|
إيه الفرق بين المهندس المدني و المهندس المعماري
أنا عايز أعرف الفرق بين المهندس المعماري و المهندس المدني و أيهما أفضل. , و شكرا
|
بص هو أنا مش مهندس ولا حاجة أنا لسه رايح 3 ثانوي
بس أعتقد إن معماري ده بيبني بيوت محلات حاجات بسيطة من دي يعني لكن مدني ده بتاع الحاجات التقيلة كباري طرق والكلام الكبير ده وبيشتغلوا في شركات مقاولة زي المقاولون العرب ده على حد علمي و أكيد حد بيفهم هيرد عليك إن شاء الله |
المهندس المعمارى بيرسم
والمدنى بينفذ اللى اترسم على حد علمى |
المهندس المعماري هو كل شغله الرسم والرسم المعماري دا حاجه مش سهله لان عليه بياخد ابعاد الارض ويحاول يعمل رسمه تتناسب مع متطلبات العميل وابعاد الارض والشكل الجمالي ولو عايز معلموات اكتر البشمهندس كيموز هو في قسم عماره ممكن يديك معلومات اكتر
المهندس المدني هو فعلا منفذ للرسم المعماري بس ده ميمنعش انهم عندهم رسم كباري ورسم جمالونات وحاجات كده هتعرفها بعدين المهندسين المدنيين وظيفتهم انهم بيحددوا نسب المواد الداخله في عمليات البناء كمان بيفحصوا التربه وبياخدوا عينات منها وفيها حاجه عندهم اسمها اكواد البناء وقسم مدني قسم حلو وفي اغلب الوقت بيشغل علي طول من اول ماتتخرج هو دا تقريبا الفرق بين المهندس المعماري والمدني |
المهندس المعمارى و دا بيهتم بالتصميم المعمارى و الإشراف على تنفيذها ، منهم اللى بيهتم بالتخطيط العمرانى .
المهندس المدنى بيتشعب إلى :- 1- مهندس مدنى إنشاءات . 2- مهندس مدنى طرق . 3- مهندس مدنى مطارات . 4- مهندس مدنى سكة حديد . 5- مهندس مدنى كبارى . 6- مهندس مدنى انفاق . 7- مهندس مدنى أعمال صحية . 8- مهندس مدنى رى . لازم تعرف إن كل المجالات فى هندسة بتكمل بعض محدش له فضل على التانى و محدش بيشتغل لوحده . |
اقتباس:
قاله بيعمل عمارة قاله امال بتاع مدني بيعمل ايه قاله ده بيبني المدينة :d اقتباس:
بتاع عمارة بيخطط يعني بيقعد يرسم عالكمبيوتر ويعمل اللوح الكبيرة وكده وبتاع مدني بينفذ يعني هو اللى بيروح الارض ويشرف على تنظيم العمال ويشوف الاسمنت والشدة الخشبية والخرسانة ويتأكد إنهم معمولين صح ويتابع المقاول اللى بيتابع العمال وكده يعني |
شكررا جزيلا لكم جميعا
|
| جميع الأوقات بتوقيت GMT +2. الساعة الآن 12:01 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.