|
هل مشاهدة البنت لكورة القدم ثقافة ام تقليل من أنوثتها ؟؟!!
السلام عليكم..} اعضاء وعضوات منتدانا الغالي في الواني الاخيره انتشرت ظاهره اختلاف الكثير في تحديد هل هي ايجابيه ام سلبيه وهيا متابعات البنات الكوره سوى قدم او غيره فلكثير قاالوا انها يقلل من انوثتها والبعض الااخر قال بانها زياده في الثقافه فلا مانع ان تشاهد الكوره مادام انها تتابع اخبار الاقتصاد فكلهما ثقافه هل مشاهده البنت لكوره القدم ثقافه ام تقليل من انوثتها ؟؟!! |
لا كده ولا كده !
انت بتحب حاجه او مبتحبهاش ! يعني حبك للمحشي عوده للتراث يعني!:pولا تمسك بالتقاليد المصريه :p انك كل ما تطلع فسحه لازم تروح تاكل .علي حسب المكان لو رحت الحسين تروح لفته الكوارع والممبار ؟؟! بتشجع منتج بلدك:022yb4: وناس مش بتفضلها وبتفضل تتفرج علي رياضه تانيه زي السباحه او الباليه او الوثب العالي عااااااااااااااااادي |
بصراحة انا مش بحب الكورة نهائي وبحس ان البنت اللي بتحب الكورة مسترجلة شوية
|
امم انا أرى انها ثقافة ،، بشرط عدم تجاوز الحدود ،، يعني تتابع فالبيت مش فالاستاد !! مش تبقى مدمنة زي الشباب ولازم اشوف و .... لاء تكون متابعة متزنة ،، و انا عن نفسي متابعة للكورة حتى يكون هناك مجال للحوار بيني و بين من اتحدث اليه ان كان من هواة الرياضة ،، او ان تعرضت لموقف يحتاج لكدة ،، و لكن دون افراط او تفريط ،، و شكرا عالموضووع ،، |
مشكورييين على ارائكم
|
موضوع مهم
انا عن نفسى مش بحب الكورة ولا بتابعها ودى لعبة للاولاد وفى بنات متعصبة اوى للكورة وده مش حلو وتوصل للضرب زى الاولاد فى رياضات والعاب تانية للبنات ماشى شكراااااااا على الموضوع |
على فكره الكوره مالهاش دعوه خالص بأنوثة البنت ولا غيره
والكوره دى مزاج يعنى لو ليها مزاج تتفرج هاتتفرج ولو مش هاممها الماتش مش هاتتفرج وعلى فكره ممكن تبقى قاعده بتتفرج بس عشان (اخوها) او بابها قاعد يتفرج وتلاقى الماتش مولع و مثلا المعلق يبقى لسه قايل: ويستمر التعادل السلبى بين فريق كذا كذا ويقول اسم الفرقتين وفجأه تطلع الاخت الظريفه بسؤال اظرف :هو مين ومين ؟؟؟؟؟؟؟؟؟؟؟؟؟؟؟ ولا :كام كام ؟؟؟؟؟؟؟ ولا كمان :الماتش هايخلص امتى ؟؟؟؟؟ طبعا مش بتسأل كده عشان خاطر سواد عيون الماتش عشان هى عايزه تغير وتتفرج ع المسلسل مثلا ولا اى حاجه غير الماتش |
ههههههه
مشكووورين على مروركم الطيب |
من رأيي المتواضع .. اعتقد ان كرة القدم لا تخص جنس دون غيره .. كرة القدم مش للفتيان دون الفتيات او العكس .. بل انها مجرد رياضة حتي الفتيات اصبحت تمارسها .. فهناك كرة القدم النسائية و لكنها مش شعبية لدرجة كرة القدم الرجالية ^^ المهم مش تكبروا الموضوع .. عادي اي شخص يريد مشاهدة كرة القدم فليشاهدها سواء بنت او ولد .. المهم مفروض الا يفرطوا في مشاهدتها و تضييع الوقت فيها سواء فتي او فتاة .. و ارجوكم لا تتحدثوا عن الفتاة كأنها مخلوقة لشغل البيت فقط .. وانه ليس عليها مشاهدة مباريات كرة القدم .. وان كل ما تفهم فيه هو المسلسلات و برامج التجميل و التخسيس و الكلام الفاضي ده !! والله بجد انتم ظالمين البنات !! و انا بتعصب لما حد يتكلم بهذه الطريقة عنهم .. بجد البنات كائن حي زي الولد بالضبط .. و لا فرق كبير بينهم .. |
كرة القدم رياضة
والرياضة غير محرمة على النساء او دليل للرجولة فقط ده ممارسة الرياضة نفسها فايه المانع من مجرد الفرجة عليها ؟ مش فاهم فين وجه المقارنة اصلا |
انا مبشاهدش مباريات الكرة الا للنادى المفضل لى او للمنتخب المصرى لروح الانتماء فقط
|
وااااااااااو .........انا بحب اوى اوى اتفرج ع الكورة ........وعلى االمصارعة .....وعلى كل الرياضات عمتا ............. ودى ثقافة من وجهة نظرى ..................وشكرا موضوع جميل.
|
لا طبعاا انا عن نفسى عادى ولا بتفرق عندى ايه ياعنى هستفيد ايه لما اتفرج على ماتش انا كبيرى اووووووى المنتخب ومش كل اللعيبة اعرفهم والله يالا هنعمل ايه
|
في استفسار مهم جدا هنا أهلاوية ولا زملكاوية لو أهلاوية ميضرش لو زملكاوية ............. ربي عيالك أحسن |
انا لازما اشاهد كل متشات الزمالك
|
| جميع الأوقات بتوقيت GMT +2. الساعة الآن 10:16 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.