لو عايز تشرب عصـــير ( أحوال الدنيا ) .. أدخل هنا !! (( عدد من فنانين المنتدى )) !!
 

السلام عليكم ورحمه الله وبركاته

رمضان كريم

وكل سنه وانتو طيبين ..

خطرتلى فكره من دقيقه واحده بالظبط ..فقولت اكتبها في المنتدى ..

اصل الفكره جاتلى وانا قاعده على الكمبيوتر لانى كنت بفكر ارسم حاجه جديده مختلفه وفيها شويه خييال ..
يعنى عايزين نبعد شويه عن الحاجات الواقعيه زى رسم الشخصيات او المناظر الطبيعيه ..هى كلها طبعا حاجات جميله ..بس مفيش حاجه لو نغير شويه ..


الفكره بقى ..

كل واحد يتخيل حاجه معينه ..ويكتبو في الموضوع ده ..((حاجه خياليه يعنى ..))

المهم انا هبدأ عشان الموضع يوصلكو بصوره افضل..وتفهموه اكتر ..

اول موضوع فكرت فيه وتخيلتو ..

هو..اننا هنرسم ابريق شاى او قله ..وطبعا الفيهم لازم ينزل فى كوبايه (((معلش ياجماعه استحملونى للاخر ,,:romarioxp6:)) اللي هينزل في الكوبايه بقى اكيد مش شاى او ماء لا اللى هينزل احوال الدنيا ..بكل حالاتها ..الفقير والغنى الجعان والشبعان المتريش والشايف نفسه والمش شايف حاجه في حياته غير الهم ..ازاى بقى ..ممكن نرسم واحد راكب عربيه ..اخر موديل ..ووطفل صغير هدومه مقطعه ومش لاقى ياكل وهكذا مع باقى الحالات .والعندو افكار اكتر عن احوال الدنيا ويقدر ويعرف يرسمها ..يبقى تمام جدا ..كل الحاجات دى هنرسمها على انها نازله من الابريق او القله ..في الكوبايه طبعا ..((قصدى ان الكوبايه دى هى الدنيا والنازل فيها احوال الدنيا ((ماهو خيال بقى ..))..وطبعا الخلفيه هتبقى من خيال وتفكير كل رسام ..))..

القصد ..
ان الاتحمس للفكره يحط اسمه ..وبعد ما الاعضاء الحابين الفكره يحطو اسماءهم هنحدد كلنا مده معينه للرسم ..زى اسبوع مثلا ..وبعدين الكل ينزل الرسمه في الموضوع ويتم اختيار احسن رسمه ..
واحلى حاجه ان بالرغم من ان الفكره هى واحده ..الا ان هيبقى في ابداع بلا حدوووود وانا واثقه من كده لانى شفت رسومات اكثر من عضو وكلها بسم الله ما شاء جميله جدا ..وده وبدون مجااااامله..

بعد الفكره دى ان شاء الله ماتنجح ..:039uw8:ممكن اى عضو بعد كده يتخيل وبعدين نرسم خياله كلنا ..:028ja7:
يارب تكونو فهمتو قصدى والموضوووووع يعجبكو ..:022yb4:
ولو فى اى اضافات او استفسارات انا في الخدمه ..:078111rg3:

شكل الموضوع معجبش حد..
عل العموم شكرا على ردودكو الكتيره..

الفكره حلوه بس وممكن برده نربط الموضوع ده برمضان يعني مثلا واحد بيعاكس واحده في الشارع وهو صايم ايه فكرهوحشه ولا ايه

اكيد طبعا ممكننربطها برمضان ده حاجه جميله وايجابيه جدا ..:)
ياجماعه عايزة تفااعل اكتر ..

لا بجد فكرة جميلة ........................ وانا معاكم ........


تم تثبيت الموضوع ضمانا لفاعلية الموضوع و جذب أكبر عدد من مبدعين المنتدى فى المسابقة الجميلة دى ...

بس معلش يا ياسمينا هاغير أسم الموضوع علشان الكل يعرفه من بره ........



شكراااااااااااااا يا مبدعة .... بارك الله فيكى

متشكره جدا يامحمد ..:)

وشكرا جدا على التثبيت والعنوان معبر واكثر من رائع ...

بعد ان شاء الله ما نحدد اسماء الاعضاء المشتركين في المسابقة ..نحدد الموعد والمده لمحدده للرسم ..

والف شكر مره تانيه ..ورمضان كريم ..

الفكره جميله ياياسمينا وجديده بردو
شكرا ياقمر

خلاص يابوسي اعتبرك من الاعضاء الهينضمو معانا ؟؟
نورتينى يااقمر ..

طيب فين الشغل عشان نتفرج ونحكم ونقول مين احسن رسمه وربنا معاكوا وبالتوفيق

قبل الشغل ياويل ..
مفروض ان احنا هنحدد اسماء الاعضاء ..المفروض يوصلو لخمسة ان شاء الله ..
وانا معتبره انك مشتركه انتى وبوسي ومحمد حلمى يبقى كده فاضل 2 بعد تحديد اسماء جميع الاعضاء ..هنحدد المده ولتكن 3 ايام مثلا بعد كده كل الاعضاء المشتركه تعرض اعمالها ويتم اختيار افضل عمل ..
ها معانا ان شاء الله ؟؟؟

ان شاء الله ياقمر بس انا رسمى مش حلو اوى

ان شاء الله معاكو بس انا رسمي عادي جدا واكيد هطلع المركز المتين
وكمان مش عارفه ارسم علي ايه لو حد يعرف يساعدني عشان
دي هتبقي اول مره بالنسبه لي ارسم واوري رسمي لحد وكمان
انا اول مره اشترك في منتدي اصلا واعلق اواكتب موضوع واحد حتي
تقدري تقولي لسه مبتدئه وعايزه حد يساعدني بجد

انا واثقه انو هيبقى جميل ان شاء الله ..

نورتى المسابقه ..

كفايه ان انتى بتعرفى ترسمى ..واعتبري دى مجرد بدايه ..وصدقينى كلنا بنتعلم اكتر كل ما نرسم اكتر ..

وانا واثقه انك عند الموهبه وتقدري تنميها ..

بصي ارسمى على اي نوع ورق عندك ..وباى نوع الواان ..

واى استفسار انا معاكى ان شاء الله ..
ويشرفنا انك تكونى عضوه معانا في المنتدى الجميل ده..:d:d

مش عارفه اقولك ايه بس ميرسي اوي علي مساعدتك وسامحيني هترخم عليكي كتييييييييير بعد كده