يا ناس مدرس مبتدئ وعايز النصيحة فساعدونى
 

بالنسبة لمنهج 2 ثانوى ما هى أفضل طريقة لشرح الوحدة ؟
أنا بشرح الاستماع والقراءة والملاحظات فى حصة ، والقواعد فى حصة ، وتمارين فى حصة
يعنى الوحدة فى ثلاث حصص ؟
سؤالى هل ذلك كثير على الوحدة وممكن يأخرنى فى المنهج ولا أعمل ايه بالضبط وضعا فى الاعتبار كمية الملاحظات والقواعد المقررة ؟
ياريــــــــــــت من فضلكوا اللى يقرا الموضوع يدنى رد عشان خبرتى قليلة فى هذا المجال؟
استفسار تانى معلهش :
عندما جائنى طلاب من 2 ثانوى كنت مترددا وذلك لأنى مدرستش المنهج قبل كدة حتى قصة العناكب مقراتهاش لانى كنت بدى اولى ثانوى فقط وفكرت اعتذرلهم والسبب ليس المنهج ولكن خوفا من المسئولبة فى هذه السنه الحساسة وخصوصا ان الطلبة كنت بديها فى سنه أولى والحمد لله شغالين معايا كويس والسنه دى حبوا يكملوا معايا فى سنه تانية مع العلم يوجد عندنا مدرسين لهم باع طويل فى مجال الثانوية ، فما الحل وخصوصا انى بدات اعمل مذكرات فى المنهج فهل اكمل معهم واجتهد ام ماذا افعل ؟
أكيد حضراتكوا اتعرضتوا لمواقف دى فأرجو النصيحة جزاكم الله كل الخير؟

الوحده فى ثلاث حصص كتير أوى و أكيد هتتأخر بعد الحصه الأولى اطلب من الطلبه يطلعوا على القواعد و يحاولوا يحلوا تمارين عليها لأنهم خدوها قيل كده ثم ناقشهم فى الحصه التانية و اشرح الجديد فى القاعده ان وجد و بكده تبقى الوحده خدت حصتين بس

يا بنى ثق بنفسك واطلع على أعمال غيرك وناقش من يسبقك فى المهنة وخش بقلب جامد واستفد من محتوى دليل المعلم وخلى تمريناتك منطقية مع قليل من التحدى المشروع لتشجيع الطلاب المتفوقين وليس لتعجيز الطلبة. دع لنفسك بصمة خاصة واحذر أن تتقمص شخصية أخى be yourself ,وتأكد أن مجرد اهتمامك بعملك أول خطوات النجاح ، وما فيش فرق بين إعدادى وثانوى المدرس مدرس فى أى مرحلة ولكن اجتهد ، تعلم ، اصبر ، وربنا يوفقك

ربنا يوفقك

في البداية لازم تعرف ان المسالة بسيطة خالص
حصة استماع وقراءة وحصة مراجعة قواعد مع حل تمرينات اكتر
امتحان كل أربع حصص
8حصص مراجعة كل حصة مراجعة علي كل سؤال في الامتحان
وخلي بالك مفيش فرق بين اولي وتانية هو علي حسب جهدك مع طلابك
وربنا يوفقك