|
اعمل ايه؟
بسم الله الرحمن الرحيم انا بجد محتاجة حد يساعدني في الموضوع دا جدا انا عايزة اعمل جدول احدد فيه مثلا اليوم دا هذاكر فيه ايه علشان موضوع العشوائية دا بيضيع مني وقت جامد بصوا دي مواعيد الدروس اولا السبت فاضي الاحد عربي الساعة 2 الاتنين انجلش ومش عارفة امتي التلات فرنساوي مش عارفة امتي بس غالبا الاتنين دول هيكونوا بعد العصر الاربع عندي رياضة حوالي 2 ونص الخميس فاضي الجمعة كيمياء الساعه 4 انا عايزة اعمل جدول يراعي 4 حاجات مذاكرة بعد الدرس ومراجعة قبل الدرس ومراجعة الدرس في نص الاسبوع و مراجعة المادة كلها اسبوعيا علشان كدا خليت السبت مراجعة انجلش و عربي والخميس مراجعة فرنساوي و رياضيات و الجمعة مراجعة عامة برضوا كيمياء وكل يوم بعد الدرس هذاكر الدرس عايزة بجد حد عنده خيرة يساعدني ويعملي الجدول بلييييييييييييز انا بخرج من المدرسة علي 1 ونص كدا حد يساعدني بليز |
ممكن حد يقولي اعمل ايه؟
|
طيب ما تعملي جدول يراعي الحاجات دي ...ايه المشكله يعني ؟؟؟ !!!
|
مهو دا الي انا عايزاه يا دوك اعمله ازاي؟
حد يعملهولي بليز انا حاولت وفشلت كتير |
طول عمرك فاشله ياحبيبتي مش حاجه جديده يعني:p
وكمان عندك يومين فاضيين يابنت المحظوظه ده انا ولا يوم فاضي:oيالا اهي حظوظ وارف بصي نصيحه مني ماتعمليش الجدول ده غير لما المدرسه تبدا وتثبتي ع مواعيد الدروس لاني كل يوم هتغيريه وده الي حصل معايا فااستني لحد المدارس وتشوفي النظام وكده وبعدين تعمليه وخلي المذاكره الاساسيه بعد صلاه الفجر وتظبطي باقي الساعات ع اليوم كله:) |
فعلا سومة كلامها صح
انا معاها |
اقتباس:
واهو انتي كمان اعترفتي معايا انها فاشله:p:p بهدي النفوس مش اكتر:022yb4: |
ايه يا بت النصاحة والعقل والرزالة اقصد الرزانة الي جوم فجاة كدا
بصي انا مش بتكلم علي المواعيد انا بتكلم اني مثلا ذاكر السبت مادة ايه وايه الوقت مش مهم خالص عندي فهمتي حاجة؟ |
على فكره أنا زعلان منك يا فرا وله ومش ها أكلك تانى لانك ما طلبتيش منى الطلب ده أنا متخصص فى عمل الجداول من سنه أولى ثانوى يعنى بقالى 14 سنه با أعمل جداول وعلشان ما طلبتيش منى أعمل لك جدول مش ها أعملهولك الا بشرط واحد
|
لا والله يا مستر
انا والله بحاول اعمل الجدول من قبل رمضان والله تعبت جامد وقلت اعمل توبيك بس مش كنت عارفة ان حضرتك خبير في الموضوع دا بليز ممكن تساعدني وانا موافقة عالشرط ايه هو بقا؟ |
انك تقومى تصلى الظهر حالا والسلام عليكم أنا ها أروح أصلى فى الجامع ونرجع ان شاء الله بعد الصلاه موافقه على الشرط قومى نفذيه بسرعه يلى اخلصى مش سامعه حى على الصلاه
|
ان شاء الله يا مستر ومستنية الجدول
|
محدش هيساعدني ولا ايه؟
|
الجدول هيوصلك النهارده ان شاء الله
|
فين الجدول يا مستر
|
| جميع الأوقات بتوقيت GMT +2. الساعة الآن 06:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.