امتحان تالتة اعمل انت بس اللى عليك وادعى ربنا يوفقك :)

بص يا مبدع اعمل الى هقولك علية و ان شاء الله مهما جة الامتحان رخم هاتحل كويس:
الامتحان 9 اسئلة:
1- dialogue ب 4 درجات. عشات تاخد 4/4 تعمل اية ؟
1- الاربع فراغات فى سؤال المحادثة على الاقل منهم 2 سؤال انت بتكونة لاجابة موجودة يبقى:
1- تفهم كويس اوى ازاى تكون سؤال

باقى سؤال المحادثة بيبقى سهل جدا وواضح ماتقلقش
2- بعد اما تذاكر كويس اوى ازاى تكون سؤال لازم تذاكر dialogues دى و هى عبارة عن المحادثات الموجودة فى الكتاب + محادثات مهمة جدا:

1- about jobs and future career
2- booking a hotel
3- about sport and olympic games
4- meeting people at work (a company or clinic for example)
5- dialogue in an airport
6- getting ready for a holiday
7- about methods of farming
8- about computer and internet
9- job interview
10- buying and seeling a house
11- people's health (visiting a patient in hospital)
12- telephoning
13- dialogue with a tourist
14- talking about weather
15- about ancient egyptians
16- at a clothes shop
17- at a restaurant or cafe
18- at a travel agency
19- at an electric set shop
و ان شاء الله هانزلك نموذج لكل ال dialogues دى و شرح كيفية تكوين السؤال عشان كدة يبقى معاك ال 4 درجات بتوع ال dialogue اما تخلصهم انا هتابع معاك سؤال بسؤال ازاى تاخد درجتة النهائية
و بالله التوفيق

السلام عليكم
يا عم خلينا فى الفرنساوى الاول
وبعدين الجبر
لما نيجى عند الانجليزى ارعبنا معاك
عموما متقلقش
ان شاء الله هيكون سهل
ادعولنا يا شباب ويا بنات المنتدى

اسف يا جماعه بس انا فى تالتة والامتحان كان سهل جدا ومش محتاج وامتحان تانية السنة اللى فاتت مش صعب زى ما فى ناس بتقول
وربنا يوفقكم ان شاء الله

فكروا فى اللغة التانية مش الأولانية يا بتوع ثانية ثانوى انتوا


وكمان مش عاجبكم نفرح شوية زى ما فرحتم فى التفاضل

<div class='quotetop'>إقتباس(ahmed_zakaria @ Jun 16 2007, 06:34 PM) [snapback]330448[/snapback]</div>شكرا جدا يا مان