|
فيه حد مش بيقبض من شهور؟؟؟؟؟؟؟
أنا تعاقد ( معلم مساعد ) ادارة العامرية بالأسكندرية و مرتباتنا اتأخرت شهر ( أبريل و مايو ) و قبضناها في يونيو و دلوقتي لسه ( يونيو و يوليو و بيقولوا كمان أغسطس) .
حد في اسكندرية حصلت معاه الحكاية دي لأن يظهر ان موضوع اللاب توب هايجي علي دماغنا . يا ريت التفاعل في الموضوع و الرد عليا بسرعة. |
اول حاجة ده شئ غريب فعلا
حضرتك تعاقد ( معلم مساعد ) والقبض متأخر شهور ده عمره ماحصل ده كان بيحصل زمان ايام عقد ال104 لكن معلم مساعد لا ربنا يعينك بس ممكن تشتكوا في الوزارة بجد بجد ربنا يعينكم . |
احنا في ادارة السنبلاوين محافظة الدقهلية
لسة مقبضناش شهر يوليو بيقولوا عشان العلاوة هيعملوا شهر يوليو واغسطس مع بعض |
ربنا يعينكم ويرفع هذا البلاء عنكم واضح جدا ان المديرية مش بتدى الادارة دعمكم بالكامل كل شهر وبتتاخر فيه الحاجات دى مش بتحصل مع المعلم المساعد دااحنا بنقبض فى نفس اليوم مع الاساسى لازم تشتكو فى الادارة وبعدين ترفعوها لمديرية التربية والتعليم بالاسكندرية وربنا يعينكم ويفرج كربكم
|
احنا فى الاقصر للا سف لسه ماقبضناش شهرين 6 ، 7 و لما سالنا على التاخير قالولنا تحمدو ربنا انكم قبضتو شهر 6 ده فى ناس لسه مقبضتش شهر 5 و يمكن مقبضوش المكافأة و بيتحججوا بالميزانية الجديدة و الله أعلم بشهر 8 و اهو رمضان هل هلاله و مش عارفين نعمل ايه فى المصاريف نستلف و لا نعمل ايه ... و اسمنا معلمين .. و الله الواحد بقى يتكسف لما حد بيقولوا انت شغال ايه .. او بتقبض كام .. و الله بقيت حاجة تخجل .. اين كرامة المعلم .. يا ناس ربنا معانا للعلم انا تعاقد معلم مساعد |
امتحان الدور الثاني للمعلم المسا عد
سؤال متي إمتحان الدور الثاني لكادر المعلم المساعد ؟ أرجو الافادة
|
هيتحدد اخر شهر 8 تابع الموقع
|
تعب المعلم المساعد
احنا هنا في الاقصر ادارة القرنة مقبضناش مرتب شهر 5و6و7
ولما سالت قالو مفيش ميزانية الاداري بيقول مرضيوش يستلموا استمارة شهر 7و8 عشان في اختلاف علي العلاوة 2005 اللي تزود الاساسي 30 جنيه عايزين يخلوها 4.80 اللي قبض شهر سبعة يقول واللي عندو وجهة نظر يقول |
ألف شكر لتعاطف الأستاذ حجازي و الأخرين بس أتمني مشاركات الباقين لرفع شكوي باسم الجميع
|
احنا كمان القاهرة ادارة الزيتون مقبضناش شهر 7
|
اقتباس:
انا من الدقهلية زيك ولسه مقبضناش شهر 7 |
اقتباس:
انا كمان من ادارة العامرية وبعاني معاكي من موضوع تاخر المرتبات ده ومفيش فايدة حنعمل ايه ؟ بس ايه حكاية الاب توب دي هي حقيقة ولا كدبة ؟ في اخبار في ادارة العامرية عن الاب توب ؟ |
انا من سوهاج ولم نقبض شهر 7 حتي الان
دي اهانة لكرامة المعلم |
احنا ادارة البياضيه بالاقصر
لم نقبض حتى الان5/ 6/7 وكمان مقبضناش المكافئة |
اقتباس:
بيضموا الاتنين مع بعض (7 و 8 ) عشان مفردات المرتب الجديدة بتوصل متأخرة من المديرية |
| جميع الأوقات بتوقيت GMT +2. الساعة الآن 08:34 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.