|
أرجو الرد على سؤالى و رمضان كريم
يا جماعه انا فى حيرة كبيرة جدا
دلوفتى انا قدامى فرصه بمعنى انا داخل 3 ثانوى و مش عارف اخش هندسه و لا طب و مش عارف اختار ايه ..... الطلب دلوقتى حد يقولى الفرق بينهم للعلم انا لو دخلت طب ممكن اكون طب اطفال و لو هندسه يبقى هندسه برمجيات لان ميولى برمجه و اى حاجه ليها علاقه بالكمبيوتر انا عارف انه تبع ميولى و قدرتى ... لكن فى ضغوط اخش طب زى عائلتى و مش عارف اعمل ايه دلوفتى ... طب و لا هندسه .... يا ريت من يمتلك الخبرة يقول نصيحته بمعنى مين اللى مصيرة فى النهايه حلو ... فى مصر او بره مصر .... |
السلام عليكم رمضـــــــــــــان مبـــــــــــــارك اولاً / لازم تعرف ايه ميولك وايه اكتر حاجه بتحبها انا فهمت من كلامك انك بتحب البرمجة ... ثانياً / لازم مجموعك في تانية يكون 98 مثلاً علشان تفكر في طب و يكون مثلاً في حدود 93 _ 95 علشان تفكر في هندسة ومن ناحية المستقبل // انا شايف ان المستقبل للهندسة لان الطب دلوقتي بقي صعب جداً علشان توصل لمركز وكمان علشان تشتغل بعد ما تخلص الكلية وعندك (24/ 25 / 26) سنة يعني كبرت اووي وتكمل دراسات عليا تدخل في التلاتينات علشان تعرف تشتغل و ساعتها لسه هتبدء مستقبلك و لو دخلت الجيش ببكالوريوس طب هيطحنوك :( ومعلش مع احترامي لاهلك ولرغباتهم / انت اللي هتدرس ةتتعلم مش هما انا اهلي كانوا سايبني اختار اللي انا عاوزه انما الهندسة عكس كده خااالص |
اقتباس:
مشكور جدا على النصيحه الغاليه طب انا دلوقتى جايب 98.5 % فى 2 ثانوى طب لو المصير للهندسه هيبقى جوه مصر و لا بره ؟ و هندسه مدنى و لا برمجه و لا انه نوع من الهندسه ؟ |
اقتباس:
ماشاء الله .. لا قوة الا بالله حاول تفضل علي نفس مستواك الحفاظ علي القمة اصعب من الوصول اليها خليك في مصر افضل من رأيي وان كان ليك رأي اخر وكل اقسام هندسة ليها مستقبل والافضل من نظري المدني ... ثم المدني ... ثم الكهربا و البرمجة واسأل افضل اي واحد متخصص هيفيدك اكثر والله الموفق |
والله انت الاول تشوف المجموع وبعد كده هتحدد بقى شاغل دماغك ليه
|
هــــندسة احسن حاجة والله..................وفى الاخر قرارك وقدراتك هية الاهم ...........موفق ان شاء الله
|
الأميـرمحمد
سؤئة الطيوبة samar saad مشكورين على النصيحه الغاليه .. انتوا بجد ريحتونى و الحمد لله ميولى هندسيه هندسيه و انا ان شاء الله هكمل رياضه 2 .... و رمضان كريم |
على فكرة الهندسة احسن
زى ما كلكوا قلتوا البلد كلها بقت دكاتره هنسيب العيانين لمين |
بتروووووووووووووووووووووول حرااااااااام عليييييييييييك اوعى تضيعها من ايدك ومبروووووووووووووووووك
|
اقتباس:
مشكور على الرد |
اقتباس:
بس بترول بياخدوا ال10 الاوائل من الكليه ... مكسبها حلو بس بهدله و شكرا ليك و رمضان كريم |
انا من رأيي تدخل طب احسن و ترضي اهلك
لانك ممكن بعد ماتخلص طب تاخد كورس كمبيوتر محترم سنة ولا حاجة و تاخد شهادة محترف من مايكروسوفت تشتغل بيها في اي مكان احسن من بتوع هندسة البرمجيات و لمحترف مثلاً في قواعد البيانات دي حاجة كبيرة في البرمجة و هاتشغلك في اي مكان و كده يبقي خدت الاتنين في وقت واحد انتا ميولك شبه ميولي انا ميولي برمجة لكن داخل هندسة الكترونيات و البرمجة برضه ممكن تتعلمها من علي النت زي مانا عملت اتكل علي الله و شد حيلك في تالتة تقبل مروري |
| جميع الأوقات بتوقيت GMT +2. الساعة الآن 01:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.