|
هل ترضى ان تكون شريكة حياتك اصغر منك؟؟؟
السلام عليكم ..
كنا بنتكلم في مواضيع عامة كده و الكلام جاب بعضة و جه للسؤال ده انا عن نفسي اخدت وقت طويل عشان اجوبة و احترت حاجة محيرة و صعبة هل ترضى ان تكون خطيبتك و زوجتك اكبر منك ؟؟ هل ترضي با يكون خطيبك و زوجك اصغر منك؟؟؟ مستنية تفاعلكم |
ايه المشكلة يعنى ؟؟؟ .. عادى ...
|
لو اصغر لا طبعا بالنسبه للبنت .............................من وجه نظري المفروض هو يكون اكبر
|
مش هاتفرق كتير ... المهم يكون في ترابط فكرى واقتناع ... ويكون فارق السن مش كبير أوى
|
اقتباس:
بس يعني هتقدر تواجه الناس و الظروف و مش هتخاف من الشكل الاجتماعي او ان البنت كتغيرات بتكبر قبل الولد؟ اقتباس:
بس لو كان في حب بين الطرفين هتفضلي على مبداك ولا لا؟ هو سؤال عايز الواحد يفكر فيه من كذا جانب و كل الاجابات تحسي انها متناقضة لبعض بس فعلا عايزين نوصل لاحسن حل |
يا جماعة لو كل واحد بص للى هايعمله علشان الناس تقول او ماتقولش يبقى مش هيخلص ....
وبعدين الناس اللى هتقول كده او كده ... الناس دى عندها بلاوى كتير ومصايب أكبر من كده ومحدش فاضى لحد .... بس انا عن نفسى ماعتقدتش انى ارتبط أو اتجوز واحدة أكبر منى ... بس بقول ان ده ممكن يحصل ومفيهوش مشاكل ... بس يبقوا متفقين فكريا .... كلامى صح ولا ؟؟ |
على فكره الموضوع ده محير حبتين بس
انا من وجهة نظرى لو هى اصغر منى عادى مفيش مشكله بالعكس كل ما يبقى الزوج والزوجه متقاربين ف السن مشاكلهم بتزيد لأن كل واحد فيهم بيبقى شايف نفسه صح ومش بيرضى يغير كلامه ولا وجهة نظره لأنه بيعتبر ده ضعف لكن لو فى حب بجد بين الطرفين بتبقى الحياه حلوه وسهله ومفهاش مشاكل كتير حتى لو كانوا متقاربين بس لو الحب (بجد) مش كلام وبس كده بيضحكوا بيه على بعض ولو الولد اصغر عادى برده لأن الولد بيبقى افقه اوسع من البنت مش معنى كده ان البنت افقها ضيق ولا مابتعرفش تفكر بالعكس البنت ممكن تحل اصعب المشاكل بتفكيرها لكن المنطق بيقول ان الولد اوسع افقا من البنت وده مش كلامى ده كلام اغلب الفلاسفه والعلماء وبكده الولد يقدر يستوعب فرق السن اللى طبعا مش مفروض يبقى كبير يعنى سنه سنتين بالكتير انا اسف اذا كان كلامى فيه حاجه غلط ياريت حد يقولى شكرا يا يمنى على السؤال الجميل ده بجد انا مفكرتش فيه قبل كده لكن دلوقتى فكرت وقولت ليه لأ مفهاش مشاكل خااااااالص بس مع مراعة كل ما سبق تقبلى مرورى يمنى |
في معلومه انا سمعتها ان عقل البنت بيبقى اكبر من عقل الولد ب مقدار سنتين (( لحد اما الراجل يتم 30 سنه )) ف عشان كده بيقولوا يفضل يبقى الفرق بينهم سنتين فأكثر حتى يكون عقل الرجل اعمق و اعقل من البنت الي هيتجوزها عشان يعرف يمشي البيت بحكمه اكتر منها (( ده على اساس انهم في العشرينات مثلا )) انما لو تم 30 زي ما قلت يبقى متفرقش زي بعض دي نظريه و معلومه حقيقه سمعتها من دكتور في كليه الطب .... و في النهايه برضو ... الله اعلم و دي كلها تقادير الله عز و جل |
عاااااااااااااااااااااااااااااااااااااادى السن عمره مكان مشكلة
|
انا لو هختار هختار وحده قدى فى السن طاااااااااالماااااااااااا بحبها يعنى . ولو مكنتش قدى يبقى اصغر منى طبعاااااااااا. وكل شئ نصيب فى الاول والاخر.
|
بالنسبة للراجل لازم يكون اكبر سنا من الفتاة او مساوى لها لكن فى راى لو هى اكبر منه وزواج تقليدى بدون حب بين الاتنين هيفشل
|
لا طبعا مينفعش يكون اصغر منى
ههههههه هاخده أربيه أنا ولا إيه ؟ يا إما فى سنى أو أكبر لكن مش متقبله خااااااالص انه يكون اصغر منى |
اعتقد انه افضل انه يكون البنت اصغر من الولد عالاقل متحسش انه عيل :d بس فيه حالات بيبقى فيه تفاهم كبير بين الطرفين و فيه بينهم حب متبادل ساعتها السن مش هيفرق الا برد لو كان اصغر منها بكتير ده وضع مش هيرضى بيه المجتمع و لو واحدة بتفكر صح مش هترضى تحب واحد اد ابنها ده رايي الشخصى يحتمل الصواب او الخطا فى امان الله |
اقتباس:
هههههههههههه لا دى هتبقىوخداه علشان حاجة معينة وهو واخدها علشان الفلوس لو كانت غنية لان مفيش راجل عاقل يتجوز وحدة اكبر منه |
اقتباس:
هههههههه هو فرخة هتربية وعلى العموم وجهة نظر بردوا اقتباس:
انا فى نظرى انهم يكونوا فى سن واحد حتى يكون هناك تناسق فكرى واجتماعى ويعرفوا يواجهوا المشاكل الصعبة مع بعض ويكون فى حب بينهم اكتر وايضا انا لا امانع بانة يكون اصغر منها بسنة او هى كذلك طول ما فى حب بين الطرفين لا يوجد اى سبيل ولا طريق للفراق واهلا بكم ومرسى على الموضوع الجميل |
| جميع الأوقات بتوقيت GMT +2. الساعة الآن 07:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.