|
اكيد فى سر
اكيد فيي سر!!!!!!!!!!http://www.thanwya.com/vb/images/smilies/entzar.gif
http://www.g-ksa.net/vb/Picture/115.gif قبل ما أقولكم على السر!!! تعالوا نفكر تفتكروا ممكن واحد يعمل حاجة بإرادته الحرة وتكون شاقة على نفسه ومش بيحبها؟؟؟؟ آه ممكن أحيانا نعمل حاجة مش بنحبها لإننا مضطرين وساعتها بنعملها يدوب أداء واجب..مش كدة؟ طيب لو لقيت واحد بيعمل حاجة ومهتم بيها قوى وعمال يحسن فيها.وبيعملها باختياره...هتقول إيه؟ هتقول أكيد مستمتع بالحاجة دى وبيحبها وحتى لو الحاجة دى فى نظرك متعبة أكيد فى حاجة تانية مهونة عليه التعب دة!! http://www.g-ksa.net/vb/Picture/65.gif مقدمة طويلة بس معلش عشان نوصل للسر لما تشوف واحد ...مبيدخنش سجاير.... مبيعرفش بنات.... مبيسمعش أغانى ....مبيشفش أفلام وبيصلى فى المسجد ويصوم وبيحفظ قران تبص له وتقول إيه دة هو مقفلها كدة ليه؟؟ وبعدين هو ثابت وميزهقش ليه؟؟ أكيييييييييييييييد فى سر!!!!!!!http://www.thanwya.com/vb/images/smilies/entzar.gif صحيح واحدة فى عز الحر الى أحنا فيه ولابسة إسدال ولا عباية وخمار طويل ولا نقابوملحفة سوداء ...طب والموضة واللبس والمكياج و..و... دى معقدة دى ولا إيه ؟؟ أكيييييييييييييد فى سر!!!!!!!!http://www.thanwya.com/vb/images/smilies/entzar.gif فى ناس بتعتقد إن يمكن الناس دى معقدة !! أو مضطرة ومعندهاش خيارات غير كدة!!! طيب لو لما تلاقيه واحد متعلم ومثقف ومستواه الإجتماعى كويس جدا ومستواه المادى ممتاز وسهل عليه لو عايز إنه يعمل أى ذنب وأما تكون واحدة جميلة ومتعلمة ومثقفة ومن عيلة وتقدر تلبس على أحدث موضة ولو عايزه ممكن تعيش حياتها بشكل مختلف تبقى إيه الحكايه؟؟؟ إيه السر؟؟؟؟ السر فى أربع نقاط: 1 قال تعالى"مَنْ عَمِلَ صَالِحًا مِنْ ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ " طبعا احنا بنصدق ربنا ربنا قال (( فَلَنُحْيِيَنَّهُ حَيَاةً طَيِّبَةً)) حياه طيبة يعنى راضى...يعنى مستمتع بطاعته يعنى مرتاح....يعنى لما حاجة بتتعبه فى الدنيا حلها عنده بسيط هيقوم يتوضأ ويصلى ركعتين وربنا يفرج همه أكيد كل واحد لما كان بيعمل ذنب كان بيعمله علشان يحصل على لذة .. .الى صاحب واحدة والى مقضى حياته شات والى بيسهر فى ملهى ليلى ومقضيها أغانى ورقص كل دول بيدوروا على لذة ......على سعادة حتى الى بيشرب سجاير بيقول انه بيشربها عشان تريحه نفسيا والى بيشرب مخدرات بيحاول يبقى مبسوط ويهرب من الواقع بس لذة المعصية لها خاصية وهى إنك ممكن(لو أنت بعيد عن ربنا) فى لحظتها تحس إنك مبسوط بس شويه وتحس إنك قرفان وزهقان ومخنوق مع إن كل حاجه ماشيه كويس تقوم تهرب من الإحساس دة بذنب جديد وشوية ويجيلك نفس الإكتئاب وهكذا أنت عايز تبقى مبسوط!!!!!! وكلنا نبحث عن نفس الشىء عايزين الراحة والسعادة بس ينفع تدور على أهرامات الجيزه فى إيطاليا؟؟؟؟؟؟ لو لفيت إيطاليا شبر شبر مش هتلاقيها ...ليه؟؟ لإنك بتدور فى المكان الغلط.. لإنها بكل بساطة فى الجيزه!! يبقى لو دورنا على السعادة والراحة فى كل مكان مش هنلاقيها إلا فى العمل الصالح زى الاية ما قالت يبقى الى شكله ممكن تشوفه معقد هو مبسوط لإنه دور فى المكان الصح لكن الى بيدور فى مكان غلط ( َمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكاً وَنَحْشُرُهُ يَوْمَ الْقِيَامَةِ أَعْمَى ) http://www.g-ksa.net/vb/Picture/65.gif 2 قال رسول الله صلى الله عليه وسلم ((- من كانت الآخرة همه جعل الله غناه في قلبه وجمع له شمله وأتته الدنيا وهي راغمة ، ومن كانت الدنيا همه جعل الله فقره بين عينيه ، وفرق عليه شمله ، ولم يأته من الدنيا إلا ما قدر له)) الراوي: أنس بن مالك المحدث: الألباني - المصدر: صحيح الترمذي - الصفحة أو الرقم: 2465 خلاصة الدرجة: صحيح ركز((غناه في قلبه وجمع له شمله وأتته الدنيا وهي راغمة)) مرتاااااااااحمفوض أمره لربه والدنيا مش هتضيع منه هتجيله ومن غير ما يتعب ويجرى وراها...إلى جانب ثواب ورضا ربنا ((فقره بين عينيه ، وفرق عليه شمله ، ولم يأته من الدنيا إلا ما قدر له)) تعباااااااااااان بيجرى فى كل اتجاهه وفى الأخر برضة مش هياخد أكثر من رزقه..إلى جانب عقاب ربنا بنحارب عشان الدنيا وفى الأول والأخر مش هناخد منها أكثر من المقسوم لنا http://www.g-ksa.net/vb/Picture/65.gif 3 ولهذا قال أحد السلف الصالح : ( لو يعلم الملوك وأبناء الملوك ما نحن فيه من النعيم لجالدونا عليه بالسيوف ) وقال آخر مبديًا حزنه وتأسفه على الذين لم يشهدوا هذا المشهد: مساكين أهل الدنيا، خرجوا منها وما ذاقوا أطيب ما فيها.. قيل: وما أطيب ما فيها؟ قال: محبة الله ومعرفته وذكره. وكان شيخ الإسلام ابن تيمية – رحمه الله تعالى – يقول: إن في الدنيا جنة من لم يدخلها لم يدخل جنة الآخرة.. http://www.g-ksa.net/vb/Picture/65.gif 4 بعضنا جرب طعم مرارة المعصية ؟ فهل حسيت قبل كده بلذة الطاعة ؟ .. جربها ! أسمع... أقرأ .... فكر... وجرب... وافتكر!!! لا خير فى ذنب سيألمك فى الدنيا ويدخلك النار فى الاخرة وان فرق كبير بين (معيشة ضنكة )و( حياة طيبة) وفرق كبير بين ((غناه في قلبه وجمع له شمله وأتته الدنيا وهي راغمة)) وبين ((فقره بين عينيه ، وفرق عليه شمله ، ولم يأته من الدنيا إلا ما قدر له)) اللهم أرزقنا السعاده فى الدنيا والأخرة |
جزاك الله كل خير وأى سر هذاا !! نفع الله بك |
جزاكم الله خيرا وزرقنا واياكم سعادة الدارين
|
والله احسنتي
والله موضوع رائع سلمتك يمينك اسال الله عز وجل ان لا يحرمكي الاجر |
جزاكم الله خيرا ونفع بكم الاسلام واهله
|
ربنا يكرمك انتي بجد جايبة الموضوع بطريقة جميلة وموصلاه بطريقة أجمل لعقولنا كلنا
ربنا يكرمك يا رب ويبارك فيكي |
جزاكى الله خيرا
|
جزاكى الله خيرا
|
وايكم اختى شيماء
|
جزاك الله خيرا اختى
|
جزاكى الله خيرا ع المرور العطر
|
جزاكي الله كل خير أختي على هذا الموضوع الجميل
|
بنحارب عشان الدنيا وفى الأول والأخر مش هناخد منها أكثر من المقسوم لنا
صدقتى جزاكِِِ الله خيرا و نفع الله بكِ |
جزاكم الله خيرا على المرور الرائع
|
جزاكى الله كل خير
موضوع جميل |
| جميع الأوقات بتوقيت GMT +2. الساعة الآن 10:56 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.