<div align="center">الغريبه ان الاطفال دلوقتى بقوا يوجهونا ويسيرونا على مزاجهم بالادب والاحراج وبقوا فاهمين اكتر مننا فى حاجات كتير انا :lol:
افتكر انى انا وأنا صغير مكنتش اعرف عمري يعني إيه حب ولا جواز ولا مشاعر وعواطف.. و بالمناسبه دى الكلمات اللى بسمعها من اخواتى الصغيرين وقرايبي الصغيرين الى كمان لسه معرفتهاش كلها ولو قعدت تتكلم مع حد فيهم او حد من اصحابهم تحس انك بتكلم باباك ولا مامتك :( واحيانا يحرجوك بسؤال ممنوش مفر وساعتها تبقى عامل زى الوزه المنتوش ريشها :blink: اغرب حاجه اتسألتها كان من طفل عنده 3 سنين وعليه لسان الله ينور :o كنت بهرج معاه وبعدين ضربنى بتهريج فقلته انت وحش يا حماده فقالى لا انا مش وحش انا وحش ليه ؟فمامته بتقوله اعتزر قالها ممكن تقنعينى ولو غلطان حعتذر !!!؟تخيلوا كميه الجدال لطفل مكملشى اربع سنين :rolleyes: مامته زهلت من الرد نفس الطفل كان صغير بيتفرج على التليفزيون وعلشان يزحلقنى من على التليفون اول ما رد عليا قالى ماما وبابا مش هنا وقفل السكه من غير اى كلام ومنغير ما افتح حتى بقى بكلمه :huh: طيب ححكيلكم واقولكم اغرب تعليقات اتقالت :
اول موقف كنت قاعد عند جدتي و كانت بنت خالتي بتتكلم مع جدتي بتشكى من خطيبها ودخلت الانسه المبجله بنت خالي فى الموضوع وبكل بساطه تقول لبنت خالتي يا بنتي اتقلى شويه يا ماما وطنشيه حيجيلك جرى وهي عندها 10سنين :D
تانى موقف كنت ماشي في الشارع لقيت بنتين ماشين قدامي مدهمش تانيه إبتدائي سمعت واحده بتقول لصاحبتها اه يا فلانه.... منه مشفتش زيه قبل كدا انا بحبه جدا (كانت بتتكلم على مدرس الرياضه )وصاحبتها ردت عليها لالا مستر الانجليش احسن بكتير ازاىمخدتيش بالك ولا مشفتيهوش :blink: !!!!!!!!!!؟ ((( مدهمــش تانيه إبتدائي)))
انا افتكر ان إحنــا مكوناش بنفكر انا وصحابى غير فى اللعب بس!! :lol:
وعند جدتي (بس التانيه :D ) برده رجع إبن عمي من المدرسه وبدا يحكيلى عن تجاربه العاطفيه ويقولى (وهو فى رابعه ابتدائى )وشوفوا الحوار ماشى ازاى:
ياسوما ياسمين عمرها ما حتعبرنى فى ولاد احلى منى فى الشكل وانا مش جذاب كفايه علشان تحبنى تفتكر حتفكر فيا :D !!!!!!!؟طبعا انا نزل عليا سهم الله من التعجب وقلتله انتم لسه صغيرين ودى زى اختك قالى اه بس انا بحبها !!!!؟وهى مش معبرانى .وبعد كام شهر جه يقولى ياسمين اديتنى جواب وانا قريته ومش عارف ارد عليها بايه تعالو شوفوا محتويات الخطاب :حبيبى ....انا بحبك قوى ونفسى لو حرتبط ارتبط بحد زيك وانا مش عارفه انت ليه منفضلى خالص ومش حاسس بيا اعملك ايه علشان تصدقنى :( :( :(
وبالرغم من إنه أساسا مش في مدرسه مشتركه ولا حاجه ولما سألته أنته عرفتها منين : قالي حكاية كده لحد دلوقتي بحاول أفهمها بس مش عارف ....وبعد فتره الجبان تخلى عنها وطنشها زى حال كل الناس لما يلاقوا حد مطنشهم يجروا وراه ولما الحد يسلم يدوه بمبه وسمعت حديث بينه وبين صاحبه (في النادي) بيقوله سيبك من ياسمين دى كل سنه ليها واحد بتبعتله جوابات ركز مع صابرين احسن منها !!!؟ :P :P
مخبيش عليكو الواد الصغير ده <_< يجيله جواب وانا عمرى ما حد حتى قالى...... بس بس بعيد عنكم جالى جلطه من اللى بيحصل و مره صاحبي بيحكيلي بيقول ان اخوه الصغير سأله سؤال قاله انا خايف اصارح حبيبتي(كان إسمها شروق) بحبى فتقولى تعالى نتجوز عرفى :rolleyes: ... يرد عليه ساعتها يقوله ايه !!؟
فقام صاحبي قاله وليه عرفى يا حبيبى ؟ غرفتك موجوده ومعاك مصروفك وبابا يصرف عليكم وشكلها حتطلع بنت مش كويسه فنكسب فيها ثواب ونربيها قوم ياله زاكر كتكم هبل بزياده . :angry:
مــع العلم إن بن عمي دا بيصلي و بيحفظ قرآن (كمان متفوق عليا في حفظ القرآن ) و بنت خالي دي كويسه جدا وملتزمه كويسه يعني
بـــس بقى المشكــله دلوقتي الإعلام و الكلام ده إلي انتم عرفينه
و طبـــعا في حاجات أنا مبالغ فيها شويه وبهرج فيها شويتين بس بتحــصل يعني و لاطش كام حاجه كده للأمانه :P بــس الموضوع واقعي وانتم أكيــد عارفينه ...... </div>

هههههههههههههههههههههههه ياعم ده جيل ما يعلم بيه الا ربنا اسال مجرب انا عندى بنتين وولد بيجادلونى فى كل حاجه ولازم اقناع وعندهم الرد لكل حاجه ربنا يستر علينا احنا خلاص راحت علينا من الجيل ده

بس جيل ملناش حل والله وزى العسل كمان وفى رايى احسن جيل لغاية دلوقتى

على فكرة الجيل ده عمل كده من التكنولوجيا الحديثه ده انا اختى اللى مكملتش اربع سنين بتقولى طنش ونفض واحلق مع انى عمرى معرفت الكلام ده غير من سنتين يا سبحانه اللى
الجيل الجاى هيبقى عالم ذرة وهو لسه فى بطن امه :lol: :lol: :lol: والله الجيل ده حلو ووحش

متفتح وديه حاجه حلوة ووحشه لانه ممكن يحرجك زى مقولت انت فى الاول وميكونش فيه مفر انك متردش ههههههههههههه <_< <_<

<div align="center"><div class='quotetop'>إقتباس</div>ربنا يخلى طنط هالة سرحان <_< </div>

هههههههههههههه انا ابن عمى فى رابعة ابتدائى وكان بيحب زميلته من تانية وزعلان ان ابوه مش عايز يخطبهاله

وعلى فكرة دى بجد وهو كمان يعتبر اخويا فى الرضاعة والله معاك حق دى عيل عايز ضرب ال.......ولا بلاش بقى

ربنا يهديهم والله يا جماعة انا فاكر انى اما كنت فى خامسة ابتدائى كنت بتكسف اكلم البنات اساسا

دول بقى مقطيعن السمكة وديلها وراسها وكل انواع البحريات


وعموما ربنا يستر

خخخخخ
والله موضوع جميل احنا يا عم الحج كنا الاول بنطلب نص جنيه جنيه مصروف الوقتى الواد بن اختى يجي يقولى ايه يا خالو هاتلى 10 جنيه ناوي اشترب لب ههه
تسلم ايدك ع الموضوع الرائع

والله عندك حق

برده احنا اخواتنا الكبار بيقولوا علينا ان احنا جيل شقى هى الايام كده والبركة فى الكمبيوتر والانترنيت والدش والاعلام يعنى الواد او البيت تلاقيه عنده ايمال وبيدخل على النت وهو عنده 8 سنين



العيال كبرت

لالالا بذمتكو يا عيال مكانتش بتحصل معاكوا الحركات دى وانتوا صغيرين

ده ع اساس ان مكانش فيه ع ايامنا لا تلفزيون ولا كمبيوتر ؟

لا ع فكرة تلاقي الحاجات دى كانت بتحصل وانتوا مش فاكرين

لا شك ان فى تطور بيحصل ممكن زى ما انتوا قلتوا فى الالفاظ التفكير الى حد ما

لكن حكاية النصايح والنظام ده كله كان فى دماغنا بس يمكن احنا كنا غير مفصحين

وع موضوع الجوابات ده .. انا فاكرة والله ان فى تانية ابتدائي كانت وسيلة الاتصال بين الولاد والبنات كانت الجوابات

وفاكرة ان يوم ما صاحبتى اتبعتلها جواب واحنا كنا بقي من البنات الشاطرة المؤدبة

بعتتله جواب عقلانى وقالتله :

ع فكرة احنا لسه صغيرين ع الجواز :lol:

ولغاية دلوقتى بنقعد نفتكر ونضحك

هههههههههه

والله جيل غريب ,انا فاكر وانا فى ابتدائى كنت اتكسف ابص للميس بتاعتى وكنت باجاوب وانا وشى فى الارض

بس كويس ان الجيل ده دماغه متفتحة كده , اعتقد انه هيخدم بلده اما يكبر بس يوظفوا عقولهم فى حاجة مفيدة مش كل حياتهم تبقى بنات وحب

<div class='quotetop'>إقتباس(hosam darag @ Jul 3 2007, 11:58 AM) [snapback]339717[/snapback]</div>بــس في الأخر عمرهم ما بيقتنعوا بحاجه

<div class='quotetop'>إقتباس(mo0ody @ Jul 3 2007, 12:04 PM) [snapback]339723[/snapback]</div>انا دا رأي انــا كمــان ............ جيل عســل :P :P

<div class='quotetop'>إقتباس(المرشد @ Jul 3 2007, 12:17 PM) [snapback]339735[/snapback]</div>ربنا يخلى طنط هالة سرحان <_< </div>
[/b][/quote]
ربنــا يخرب بيتــها :blink:

<div class='quotetop'>إقتباس(احمدهاكر @ Jul 3 2007, 12:20 PM) [snapback]339743[/snapback]</div>ربنــا يهديهم (من غير اليــاء الحمراء) ......... لو لحد خامســه إبتدائي بس( يبقى كويس اهوووو )
وكويس إن إبن عمك عايز يخلي العلاقه شرعيــه :D
<div class='quotetop'>إقتباس(قالوا الوداع قولت قشطة @ Jul 3 2007, 12:45 PM) [snapback]339779[/snapback]</div>مهو هما بيستخدمــوا سياسة المفاوضه ... يعني لو عايزين خمســه جنيه يطلبوا عشره جنيه عشــان يأخدوه خمســه ويبقوا
كده طلعم طيبين :lol: :lol:

<div class='quotetop'>إقتباس(روميو @ Jul 3 2007, 01:13 PM) [snapback]339834[/snapback]</div> :lol: لأ بـــس كده شالوا الهم بدري و مش هيعــرفوا يستمتــعوا بفترة الطفوله .....
ولــو كنا إحنــا بيقولوا علينــا جيل شقي ..يبقى هما جيــل عفاريت شيــاطين ...(وبالمنــاسبه دي مبروك للشياطين الحمر B) )
<div class='quotetop'>إقتباس(رحمة للعالمين @ Jul 3 2007, 01:40 PM) [snapback]339874[/snapback]</div>ليــه هو كان باعتلها أول جواب بيقولها عايز أتجوزك ؟؟؟؟؟ :D
و برده صحيح احنــا مكناش بنفصح ... بس كونهم إن هما يفصحوا و يقولوا دا لوحده كفايه
لا والأفكار طبعا بتاعتهم متطوره جدا عن الأفكــار بتاعتنــا
بالنسبــه للألفــاظ بقى فدي مصيبــه ..... ولا الافيهــات و الأمثال الجديده .....
دا بيقولوا دلوقتي أكل العيش> >> >يحب الطعميه على أيامنا كانت الخفيه
و ¦ لو حبيبك عسل> >> >ما تحطلوش طحينة :blink:
<div class='quotetop'>إقتباس(اينشتاين @ Jul 3 2007, 01:42 PM) [snapback]339878[/snapback]</div>لا انا مكنــش عندي ميســات في المدرسه الحمدلله
و عــن حكاية يخدم بلده فيــارب يطلعوا كويسين
ولونــي كنت بقول لواحد صغير ... عايز تطلع إيه يا حبيبي لما تكبر ... قالي: جاسوووووووس :huh: :ph34r:
ربنــا يستر ....... وشكرا للجميع عالمرور

اعوذ بالله
الاعلام سيطر علينا بطريقة غبية
انا مش مصدق انها وصلت للدرجادى
بجد الواحد يتحسر
احنا خير امة اخرجت للناس اطفالها تبقى كدة
لا حول ولا قوة الا بالله
عمرنا ما هانتقدم بالشكل دة
عمالين ينادوا بالحرية
ادينا هنشوف اطفال هتتجوز عرفى من دلوقتى
ربنا يولع فى الافلام العربى دى قادر يا كريم
موضوع حلو بس الواحد اتحسر
وقلبه انفطر

<div class='quotetop'>إقتباس</div>ههههههههههههه
هية دى اخرتها
داسوس

ربنا يسطر علينا

اسمها يستر مش يسطر

شكرا سي مي و انووس على المرور
و بعدين إيه ده هو المنتدى دا رجع امتى أنا إفتكرته فرقع خلاص :blink: بس كويس إنه رجع :rolleyes:
وعلى فكره التوقيع الي انا كاتبه بقى قديم اوي كده محدش يقرأه :( ... انا كنت كاتبه من شهر سته :lol:
شكرا تاني على المرور :P :P