بوابة الثانوية العامة المصرية

فى كل يوم خناقة

بينى وبين الهموم

زعيق وشد وجذب

وساعات تقطيع هدوم

ديما تبدأ خناقتى

من أول اليوم

يادوب تفكر تسيبنى

على ميعاد النوم

هموم هموم كتيرة

بكل شكل ولون

وساعات ساعات تعدى

وأنا زى مانا مهموم

طلبتى معاهدة سلام

سلامك ده مزعوم

ده فى كل يوم خناقة

مش حتى يوم ويوم

حكايتك إيه يا همومى

مبتشغلكيش هموم؟؟

ولا أنتى حافظة شكلى

ونفسك مشاكلى تدوم

لو علىّ انا إتعودت

على حياتى بالغيوم

شيطان رجيم غاوانى

أقول حظى مشئوم

بس لحقت نفسى

ودعيت رب الكون

رضيت بحكمك ليا

راضى مهما يكون