بس مش حتقدري تستفيدي منها دلوقتي علشان هي اسمها............البرتقال
بس معلش الشتاء قرب
طبعا كلنا بنحب البرتقال ونعرف إن له فوائد عظيمة فهو غني بالفيتامينات خصوصا فيتامين (ج) ولذلك فهو يساعد علي مقاومة أمراض البرد والأنفلونزا كما يساعد علي التئام الجروح وأيضا يساعد علي انتظام الأمعاء لما يحتويه من ألياف أما المدهش فان الانتظام علي تناوله يوميا يساعد علي تنشيط الذهن وحسن الاستيعاب والتركيز في المدرسة والعمل فاحرصي علي تناوله طوال فترة تواجده(الشتاء) أو شرب كوب من عصيره الطازج يوميا وأوعي ترمي قشره؟؟!!.............لا لا أنا متجننتش ولا حاجه أنتي متعرفيش إن قشر البرتقال كمان له فوائد كتيييييييييييييرة؟َ! إليك بعض منها..........
1- يمكنك إضافة مبشور قشر البرتقال إلى الكيك أو البسكويت بدل من الفانيليا علشان تحصلي علي مذاق البرتقال.
2-كمان ممكن تضعي بعض قشر البرتقال في زيت قلي البطاطس أو السمك علشان تتخلصي من الروائح الغير محببة.
3-لو كنتي من محبي مشروب الحلبه ممكن تضعي بعض قطع القشر المجففة بها وتضمني عدم انبعاث رائحة الحلبه الغير محببة.
4- وكمان تعرفي إن وضع مسحوق قشر البرتقال الجاف مع خلطة الفراخ بيعطيها طعم جميل جدا ويخلصك من أي رائحة مش حلوة.
ياللا كلي برتقال وجففي القشر واحتفظي بيه و استخدميه وقت الحاجة. B)

ايه يا كمبا الجمااااااال ده؟؟؟؟؟؟؟؟
نصايح كويسه وانا اول مره اعرف فوايد القشر.

شكرا يا اسماء علي تشريفك للموضوع والحمد لله انك استفدتي منه

فؤائد حلوه فعلا

جزاك الله خيرا