|
البنات بجد مظلومة فى المنتديات وانا قريت بعينى التجاوزات اللى حصلت حرام احنا زى اختك
سلام عليكم ورحمه الله وبركاته
يارب اخواتى واصحابى كلهم يكونوا بخير , المهم انا النهارده الحقيقة حابة اناقش موضوع شايفاه كتر وبقى زياده عن اللزوم اولا يا جماعه انا بجد مش عارفة ققول ايه بالظبط على اللى بيحصل والموضوع ده اتكلمنا فيه كذا مرة , هل البنت فعلا اللى بتستخدم النت تبقى مش محترمة او اخلاقها وحشة ليه اعضاء هنا بيقولوا الله واعلم البنت دى ايه او اخلاقها ايه وناس تقول الاختلاط حرام طب منين انت ولا انتى داخله طالما انتى عارفة انه حرام انا بجد مش عارفة ققول ايه انا مش بتكلم دلوقتى عن اى شىء غير انى بجد بجد بدافع عن البنات والعضوات المحترمات احنا هنا العضوات اعدادنا اكبر من الشباب وبنقدم مواضيع غايه فى التميز والاحترام والمواضيع الهادفة اللى الكل بيحب يشارك برأيه فيها مش معقول بعد كل ده انت يبقى فى تفكيرك ان البنت دى مش محترمه انها بس داخله عشان تنشر العلم وتفيد وتستفيد واحنا بنتكلم كلنا قدام بعض ومن غير اى تجاوزات فانا بجد كان نفسى اتكلم فى الموضوع ده حتى عشان ادافع عن اخواتى هنا لان بجد من يومين كده حصل تجاوزات كتير وانا اتضايقت جدا اه ماحدش غلط فيا بس انا بدافع عن اخواتى هنا وانا اسفة انى طولت عليكم |
طبعا مجهودات بنات حواه
لا ينكرها مخلوق واكيد زي ما فى اللى مقدر جهودكوا فى الحقود والأناني واللى لازم محدش يديلى اهتمام بالإضافه انه بيسئ الحكم على البنات الل بتستخدم الإنترنت وهو جاهل بإن الإنترنت سلاح ذو حدين ومفكر ان الناس بتعمل اللي هوه بيعمله بالنت وعفا الله عما سلف |
لا يمكن التعميم فاي شيء ،، كما يوجد الصالح يوجد الطالح ،، و لا يمكن الحكم على البنت ال بتدخل النت انها مش محترمة او مش كويسة لان النت جزء من حياتنا لا يمكن ان نغفل عنه ،، و كل حاجة لها حدين ،، انا بستخدمه كويس وغيري لاء او العكس ده بيعتمد عالشخص نفسه ،، لكن لازم يبقى فيه حدود تعامل ،، عشان مش يبقى فيه لبس او شبهة ،، و مرسي عالموضوع ،، |
المُلاحظ في المنتدى ،،
كثرة المزاح بين الشباب والفتيات ،، ووالله أنا لا أرضى لا لأختي ولا لزوجتي -مثلاً- أن تمزح بهذا الشكل مع الشباب . |
فعلا كل شيء لازم يكون بحدود
والتجاوزات هي المشكلة كل واحد يعرف حدوده ومش يتعادها |
الانترنت سلاح ذو حدين كغيره من الوسائل والتكنولوجيا الحديثة الموبايل والدش و........ له فوائد كثيرة جدا وله سلبيات ونظرا لأن المجتمع اصبح قرية صغيرة ومع صعوبة الانغلاق سيكون الخير والشر متاااااح :( اصبح لزاما على كل انسان ان يكون قادرا على الاختيار لذلك فى البداية والنهاية الموضوع يتوقف على شخصية المستخدم لهذه التكنولوجيا |
كل حاجة ليها حدود
و شكرا ليكى لفتحك موضوع مهم للنقاش بارك الله فيكى يا سمر |
بجد مش قادر اكتب تعليق
انا هخليه جوايا واحتفظ بيه احين من اني ازعل الناس مني |
فعلا يا سمر على فكره عندك حق ف كل حرف قولتيه
بجد فعلا انا بشوف تجاوزات ف منتديات تانى ايوه انا مش مشترك ف كتير يعنى لكن بدخل بعض المنتديات وبشوف التجاوزات بجد شئ فوق الفظيع فوق الفظيع بس الحمد لله احنا هنا ف المنتدى مش عندنا التجاوزات دى لأن احنا منتدى محترم والاداره عمرها ما تسمح بكده لكن فى منتديات بقى معموله عشان يعملوا تجاوزات هههههههههههههه بجد والله الاداره بتبقى هى اول حد يعمل التجاوزات واذا كان رب البيت............ اما بالنسبه لموضوع البنت اللى بتستعمل النت محترمه ده بصراحه موضوع مالوش غير اجابه واحده اللى قالها مودى فوق الانترنت سلاح ذو حدين فاللى عايز يستعمله صح هايستعمله واللى عايز غير كده برده هايعمل وده بيتوقف على اخلاق الشخص نفسه وبتبان على فكره حتى من وراء الشاشات كده انا مثلا شايف كل اللى الشباب والبنات اللى هنا فى قمة الاحترام والادب ودى مش مجامله والله بجد كل اللى هنا قمه ف الاخلاق وشكرا يا سمر للموضوع الجميل اللى فتحتيه ده لأنه فعلا يستحق النقاش واسف انى طولت عليكم وصدعتكم شكرا سمر ع النقاش الرائع وتقبلى مرورى |
بجد ياسمر موضوع جدير بالنقاش وانا من رائى ان كل واحد حسب شخصيته
ولازم كل واحد يكون مراقب تصرفاته ويكون عارف ان ربنا رقيب عليه ميرسى على التوبيك |
متشكرة يا جماعه بجد لكل واحد شارك برايه بس انا بجد كنت زعلانه جدا الف شكر ليكم
|
اللى بيبقى داخل و عايز يستفيد اكيد هيبقى محترم سواء ولد او بنت
و انا مش هقدر اقول اكتر من كدة |
صح يا راجيه واللى بيقول كده بيبقى مش داخل عشان الاستفاده واضح داخل عشان حاجه تانية الف شكر ليكى
|
|
| جميع الأوقات بتوقيت GMT +2. الساعة الآن 09:42 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.