بقول حد اخد مستوى رفيع رياضة ؟؟؟؟؟؟؟ :unsure:

يا ريت اي حد يقوللي اي معلومات احسن الفكرة دي طالعة ف دماغى اوى اليومين دول وخصوصا انهم بيقولو الجغرافيا صعبة و كتيرة

يا والله ...مين قالك انك خغرافيا مستوى رفيع صعبه ...بالعكس سهله جدا تقفليها ....وعلى فكره الامتحان بيكون 3 ساعات

مش ناقصه علمى رياضه ورياضه مستوى كمان ...حولى تدورى على درجات اكتر احسن ....بالتوفيق

بصى يا محتاسة

انا ماشفتش المنهج غير في الإمتحان

واللي شفته بيقول إنه كله كلام سهل وهتاخديه تاني في كلية

المنهج بجد سهل

بس لو لقيت مدرس محترم وانت بتحبي الرياضة توكلي على الله

وإن شاء الله 10/10

بجد أغبي حاجتين عملتهم في ثانوية عامة إني أخدت جغرافيا مستوى رفيع وكنت هاكتب أحياء في سنة ثالثة

بس الحمد لله فلت من واحدة ولبست في الجغرافيا :)


تحياتي

Xx_Youri_xX

بصي يا اختي :D
انا كنت زيك و كان نفسي ادوس في موضوع مستوى الرفيع الرياضة ده
بس للاسف مكانش في نصيب

و اعتقد ان في حد قبلك كان برضه اتكلم في المنتدى انه عايز ياخد مستوى رفيع رياضة
و انا كنت رديت عليه برضه بس مش مشكلة عشان خاطرك نعيد الكلام ;)

انصحك تختاري جغرافيا
لان هتقابليك كذا مشكلة اذا حبيتي تاخد مستوى رياضة
1/صعب انك تتحملي مسئولية مادة اذا نقصت فيها مش هتأثر على مجموعك في مقابل انك عندك 5 مواد تانيين اولى ودرجاتهم كبيرة
2/مستوى رفيع رياضة كبير اوي و صعب تلاقي مدرس يشرحهولك فلازم يكون مستواك حلو في الرياضة و تعرف تذاكر المستوى بنفسك
3/ الجغرافيا ممكن في يوم تذاكريها
لكن الرياضة لازم تكوني بتذاكريها من شهر 1 على الاقل عشان ماتتزنقيش فيها و كمان لازم تصبري على اي حاجة متفهميهاش فيها
4/رياضة 2 اكبر من رياضة 1 و محتاجة شغل و هي اولى من المستوى
5/كمان في حاجة مهمة اوي انك ممكن تخلطي بين منهج الرياضة الي انتي بتدرسيه و منهج مستوى الرياضة لان المستوى بتاع الرياضة عبارة عن توسع و توضيح لرياضة 2
و ده ممكن يلخبطك

و الكلام ده اتقالي كتير من مدرسيني بس انا الي كنت عنيدة و مابسمعش الكلام و فضلت مصممة لشهر 4 اني ادور ع الكتاب و اما جالي الكتاب لقيت المنهج كبير و صرفت نظر عن الموضوع

و اهو قدر الله و ما شاء فعل :)


يلا مش هطول عليكي اكتر من كده :lol: بس فكري في كلامي كويس و القرار ليكي في الاخر بإذن الله

و بالتوفيق للجميع إن شاء الله

ماعتقدش لا حد ولاسبت ولا اتنين خد مستوي رفيع رياضة خالص

الجغرافيا اسهل بكتيييييييييييير وبيبقي فيها حاجات معلومات عامة
وممكن تشوفي امتحان السنة دي وتتأكدي

<div class='quotetop'>إقتباس(QueeNo @ Jul 3 2007, 12:55 PM) [snapback]339795[/snapback]</div>أنا اللى كنت سألت السؤال ده
وكذا مرة
بس لقيت إنى هختار جغرافيا أو فلسفة
هما أسهل من بعض
بس أنا هاخد جغرافيا
وأنصحك تاخديها

لا في ناس بتاخد رياضة و في بياخدو احياء و في بياخدو انجلش
بس قلة قليلة
و انا عن نفسي اعرف ناس خدت رياضة بس تعبو اوي فيه

ميرسي جدا على الردود
بس لو كان المستوي توضيح و توسيع لرياضة 2 اكيد ده هايكون احسن

بس عندي سؤال هو انا قلت ان انا هاخد رياضة 2 :mellow:

<div class='quotetop'>إقتباس(Taleba Me7tasa @ Jul 3 2007, 11:38 PM) [snapback]340207[/snapback]</div>ههههههههههههههههههه
معلش يا طالبة يا محتاسة
انتي مينفعش تاخدي مستوى رفيييع رياااااااااضة غير اما تكوني خدتي رياضة 2
(بقلك توسيييع و توضيييييييح)!!!!!!!! :mellow:



و بعدين بالنسبة لان المستوي توسع لرياضة 2
ده مش هيلخبطك في المستوى
ده هيلخبطك في رياضة 2 (الي من 50 )
انك ممكن تحلي في الامتحان بحاجة انتي خدتيها في المستوى لان تفكيرك بقى في مجال اوسع
و طبعا الاجابة في الامتحان بحاجة من المستوى مرفوضة مع انها صح بس الطالب مش بياخد درجتها لان مطلوب منه يحل من الي في منهجه و بس
و تقدري تسألي المدرسين

و انا بعد كل الكلام ده انبسط اوي اما الاقي حد بيفكر ياخد مستوى رفيع رياضة :)
لان احنا بقينا ماشيين مع التيار (كله بياخد جغرافيا .......يبقى انا اخد جغرافيا) و طبعا لانها اسهل و احنا مابنحبش نتعب

يا رب يكون كلامي واضح المرة دي :)

الناس كلها بتقول ان الفلسفة و الجغرافيا ممكن يتذاكروا فى يوم أو اتنين
انما الرياضة محتاجة مذاكرة وحل وتطبيق طول السنة

طب والاحياء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

انا واخد رياضه مستوى رفيع وهى ماده جميله لو انتى شاطره رياضيات
وممكن نتواصل على الاميل الاتى
sabri41062@yahoo.com

أنا اسمى أحمد فى كلية الهندسة جامعة إسكندرية
واخدت مستوى رفيع رياضة وجبت بفضل الله 10/10
ولو حد عايز أى استفسار يراسلنى على الإيميل ده engineer_mongean@yahoo.com
أو يتصل بالرقم ده 5029680-03