|
نقطه اتحسبتلى غلط ف التصحيح .. بلي شوفوها صح ولا غلط
السلام عليكم ورحمة الله وبركاته
يا اساتذه انا لقيت ليا درجات ف اللغه العربيه ان شاء ربنا هاخدها بس فى نقطه محيرانى كان فى سؤال بيقول : استخرج ممنوع من الصرف مجرور بالفتحه وبين سبب المنع ف نموذج الاجابه مكتوب (( وسائل )) لأنها صيغة منتهى الجموع طيب انا كتبت ((أحدث )) لأنها صفه على ون افعل التفضيل ادى الجمله بتاعة القطعه : (( وزودت المدارس بأحدث وسائل علميه .....)) يا ترى انا صح ولا غلط ؟ بلي حد يرد عليا م الاساتذه بسرعه |
معتقدش اعتقد لانها مضافه لوسائل فتبقى مجروره بالكسره بس |
ليه هو المضاف لنكره بيتجر بالكسره ولا ايه
لا ان شاء الرحمن لا يارب يردوا الاساتذه |
اقتباس:
لا انا قريتها تانى واتأكدت ان المضاف لنكره يجر بالكسر فقط زى ما قلت انا ريتها من الكتاب الاحمر الى كنا مستلمينه من الوزاره |
حتى حاول تقراها بوضع الفتحه فوق الثاء هتلاقيها نطقا مش راكبه اوى |
الممنوع من الصرف يجر بالفتحة
ويجر بالكسرة إن كان معرفة أو أضيف إلى معرفة ولذا فإن كلمة أحدث تجر بالكسرة لكونها أضيفت لمعرفة معلش قدرالله وما شاء فعل خيرها في غيرها |
أحدث مجرورة بالكسرة ؛ لأنها مضافة ، و مش شرط يكون المضاف إليه معرفة أو نكرة ـ في الحالتين مجرورة بالكسرة ـ
|
انا مصر اوجه السؤؤال دا لمدرس لغه عربيه مش طالب
اقتباس:
انا مصر اوجه السؤال دا لمدرس مش طالب |
نعم ممنوعة وهى هنا مجرورة بالكسرة لأنها مضافة
|
مجرورة بالكسرة لانها مضافة
عطية محمد طلبة معلم أول اللغة العربية |
شكرا ليك يا استاذ عطيه
شكرا ليكم جميعا |
اقتباس:
مجرورة بالكسرة عزيزي لأنها مضافة للنكرة التالية لها ( وسائل ) ولعلمك المضاف إليه يأتي نكرة ومعرفة نكرة + نكرة تصف = نعت مثل علمية بعد وسائل نكرة + نكرة لا تصف = مضاف إليه مثل ( وسائل ) بعد أحدث تقبل تحياتي |
| جميع الأوقات بتوقيت GMT +2. الساعة الآن 07:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.