|
طلب صغنن
السلام عليكم انا سمعت ان ف مستوي رياضه بس مش متأكده لان انا سئلت الدفعه ال قبلنا ومنهم قال في وناس قالت مفيش وانا كنت بفكر لو ف رياضه مستوي اخد بس لحد دلوئتي متأكدتش اذا كان ف ولا لاء ممكن مدرس يقولي اذا كان ف ولا لاء ولو ف رياضه مستوي يقول منهجها ايه واذا كانت هتفيدني ف رياضه اساسي كمنهج واذا كانت دراستها سهله ولا هتكون صعبه مع علمي رياضه شكرا |
بصي هو على سنتي كان في بيتهيألي مفيش حاجه اتغيرت بس نصيحه يعني بلاش منها أصلا هي منهجها ديناميكا وتكامل وهتفيدك بقدر قليل جدا في الماده الأساسيه بس صعبه خصوصا التكامل وامتحاناتها بتيجي صعبه واسألي مجرب انا كنت أخده مستوى رياضه وحولت آخر شهر وخدت عربي وجبت الحمد لله 9.5 فيها وقليل الي بيجبها في رياضه وربنا يوفقك ان شاء الله |
جزاكي الله خيرا
شكرا ع مرورك طيب عربي حلو كمستوي ولا ايه ومنهج العربي ايه كمستوي ؟ظ؟ |
بالنسبة للرياضة بلاش كمستوى لأنها حتبقى تقيلة جدا وأفضل أنك تاخدى العربى لأنه سهل جدا وعبارة عن تقريبا عشر دروس بالأضافة للقواعدالنحوية.
|
بصى هو فى مستوى رفيع رياضة دلوقتى
بس نصيحة ماتخديهاش لان المدرسين عندنا بيقولوا صعبة ومش هتفيدك فى الرياضة كمنهج اساسى وانصحك تاخدى عربى كتير بيجيبوا فيه 9.5 من عشرة وده كويس وربنا يوفقك |
اقتباس:
وهو عباره عن 14 درس 3 وحدات أو اربع مش فكره بس بيجيلك 3 دروس بس منهم كل درس من وحده يعني هتطنشي وحده منهم وكمان هتطنشي الدروس الي جت السنه الي فاتت هيصفولك على 6 أو 7 دروس زائد حبه قواعد نحويه من بتاعه المنهج العادي وبس كده وربنا يوفقك ان شاء الله |
جزاكم الله خيرا
شكرا ع مروركم |
فعلا فيه رياضة و كنت واخدها
و ده كان حكايته حكاية هو كان زمان صعب بس عملولوا مواصفات جديدة خلاته يعتبر أقصر امتحان و أظرف مستوى رفيع عمومًا هو فعلاً مش هيفيدك كتير فى المنهج الأساسى لكن هيفيدك فى الكلية إن شاء الله المنهج مش طويل و لا حاجة هو من أقصر المواد لو حبيتى الرياضة 2 تقدرى تاخدى رياضة مساوى رفيع هو 7 أسئلة تختارى 5 و الخمسة منهم سؤالين نقطتين اجبارى صح و غلط و سؤال تافه فى الميكانيكا اختار و سؤال تافه فى التكامل زائد تلات أسئلة من نقطة واحدة متوسطين فى المستوى إن لم يكونوا سهلين و فيه سؤالين طوال بنسيبهم غالبًا ( الحجات اللى بيقولوا عليها صعبة ههههه ) و كمان قوانين نيوتن ليها علاقة كبيرة بالمنهج من قريب و من بعيد و عمومًا أنتوا حظكم أحلى مننا احنا مكانش معانا غير كتاب الوزارة طول السنة وده صعب جدًا - نسبيا - و نزلنا فى آخر شهر كتاب الوسام و كتاب 100% تقدرى تشوفيهم و تقررى هتاخدى المستوى و لا لأ و أضمنى مدرس يشرحلك المادة و طبعًا فيه ميزة أنك لو غلطى غلطة متنقصيش - حصلتلى - غلطتين تنقصى نص و هكذا بالتوفيق ،،،،،،،،،،،،،، |
زملائك جاوبوك بالتفصيل وهم مجربين
وهو مفيد للطالب فى كلية الهندسة وانصح الطالب المتميز فى الرياضيات 2 أن يأخذ مستوى رفيع رياضيات إذا كان متمكن جدا من المنهج الأساسى |
طيب المفروض نبدأ نذاكر المستوى الرفيع من امتى .. هل من اول السنه ونتسلى فيه كده على مدار السنه .. ولا نذكره فى الشهور الاخيره ؟؟ |
اقتباس:
وقوانين نيوتن فى الديناميكا وأخذ فكرة عن التكامل وللعلم التكامل ما هو إلا باب (درس) وليس فرع من فروع الرياضيات 2 . |
شكرا لمروركم كلكم طبعا وجزاكم الله خيرا
اوك طيب دلوئتي انا بحب الرياضه جدا بس السنادي انا نزلت اوي مع ان ده مش مستوايا والحمد لله مستوايا وحلي ف الامتحانات يخليني اجيب 98 % بس للاسف وحسبي الله ونعم الوكيل ف ال ظلمني ف التصحيح نزلت 85% فانا السنه ال جايه باذن الله 3 يعني لازم ارتفع واعدي 90 وان شاء الله انا بردو هعمل الي عليا لحد اخر حاجه لان ده مستقبلي وباذن الله اجيب 93 لان ده تقريبا اعلي حاجه هجبها لو قفلت المواد كلها والمستوي كمان ؟؟؟؟؟؟؟؟؟؟؟؟؟ فاتمني من مدرس يدخل يقولي اقرر رياضه مستوي ولا عربي وبالنسبه لعلم نفس واقتصاد واحصا انهو احسن ( مبحبش الحفظ ) ارجو من اي حد عنده الخبره والمعرفه الكامله بالمنهج يساعدني جزاكم الله خيرا |
اقتصاد و إحصاء إن شاء الله
تقدرى تستفسرى فى القسم و تشوفى المواضيع |
| جميع الأوقات بتوقيت GMT +2. الساعة الآن 05:03 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.