قصة تظلم طالب فى الكيمياء 2010 **أرجو من المدرسين الدخول
 

يا ريت تسمعوا قصتى للآخر ومتزهقوش...

يا جماعة أنا قدمت تظلم يوم 20/7 فى مادة الكيمياء أنا جايب 49 وخايف يكونوا مش بيهتموا بالدرجات العالية..عموما رحت وشفت ورقتى لقيت معموللى غلط على سؤال التمييز بين هيدروكسيد الصوديوم و ثيوسيانات الأمونيوم..ناقص فيه الدرجة ونص كاملين(ربنا ستر معايا كان زمانى جايب 48.5 لولا أن انا حالل 6 أسئلة وناقص فى سؤال درجة فجبت 49) طبعا الإجابة كانت عن طريق كلوريد حديد 3 هيخلى حاجة بنى محمر وحاجة تانية أحمر دموى لكن مكتوب فى نموذج اجابة الوزارة بعد الاجابة تحت:أى تجربة أخرى صحيحة...
انا كنت عامل تجربة تانية عن طريق كلوريد ألومنيوم بدلا من كلوريد حديد3 بحيث تميز مادة واحدة بس وهى هيدروكسيد الصوديوم هتطلع راسب أبيض جيلاتينى والناحية التانية كتبت لا يتكون راسب أبيض..أنا عارف انها تجربة أقل دقة من الأولى لكنها سليمة بشهادة مدرسين كثير وبشهادة نموذج إجابة الوزارة اللى كاتب أى تجربة أخرى صحيحة.. لكنها اتصححت غلط..فهل ممكن يصححولى الغلطة دى ولا واخدين 102 جنية عشان تجميع الدرجات وبس؟؟؟؟؟؟؟؟
وسؤالى الثانى..متى تظهر النتيجة مع العلم ان انا مقدم يوم 20/7؟؟؟


متشكر قوى لحسن استماعكم والسلام عليكم

طب سؤاااال بس

هو انت كنت طالع الاول ع السعيديه فى اولى ثانوى ولا مصطفى غيرك ؟؟

يا حبيبى الأول ع السعيدية السنة اللى فاتت مكانش اسمه مصطفى .. و أنا مش اسمى مصطفى بردو لامؤاخذة يعنى متزعلش منى

اها طيب بس انت كنت كاتب فى توقيعك مصطفى رضوان فى مدرسه السعيديه
وسمعت كمان ان الاول فى اولى ثانوى السنه اللى فاتت كان اسمه مصطفى فحبيت استفسر
ع العموم بالتوفيق وتاخد حقك ان شاء الله ويوفقك فى تالته وتدخل الكليه اللى عايزها

انا كنت عامل التظلم قالولي بعد اسبوعين و انا شوفت الورقه يوم 19