|
اعتداء جزائري على حافلة الأهلي المصري
اعتدى عدد من الجماهير الجزائرية على حافلة الفريق الأول لكرة القدم بالنادي الأهلي المصري بالحجارة، وذلك في أثناء توجهها من الفندق إلى ملعب التدريب قبل 24 ساعة من موعد المباراة المرتقبة بين الأهلي المصري وشبيبة القبائل الجزائري، في الجولة الثالثة من منافسات دوري الأبطال الإفريقي لكرة القدم. تعرض الثنائي أسامة حسني وأحمد السيد لإصابات بالغة جراء الحجارة التي تم إلقاؤها على الحالفة؛ حيث أعلن الموقع الرسمي للنادي الأهلي أن حافلة الفريق الأحمر تعرضت لهجوم من مجموعة خرجت من منطقة زراعية بين الجبال في أثناء انتقال الفريق من فندق الإقامة إلى موقع التدريبات. وتأكد أن الحجارة كسرت حوالي 70 سنتيمترا من زجاج الحافلة، مما أدى إلى إصابة أسامة حسني بكدمة وكذلك أحمد السيد ببعض الخدوش في الوجه، لكن سيارة الإسعاف تحركت سريعا وتم علاج اللاعبين في الحافلة. بعدها حضرت الشرطة الجزائرية إلى مكان الحادث للسيطرة على الأجواء ومكثت بعثة الفريق فترة في الأتوبيس دون أن تتمكن من النزول لأداء المران بعد حالة الهرج والمرج التي حدثت في مكان الاعتداء. وجاءت تلك الواقعة بعد 24 ساعة فقط من نجاة بعثة الأهلي المصري من موت محقق عندما كاد أن يتسبب قائد الحافلة في حادثة مروعة للفريق، عندما اختلت عجلة القيادة من يده أكثر من مرة بسبب الأمطار الغزيرة. يأتي هذا الهجوم على الرغم من المحاولات التي يبذلها الجانبان المصري والجزائري في إذابة جميع الخلافات بين الطرفين بعد أحداث مباراة المنتخبين المصري والجزائري في اللقاء الفاصل بالتصفيات المؤهلة إلى كأس العالم الأخيرة بجنوب إفريقيا 2010. رابط الخبر http://www.mbc.net/portal/site/SadaA...fmt=mbcArticle |
ياااااااااااااااااااه.. مش هنخلص.. الحكاية دى مش هتخلص,.. واحنا اللى استقبلهم الاسماعيلى استقبال مفيش زيه,, بس نعمل ايه.. هى عادتهم و لا هيشتروها.. ربنا يهدى النفوس.. و احنا لسه فى اولها يعنى ... و بعدين اللى عملوا كدا شوية مش كتير.. نتمنى ان ده ميحصلش منهم كلهم.. شكرا على الخبر.. |
لا تعليق لتجنب التعصب
|
بسيطة ^^ .. العين بالعين و السن بالسن و البادئ اظلم ,, و الحمد لله احنا لو سيبنا اربع كلب من عندهم هيبقفلو اتوبيسهم عادى يعنى هناخد حقنا مرتين كمان مش مرة واحدة
^^ |
ناس قالتلي ده كان تصرف حكومي بس
مرضتش اثبت بكلام مرسل وقلت استنى لما اشوف استقبالهم لينا (كشعب وجمهور) حيبقى برده زي ما استقبلناهم مع الاسماعيلي ولا زي ....... اللى حصل ده ! وبكده قدرنا نعرف نفوسهم الحقيقية شعباً وحكومة ويبقى مضلل اللى يظن عكس ذلك ! ممكن نقول شعباً وحكومة ومنتخباً ... هذا الذي شرفنا بضرب الصحفيات ومهاجمة الجماهير الاجنبية والبلطجة |
اقتباس:
وناس قالتلي :d ان مفيش واجهه مقارن بين الموضوعين ياباشمهندس اقتباس:
اقتباس:
طيب ما حصل ان المنتخب الجزائري انضرب من المتعصبيين في مصر !!! ومش يقولوا زي اللي في الجرايد هم اللي ضربوا نفسهم بصراحة كلام لا يُصدق ازاي يعني.؟ هيجوا مصر مخصوص عشان يضربوا نفسهم وفرصتهم في الفوز كبيرة!! دا منتخب ليه وزنه يعني ... اقتباس:
علي كدا أنا أول المضللين ... اقتباس:
حالات شاذة والشواذ لا يُقاس عليها وكل واحد مش بيعبر الإ عن نفسه وبس مش معقول هنقول ع كل الشعب الجزائري انه ضرب المنتخب المصري.. ولو قلنا ان المنتخب الجزائري بيلعب في الجزائر العاصمة فكدا يبقي فاض 47 ولاية جزائرية يعني الناس اللي في 47 ولاية دول جم مخصوص لضرب المنتخب !!! شوية ناس متعصبيين متأثرين بالأحداث ربنا يهديهم ................. أنا مقتنة اقتناع تام أن دا شوية تعصب من ناس متعصبة والدليل اللي بيحصل في مصر من التعصب الأعمي بين الأهلاوية والزملكاوية وناس بتضرب ناس عشان دا أهلاوي وتاني زملكاوي محدش يقول ان دا مش بيحصل!!! انه بيحصل ومعروفة وكمان بيبقي فيه كلام مش محترم بين المتعصبيين فدول مصريين متعصبيين مع بعضهم فما بالك بالمتعصبيين في البلاد التانية!! أكيد التعصب الكروي يعمل أكثر من كداا ... أنا مش ضد المنتخب ولا حتي ضدكم وأكيد مضايقة من اللي حصل ومضايقة من المتعصبيين دول لكن ضد التعميم الكلي علي شعب مسلم زينا ... سلالالام |
:d
بصي يا تسابيح .... انا مش حفضل اكرر في المقالات اللى كنت بنقولها والكلام الكتير وكل ده بس دلوقتي انتي بتقولي هما ضربو اوتوبيس المنتخب زي بالظبط محنا ضربنا اوتوبيسهم لما كان هنا وضرب السودان ده طلع من الحسبة ؟ ولا احنا حنفضل نتهزق طول عمرنا عشان كام واحد ضربو اوتوبيس المنتخب مرة رداً على شتم وتهزيق وحرق علم مصر في مرة ؟ حنفضل نمسك موقف في حالة غضب ونعاقب عليه شعب كامل ونحرم فريقه من الدخول لكاس العالم ونعمل ونعمل ونعمل وبغض النظر عن عدد محافظاتهم ولا ولاياتهم لو كان غلطهم من الحكومة سواء الموقف ده او ده فالشعب والجمهور يساندونهم قلباً وقالباً بالمحترمين اللى حضرتك بتقولي عليهم واتحدى لو واحد فيهم كان وقف قصاد حكومته ولا احدى جرائد الفتنة ولا قال إنه جمهوره غلط معانا إلا قلة بسيطة مينفعش تتعمم عالاغلبية والادلة كتير واللى اتعمل فينا اكتر ومش محتاجين نكرر |
اقتباس:
احم .... بلاش نعلق على حتة له وزنه دي ونعديها احسن :d بس حكاية ضرب المنتخب دي واحد اكدهالي كان ساكن في نفس الشارع اللى حصل فيه الموقف بس طوبة ولا طوبتين مع وجود تواجد امني مكثف صعب يحصل اللى حصل ولكن بغض النظر .... ايوه حصل وولا بتخطيط من الحكومة ... ولا بعربيات جيش للبلطجة لكن .. ايوه حصل |
اقتباس:
ركز في كلامك بالله عليك هتلاقي ان كل منا بيوصل لنفس النقطة أن مينفعش نعمم علي شعب كامل عشان شوية متعصبيين ولا لحظة غضب :bosyht9: سواء الشعب دا الشعب المصري أو الجزائري... أن المتعصبيين في كل البلدين ... بدليل كلمة أيوة حصل اللي اتكررت مرتين:d والمتعصبين دول لا يمثلوا الا نفسهم وطبعا كلام ان الشعب بيحب الحكومة مش صحيح هم زينا بالضبط بيكرهوا حكومتهم ... ومعني التحدي دا انك بتتحدي الشعب الجزائري كله...:d تصدق الجزائريين بيقولوا عليها جريدة الغروب :bosyht9: وبينشروا مواضيع عن ان جرائد فيه سموم ومش مفروض يصدقها الناس اقتباس:
كتبها جزائري في منتدي جزائري.. هناك اشياء كثيرة جداا ع الإنترنت فيها جزائريين وقفين ضد متعصب جزائري مع اخوه المسلم المصري... يعني فيه ناس كثير من الجزائر واقفين مع الحق وطبعا بما اننا كمصريين وهم كجزائريين كشعب مش نقدر نتواصل الا عن طريق النت فدي طريقة من الطرق اللي تثبت وقفهم ضد الفتنة ومع الشعب المصري |
اقتباس:
والله الجماعة اللى كلمتهم وسألتهم على موقف بلدهم من حرب السودان قالولي طبعاً مش غلطانين وده تستاهلوه عشان اللى عملتوه مش لازم نفتح ونقلب في القديم واعيد مقالاتي بشأن هؤلاء القلة الذين يمثلون 90% من الشعب وبعدين نقول ال10% اللى فاضلة هي دي كل الشعب ومينفعش نقارنها بـ5% متعصبة عندنا ونقول اهو الطرفين زي بعض ! المحترمين هناك هم القلة وليس المتعصبين ولو تعصبهم ده كان رد فعل على اي حاجة عملها الجمهور المصري فاعتقد بلطجتهم على جمهور امريكا وسلوفينيا ليس ايضاً لإنه الاعلام شتمهم ! وان تو دري .... فيفا لالجيري سيبك مـ العروبة .... وخليك عربجي |
بصى يااخت تسابيح لو سمحتى ممكن تشوفى كلامى للأخر
يجب أن لا تكبر المسائل فما حدث كان من مجرد قله من المتعصبين 1-نفس القله اللتي إعتدت على لاعبين المنتخب سنة 2001 في عنابه. عندما كانت الجزائر خارج المنافسه تماما و كان أمل مصر هو الفوز لتصل إلى كأس العالم و تم ضرب اللاعبين و الجهاز الفني في الملعب و الهتاف ضد أشقائهم العرب senegal senegal لتشجيع الفريق الذي كان ينافسنا في التصفيات. و تم إيقاف المباراه أكثر من ربع ساعة و بعد المبارات تم الإعتداء على الحافلة و كالعادة لم نقدم أي شكوى ضد إخواننا لأن من فعل هذا كانو أقلية http://69.59.144.138/icon.aspx?m=blank 2-و هي نفس القلة من اللاعبين المتعصبين الذين أصابو الطبيب المصري الذي كان يحتفل بوصول بلاده لكأس العالم سنة 89 و أحدثو له عاهة مستديمة في البصر. 3-هم أيضا القله الذين قامو بأحداث شغب و إعتدو على لاعبين المنتخب المصري في القاهرة سنة 1986 و توقفت المبارات. و هم أيضا الذين كانو يتعمدون الإيذاء بطرق قذرة ضد اللاعبين المصرين في مبارات المنتخبين في السودان و أنجولا http://t3.gstatic.com/images?q=tbn:A...osvmur.jpg&t=1http://productnews.link.net/AFP/arab...113508-1-0.jpg 4-هم نفسها القلة التي قامت بالتصفير على السلام الوطني المصري و توجيه سيل من السباب إلى مصر في مبارات البليدة 2009 و التي أيضا قامت بالإعتداء على المشجعين المصرين في السودان بالأسلحة البيضاء 5-هي نفسها القلة من المتعصبين الذين إعتدو على مكاتب مصر للطيران و أوراسكم تيلكم و المواطنين المصرين الابرياء في الجزائر و الذين ظنو أنهم يعيشون في أمن و أمان مع إخوانهم العرب و المسلمين 6-و هي القلة التي حرقت علم مصر و قامت بلفه حول كفن. و هي أيضا القله التي توجه يوميا على المنتديات و ال youtube آلاف الشتائم لمصر بلد الرقص و الفجور و التطبيع مع العدو الصهيوني و هي القلة من الوزراء الذين قررو إرسال المتعصبين إلى السودان المفروض منزعلش خالص هما في النهاية أقلية لازم نجهز قفانا كل مره للقله المتعصبة و بعد ما نتهان و نتضرب نتصرف بعقلانية زي الكبار و ندعو للتهدئة و نسامح في حقنا و الميه ترجع لمجاريها و ننسى اللي فات لأننا إخوات ربنا بيقول : (إن الله لا يغير ما بقوم حتى يغيرو ما بأنفسهم) وواضح إن المشكلة مش فينا .. المشكلة فيهم .. في كرههم لمصر .. مش لاقيله أي مبرر يمكن حقد أو إحساس إن مصر سبب في مشاكل العرب أو أي شيئ آخر يعني مش هتفيد أبدا أي محاولات للصلح الظاهري و اللي في القلوب في القلوب لازم يتغيرو من جوه من ناحية مصر و من ناحيتهم كرههم لينا و لازم إحنا كمصرين نتعلم إزاي نحافظ على كرامتنا هو ده خلاصة الكلام من الاخر .....وبالنسبة لحمامات السلام والتهدئة والعروبة والجو ده ...انسوا ... |
السلام عليكم ورحمة الله وبركاته ...
منذ أن حدثت مباراتنا مع الجزائر فى السودان وأنا أتابع على الإنترنت وفى المنتديات وكذلك ماينشر فى جميع الجرائد الرياضيه الجزائريه وجدت أن المعظم إن لم يكن كل الشعب الجزائرى مصر على استمرار العداء مع مصر فلم يتوقفوا عن شتم مصر وشعبها يوما ولم أجد يوما احد تكلم فى حق مصر كلمه جميله بل يحاولون معرفة أخبار مايحدث فى مصر للشماته واستكمال التحقير والإهانه لمصر وادخلوا شوفوا العديد من الردود حتى على مباريات بين ناديين مصريين يعنى مالهومش حاجه فيها ولكن اجدهم يدخلوا ويوضحوا كم الكره لنا وعموما إن لهم باع طويل فى ذلك منذ السبعينيات فى كل اللعبات وليس فى كره القدم فقط ففى الكره الطائره نفس الموضوع لدرجة أنهم ضربوا الملعب بالصواريخ الناريه والمفرقعات لتخويف اللاعبين وفقدهم تركيزهم فهم يلعبون على افقاد اللاعبين تركيزهم وتخويفهم حتى يستطيعون الفوز عليهم . وأنا هنا لاأدعو للتعصب ولاإلى أى شئ ولكن أقصد توضيح الصوره الحقيقيه التى أفقنا عليها وفوجئنا بها فكل ماكان يحدث من السبعينيا ت لم نكن نخبر به الفيفا ولم نحاول أبدا أن نرسم خطط للإيقاع بهم كما فعلوا بنا فى موضوع ضرب الحافله فى مصر لقد كان منتخبنا عندهم فى الجزائر فى مباراة الذهاب وأصيب بالتسمم من أكله هناك ومع ذلك وحفاظا على الأخوه لم نتهمهم بمحاولة قتل لاعبينا فى ضيافتهم . ولذلك أنا مع كل من ملك الوحوش و بنرير فى ماقالوه ولكى نمحى ماحدث يجب أن نجد منهم هم ما يبين حسن نواياهم مش نقابلهم هنا كويس وبعدين يقوموا بضرب الحافله هناك وأين الفيفا والإتحاد الأفريقى لماذا لم يتم تقديم تقرير لهم عما حدث ألم يقوموا بتوقيع جزاءات على الإتحاد المصرى لأنه لم يوفر الأمان للبعثه فأين الأمان لبعثتنا .يجب أن نصحو وأن نحافظ على حقوقنا حتى يحترمونا |
هههههههههه
طول ما جواز سفره مكتوب فيه انه مصرى ده فى الخارج وطول ما البطاقة مكتوب فيها انه مصرى بس مصرى عن مصرى يفرق وده فى الداخل |
اقتباس:
هههههههههههههههه معاك حق |
اقتباس:
طبعا احنا مشفناش الجزائريين أصلا كل حد فينا كان بيكلم ناس لا تعبر الا عن نفسها عن طريق النت ففيهم المتعصبيين ودا طبيعي في الكورة انك تجد متعصبيين وفيهم العقلانيين ودول اللي انا فعلا لقيت منهم كثير جدااا وبيعتزوا بمصر والمهم عندهم مصر المسلمة مش اي حاجة تانية ام من ناحية المعاملة ودا مش كلامي دا كلام مصري راح الجزائر قبل المشاكل بعشر ايام ولما رجع قال مدح فيهم انهم كويسيين مش زي اللي بيتقال في الإعلان وكمان رجع الجزائر وهو دلوقتي هناك ومصريين كثير عايشين هناك ودايما بيقولوا كويسيين ومحترمين ودا شوية ناس متعصبة كرويا ... طبعا أنا مش بتكلم عن العروبة أصلا لأن لو الحكاية حكاية عروبة الموضوع مش هيهمني بس بس اللي بيجمعنا بيهم أعظم من العروبة وهو الإسلام .... هو اللي بيجبرنا ع كدا ع اننا نبقي اكيد واحدة والله كفاية شماتة من اليهود فينا ..... وموضوع الجزائر أخذ مساحة أكبر من حجمه جداا لدرجة اننا نسينا اصلا القضية الحقيقة لينا ... مشاكلنا الداخلية اللي متهان فيها كرامتنا ع الآخر اولي مليون مرة من المشاكل الخارجية اللي انا اشك اصلا ان اللي عمل الفتنة دي كانوا ناس مسلمة من مصر او ناس مسلمة من الجزائر اقتباس:
الحمدلله اني لقيت حد معايا بيقول هم قلة والله عندك حق مينفعش نكبر المسائل رغم ان كلام حضرتك تريقة بس كلام حق جداا جداا جدااا وانا مقتنعة اقتناع تام أنهم قلة وشواذ ومينفعش نقيس ع بلد كلها مسلمة من اجل شوية قلة متعصبيين اقتباس:
لو هنتكلم من الناحية الدينية فالأفضل نقول قَالَ تَعَالَى : ( إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ ) عن أبي موسى الأشعري -رضي الله عنه- قال: قال رسول الله -صلى الله عليه وسلم- http://ibn-jebreen.com/images/h2.gif المؤمن للمؤمن كالبنيان يشد بعضه بعضا، وشبك بين أصابعه http://ibn-jebreen.com/images/h1.gif متفق عليه . http://ibn-jebreen.com/images/h2.gif مثل المؤمنين في توادهم وتراحمهم وتعاطفهم كمثل الجسد الواحد إذا اشتكى منه عضو تداعى له سائر الجسد بالسهر والحمى هذا ما دعي إليه الإسلام ولست العروبة لست معترفة بالعروبة التي من الممكن ان تفرقنا ... وقال صلي الله عليه وسلم(دعوها فإنها منتنه) ويقصد الرسول (صلي الله عليه وسلم) التعصب الجاهلي عن أنس رضي الله عنه قال: قال رسول الله صلى الله عليه وسلم: انصر أخاك ظالماً أو مظلوماً، فقال: رجل يا رسول الله صلى الله عليه وسلم أنصره إذ كان مظلوماً، أفرأيت إذا كان ظالماً كيف أنصره؟! قال: تحجزه أو تمنعه من الظلم، فإن ذلك نصره. |
| جميع الأوقات بتوقيت GMT +2. الساعة الآن 07:06 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.