|
بسم الله الرحمن الرحيم
ازيكم يا جماعة .. وحشنى المنتدى من زمان مادخلتش انا كان عندى سؤال يا جماعه فى امتحان الاقتصاد بس اللى حيجاوب ..يفكر الله يكرمكم فى السؤال الاجبارى ... تانى واحدة فى صح وغلط " يدخل الاستهلاك الوسيط فى حساب الناتج القومى".... يا جماعة انا عملتها صح واعرف ناس كتير اذكياء كتبوها صح على اساس انه بيقول "يدخل فى حساب " مش يدخل فى الناتج على طول... يعنى المعادلة اللى علينا هى... الناتج القومى = الانتاج القومى( الاجمالى ) - استهلاك الوسيط يعنى عشان نحسب الناتج القومى لازم ندخل استهلاك الوسيط فى الحساب . الله يكرمكم يا جماعة اظن الحكاية مش ناقصة من بعد امتحان الكيمياء يعنى احنا تالته اللى اخدت الاحياء السنة اللى فاتت انظلمت فى كل شئ احياء وكيميا وكمان الفزيا كانت تقيلة. فلو جه امتحان الاحياء بكرة سهل ..ممكن احنا نتبهدل جامد. المهم السؤال .... وجزاه الله كل خير اللى يرد ويا رب تطمنونى |
لا تانى وحدة فى الصح والخطا غلط عشان الناتج القومى مجموع الاسهام الانتاجى فى اقتصاد ما مع تفادى الاذدواج الحسابى والاستهلاك مجموع ما يستهلكة المشروع من خامات تم صنعها فى العملية الانتاجية
|
لا العبارة خطأ ... لان حساب هنا مش مقصود بيها معادلة خالص
حساب الناتج القومي = القيمة المضافة فقط |
ليه يا محمد مش مقصود بيها المعادلة .. وانا عارفه ان الناتج القومى يساوى القيمة المضافه
بس مش معنى الكلام ده ان حساب الناتج القومى يعنى القيمة المضافة يعنى انت لما تيجى تحسب الناتج القومى ... مش لازم تدخل الاستهلاك الوسيط فى الحساب وتطرحة من الانتاج الاجمالى عشان يطلع هوه.... مع كده بأه مش معقولة يكون غلط يا logo net عشان التعريف بتاعهم.... يعنى انت كتبت غلط عشان ... وكتبت تعرف كل واحد فيهم؟؟؟ انا والله مش قصدى حاجه وحشة ... وانا عارفه ان كل اسئلة الاقتصاد الواحد مش بيفكر فيها .... بس حقيقى لازم افكر فى سؤال زى ده.. ولا ايه رأيكم يا جماعة.... يعنى مش عشان فلان عملها غلط لازم تكون غلط ... :huh: اانا عايزة اعرف ايه الصح ...وليه ... حد يقنعنى بالصح ولا ايه يا استاذة المنتدى....؟؟؟؟ :angry: :( |
لأ غلط ونموذج الاجابة مكتوب فيها انها غلط وانا متأكدة من ده لأن المقصود ف السؤال بيدخل يعنى يتجمع عليه ولو عاوزة تشوفى نموذج الاجابة لأى مادة على موقع www.elostaz.com |
الناتج القومى = الانتاج القومى - الاستهلاك الوسيط اذا الناتج القومى يدخل ضمن الاستهلاك الوسيط
|
| جميع الأوقات بتوقيت GMT +2. الساعة الآن 05:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.