الاكاديمية اخر يوم فى تسليم icdl
 

بسم الله الرحمن الرحيم
والله العظيم كل الكلام اللى هقوله ده حقيقى وحصل فى فرع الأكادمية فى الغربية اليوم وعلى لسان مدير الأكادمية شخصياً وبما انى واحد من اللى زهقوا من الوعود كل يوم كنت كسلان شوية انى أخلص ال icdl لكن خلصت اليوم بس 29/7/2010وحصلت على ال 7 مديولات وكنت فاكر انى خلاص اتأخرت بما ان الأكادمية أعلنت عن المرحلة الخامسة واللى كنت فاكرها النهائية لكن اللى قاله مدير الأكادمية لى شخصياً ان لسه هنمد فترة تانية من يوم الأحد 1/8/2010 ولمدة 15 يوم تانى وكل الهدف من الفترات دى تجميع الشهادات من كل المتعاقدين ( يعنى مش اللى يلحق زى ما البعض فاكر ) لأ فيه ضوابط وان شاء الله فيه تثبيت فعلا بس لازم الكل يكمل أوراقه و المفاجأة هيا ان التثبيت وده على لسان مدير الأكادمية وكررت السؤال له اكتر من مرة ان . التثبيت سيتم بأقدمية التعاقد والحمد لله انى متعاقد من 2005 يعنى يمكن اكون أقدم واحد ( صدقونى مش بهزر ) لكن دى حقيقة بس ياريت الكل يكم أوراقة كلها
أشكركم والسلام عليكم ورحمة الله وبركاته

شكرا علي الخبر

على فكره حكاية التعيين باقدمية التعاقد دى كلام غلط خالص
لان لما مضيت معلم مساعد كل اللى اشتغلته قبل كده ملوش لازمه
وياريت راى الاخوه اللى معانا فى المنتدى

فغلا واحد زميلي سأل فى التطوير فى المنيا قالوا أن الفترة المحددة أتأجلت ليوم 13\8وطبعا أنا فرحت جدا وقلت يا ريت تتأجل لأخر 8 كمان لأنى بصراحة لم أحصل على ال
icdl ومستني لما أشوف الى خدوها عملوا أه بس واضح أن مفيش تثبيت غير لما أحصل على الشهادة دى وعلى فكرة أنا تعاقد 2005وكنت شغال بالحصة 5 سنين قبل كده فالواحد عارف الى بيحصل وحفظه كل شئ بيجى براحته ولما ربنا بيريد
حسبي الله ونعم الوكيل حسبي الله ونعم الوكيل حسبي الله ونعم الوكيل .

استاذي العزيز اقدمية التعاقد المقصود بها السنتين بتوع المعلم المساعد لان اي عقد قبل عقد المعلم المساعد مش معترف بيه والدليل علي كده اني لما شفت الملف بتاعي في الادارة لم اجد به العقود القديمة قبل عقد معلم مساعد ولما سألت قالولي احنا مبنعترفش غير من أول عقد معلم مثالي والله أعلم

أحنا عقدنا المميز كان مارس 2008 يعنى قبل يوليو بس بصراحة كله كلام فاضي ولا حد هيتعين ولا حد هيتثبت
أسف جدا نسيت أن المتعاقدين متثبتين فعلا الحكومة مثبتاهم من زمان بس تثبيت أنتباه ..تثبيت وهمى ...أو نقدر نقول تثبيت عسكرى .خارج الإرادة

استاذي العزيز اقدمية التعاقد المقصود بها السنتين بتوع المعلم المساعد لان اي عقد قبل عقد المعلم المساعد مش معترف بيه والدليل علي كده اني لما شفت الملف بتاعي في الادارة لم اجد به العقود القديمة قبل عقد معلم مساعد ولما سألت قالولي احنا مبنعترفش غير من أول عقد معلم مساعد والله أعلم

ياجماعه بلاش كلام فى الهوا وملوش لزمه من الاخر علشان منلفش على بعض مفيش تثبيت واللى عايز يقول متشائم يقول مش فارقه والراجل مدير الاكاديميه ده بطيخه زيه زى غيره من مديرى الاكاديميات على مستوى الجمهوريه هو نفسه ما يعرفش بكره هيحصل ايه والدليل ان يوم ظهور نتيجة الكادر اتصلت عليهم علشان اسالهم الصبح عن اى اخبار رد عليه المدير المحترم ان مفيش لسه حاجه وانتظر لاخر الاسبوع فوجئت بالنتيجه باليل ومواقف كتير من ده حتى يوم مانزل منشور الرخصه مكنوش يعرفوا حاجه عنه
انا عايز اقول ان لو حتى فيه تثبيت ياريت منتعبش نفسنا فى سؤال كراسى قاعده على كراسى


ثانيا :انا متعاقد من 2002 ومعايا ناس من 1998 ومخدوش معلم مساعد لحد دلوقت يعنى يابيه لو الاقدميه شرط التعيين او التثبيت كانوا دول اخدوا عقد معلم مساعد قبل الاف من اللى اخدوها بالوسطه وكلنا عارفين وده العدل بس دى دولة ظلم وربنا ينتقم من الظالم لان كان معيار الاختيار زى مابيقولوا هو التقدير مش الاقدميه

ثالثا: ايه اللى يثبت انى شغال من 2002 وغير من 2001 وغيرى من 2006 ممكن تقول ؟

رابعا : من الاخر احنا كنا بنشتغل فى البلد ده لوجه الله وحسبى الله ونعم الوكيل

وكفايه كده علشان الواحد قرف وتعب من الكلام اللى على الفاضى والمليان

يا جماعه امركم غريب الرجل بيحكى اللى حصل معاه النهارده ملهوش دعوه اذا كان الكلام صح ولا غلط الرجل يشكر وارجو الذهاب الى منتدى المعلم المساعد الان انتبه من فضلك انتبه من فضلك انتبه من فضلك وقولوا لى ما رايكم فى هذه الاقتراحات بدلا من هذه المواضيع الكثيره التى لا تسمن ولا تغنى من جوع وتشتت القارئ وحشو على الفاضى اذهب واقرأ وقل رأيك لو سمحت لكى تعم الفائده

عدم الاعتراف بمدة التعاقد قبل 2008 هو ظلم للمتعاقدين قبل هذا التاريخ

في يوم صحيت شاعر براحة و صفا
الهم زال والحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!!!


صلاح جاهين

لا جديد اوخبر مؤكد