|
مش عايزينكم حملة الشعب موجهة الى جمال والبرادعى ونور و..
حملة «إحنا الشعب» لـ«جمال» و«البرادعى» و«نور» و«صباحى»: «مش عايزينكم» كتب طارق صلاح ومحسن سميكة، «المصرى اليوم» ١٠/ ٨/ ٢٠١٠ ملصق الحملة الرافضة لجميع المرشحين المحتملين للرئاسة انطلقت حملة جديدة على موقع «فيس بوك» تحت اسم «الاتحاد الشعبى للتغيير.. إحنا الشعب»، رفضت جميع المرشحين المحتملين لانتخابات الرئاسة المقبلة تحت شعار «مش عايزينكم». وأكدت الحملة رفضها ترشح أى من جمال مبارك، أمين السياسات بالحزب الوطنى، والدكتور محمد البرادعى، المدير السابق للوكالة الدولية للطاقة الذرية، والدكتور أيمن نور، مؤسس حزب الغد، وحمدين صباحى، رئيس حزب الكرامة «تحت التأسيس». وقالت، فى بيان أصدرته، أمس الأول، إن «جمال» فشل فى موقعه كأمين للسياسات بالحزب الحاكم، الذى تسير مصر فى عهده من سيئ إلى أسوأ، بينما فشل «صباحى» فى كشف الفساد طوال مدة وجوده فى البرلمان. وأضافت: «البرادعى لم يستطع وهو مدير للوكالة الدولية للطاقة الذرية استخراج تصريح بالتفتيش النووى على إسرائيل، أما (نور) فعجز عن إثبات براءته فى قضية تزوير توكيلات حزب الغد». وأوضح أحمد عمار، مؤسس الحملة، أنه تم تدشين الجروب لتوعية الشعب المصرى بسلبيات المرشحين الأربعة للرئاسة، رافضاً وصفهم بأنهم الوحيدون القادرون على قيادة مصر، مضيفاً: «مصر بها العديد من الأشخاص الوطنيين القادرين على تولى الرئاسة». من ناحية أخرى، كشف الدكتور محمد سعد الكتاتنى، عضو مكتب إرشاد جماعة الإخوان المسلمين، أن الجمعية الوطنية للتغيير ستعقد اجتماعاً فى الأسبوع الأول من رمضان لتقييم أداء عملها فى الفترة الماضية والوقوف على السلبيات والإيجابيات. وأوضح فى تصريحات لـ«المصرى اليوم» أنه يوجد برنامج عمل يحتوى على فعاليات جديدة سوف تظهر فى الأيام المقبلة من خلال الجمعية، لافتاً إلى أن الفعاليات الجديدة ستؤدى إلى زيادة الضغط على النظام لإجراء التعديلات الدستورية والديمقراطية، التى يرغبها المصريون. وعن موقف الجمعية من انتخابات مجلس الشعب، أكد الكتاتنى أن الجمعية مازالت تناقش المشاركة أو المقاطعة ولم تصل إلى قرار نهائى بعد. |
اخيراً لقيت الفريق اللى حقف في صفه !
|
المهم أن نختار لمصر
الأفضل ممن لهم حق الترشيح |
بارك الله فيك
|
اقتباس:
وأناااااااااا كمااااااااااااااااااااان اذا كان 80 مليون مصرى ليس من بينهم سوى هؤلاء ممكن نستورد كام واحد من الصين ..؟؟!! وياريت يكون ليه ضمااااااان http://www.thanwya.com/vb/life/icons/present.gif |
اقتباس:
يعني ايه يا جمال يا البرادعي واحد واكل دم الشعب باقيله سنين والتاني غير قادر على اصدار كلمة يمشي بيها الوكالة حيمشي بلد والتالت كان في الحبس ونعم الشخصيات ! :d |
مش عايزينكم
|
المهم اننا كلنا هدفنا " التغيييييييييييييييير " .. أليس كذلك :d |
اقتباس:
احم اقصد هنتخبة :d بس معلش يا جماعة مع احترامى للجروب ولكل الناس المتفقة معاه المفروض بدل ما نقول مش عايزينكم نقول عايزين فلان او فلان هو احنا لقينا غيرهم وقولنا لا ! 80 مليون مصرى منهم 4 فقط للرئاسة وكلهم مرفوشين ! ونعم المصرين |
دول اللى ظهروا على الساحة دلوقتى .. لو ظهر حد احسن منهم ليه لاء ؟! لكن دكتور البرادعى .. محرك المياه الراكدة .. مفجر ثورة التغير |
اتمنى للجميع صوما مقبولا و بلاش نفطر على لحم الناس دى لان لحمهم طعم و جميل
|
هناك خطأ في هذه الحملة لأن دكتور البرادعي والوكالة ليس من حقها التفتيش على إسرائيل لان اسرائيل لم توقع على اتفاقية منع انتشار الأسلحة النووية ولكن كل الدول العربية وقعت على الاتفاقية والاتفاقية ديه كانت تقريبا في آخر الستينات أو أول السبعينات واللي بيوقع عليها ممنوع يبقى عنده اسلحة نووية . العيب مش على الدكتور البرادعي العيب على المغفلين اللي كانوا مسكين البلد و وقعوا على الاتفاقية في حين إن إسرائيل لم توقع وقتها و ياريت قبل ماحد يتكلم مايفتيش في اللي ميعرفوش وده سبب عدم تقدمنا إن كل واحد عاوز يفتي فلي ملوش فيه آسف على طريقة الكلام ديه لكن مينفعش أشوف حاجة غلط وأسكت عليها
لكم مني جزيل الشكر وفائق الاحترام ورمضان كريم كل عام و انتم بخير |
| جميع الأوقات بتوقيت GMT +2. الساعة الآن 10:20 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.