|
كل اما حد يعمل موضوع الاقى ردود مستفزة من قبل بعض الاعضاء اللى تحبط الواحد :(
يا ريت نعمل موضوع مثبت فى كل الاقسام اسمه (ادخل هنا منعا للردود المستفزة) ونقول فيها على الردود اللى بتنرفز الواحد ويتخاليه محبط لانى (شخصيا)بزعل كتير من الردود دى :angry: :blink: وبرضك محاولات تشويه صورة المنتدى بالردود الغير مهذبة وفى كمان مشكلة تانية وهية المواضيع المكررة :huh: ليه منعملش موضوع مثبت فوق نجمع فيه كل مواضيع المنتدى دة بالاسم وكل واحد يشوف المواضيع دى قبل ما نعمل مواضيع مكررة :rolleyes: متهيالى شوية تنظيم من احلى مشرفين :D ومفيش مشاكل ان شاء الله |
معلش استحمل
|
شكرا على الرد البايخ دة
ادينى بتكلم على الحكاية دى اوف |
انا معاك
فعلا حكاية المواضيع المتكررة دي بتدايقني اما بالنسبة للردود المستفزة فا دي بترجع للشخص نفسه مظنش هنعرف نتحكم فيها |
معلش يا سيدي حقك علينا :) ماهو لازم في كل مكان ناس تمارس هوايتها في الرخامة <_<
وانا عاجباني جدا فكرة موضوع مثبت للمواضيع المكررة نكتب اسم الموضوع وجنبه توصيف صغير للي فيه (عشان معظم اسماء المواضيع مش بتدل ع اللي جواها) و يتجدد باستمرار ودي بقى شغلانة المشرفين ;) بس كان فيه رجاء يعني لو كان ممكن تغير الصورة اللي تحت الاسم دي عشان مقرفة شوية و طبعا براحتك ;) |
:rolleyes:
ماشى هاشيلها |
هقولك حاجه انا بعملها
اللى يرد عليك رد رخم رد عليه رد أرخم |
والله عندك حق يا ابنى فعلا الناس بيتحرق دمها لم حد يرد رد بايخ يعنى ياريت حتى اللى عاوز ينقد موضوع ينقد نقد بناء يعنى يوضح رايه من غير غلاسة ;) وميرسى عالتوبيك اللذيذ ده :)
|
العفو
انا شكلى بعد كدة هاعمل مواضيع مقفولة من غير ردود لاما اعمل براى احمد واعمل رد ارخم |
وفى حاجه تانيه عايز أقولك عليها
فى أعضاء بتزود مشاركتهم علشان يكونوا فى أفضل عشر أعضاء اليوم |
السلام عليكم يا شباب
شكرا على موضوعك الذى يستحق التفكير فيه لاكن لى تعليق بسيط افضل طريقة للرد على الكلام البايخ ( او الذى يستظرف) ان تتجاهلة ولا تنزل الى مستواه اما بخصوص المواضيع المكررة ممكن اخ او اخت بينزل موضوع وجهاز الكمبيوتر محملشى الموضوع فيعاد ومن هنا تلاقى مواضيع مكرر كثيرا وبنفس اسم صاحبها وردى على الاخ احمد ماهى قيمة جائزة افضل عشر مشاركين ان شاء الله انت وانا واحمد نعمل مواضيع جادة نناقش اشياء كثيرة مفيدة يد بيد فى امان الله ورعايتة اخوك /على السلام عليكم يا شباب شكرا على موضوعك الذى يستحق التفكير فيه لاكن لى تعليق بسيط افضل طريقة للرد على الكلام البايخ ( او الذى يستظرف) ان تتجاهلة ولا تنزل الى مستواه اما بخصوص المواضيع المكررة ممكن اخ او اخت بينزل موضوع وجهاز الكمبيوتر محملشى الموضوع فيعاد ومن هنا تلاقى مواضيع مكرر كثيرا وبنفس اسم صاحبها وردى على الاخ احمد ماهى قيمة جائزة افضل عشر مشاركين ان شاء الله انت وانا واحمد نعمل مواضيع جادة نناقش اشياء كثيرة مفيدة يد بيد فى امان الله ورعايتة اخوك /على |
شكرا للناس اللى بتفكر بجد
وبالنسبة للمكرر الواحد ميعرفش ايه اللى اتعمل قبل كدة عشان يعرف |
هو فعلا فى ردود مستفزة بس الحل الوحيد انها لو كانت غير ئقة تتحذف وده مش صعب
اما بالنسبة للمواضيع المكررة فممكن كل واحد قبل ما يكتب موضوع يكلف خاطره ويتعب شوية ويعمل عنه بحث |
ِمهو المشكلة مين اللى هيحذف الردود المستفزة
المهذبة مقدور عليها |
انا رأيي من رأي علي مهما شخص رد عليك مش حلو فا انت خليك بارد لاخر وقت ممكن و خليك باتصال مع المشرفين و اكيد هيجبولك حقك لان لو انت رديت ارخم هيبقي ضيعت حقك و الي كان بيحترمك هيزعل منك
و ليك حرية الشخصيه و التصرف ده مجرد و جهه نظر |
| جميع الأوقات بتوقيت GMT +2. الساعة الآن 08:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.