|
ايـــــــه اكتر مشكلة يواجهها الشباب فى مصر ؟؟؟
السلام عليكم ورحمة الله وبركاته كنت عمالة افكر كدة مع نفسى وضمن المواضيع الى جات فى دماغى موضوع عن مشكلة عويصه تواجه الشباب ... الشباب خلاااااص هيموتوا منها http://www.haridy.com/ib/images/smilies/budo.gif... الله يكون فى عونهم وعونى انا كمان وعون الى بيقرأ التوبيك دلوقتى برضه قلت أما آخد رأيكم فى أكتر مشكله يعانى منها شباب مصر الصاعد:d ... السؤال هو .. إيه أكتر مشكله يعانى منها شباب مصر فى الفترة الأخيره ؟ لاحظوا إنها فى الفترة الأخيره يعنى مش عايزين لا المخدرات و لا البطاله و لا الجواز العرفى و لا الكلام إللى الناس إتكلمت فيه كتير ده ..:p لو عندكم كذا مشكله بردو مفيش مانع و يبقا أحسن ..:p و إن شاء الله نختار أكتر أربع مشكلات و نعمل عليهم تصويت ونشوف راى وحل كل واحد فيهم .. ياريت بجد يا جماعه تشاركونى رائيكم ..... و يا حبذا لو كانت الردود من غير دبلوماسية ولا تقليدية ولا مشاكل روتينية احنا عايزين نشوف المشاكل الى الواحد بيقع فيها بجد شواء شخصية او عامة.. معلش .. غلاسه بقا ...:d كذلك أكتر مشكله يعانى منها المصريين عموماً .:p.. و برضه أكتر مشكله يعانى منها اصحاب الدخل المحدود .. سلاااامو عليــــكو :):):) |
انتي استبعدتي كل المشاكل اللي في دماغي
ومش عارف اخترعلك مشاكل تاني اروووح منك فين؟؟؟؟ |
من رايى الفراغ
وغياب الهدف والقدوة اكبر مشكلة كلنا بنواجهها دلوقتى |
اقتباس:
فعلا والله انتي ختيها من على لساني الفراغ دة اخطر حاجة على الشباب وعندي انا بالذات انا كنت بعاني من الفراغ شوية انما دلوقتي بقى فراغ قاتل من بعد رجلي ما اتكسرت وبقيت قاعد في البيت زي الستات مش عارف اعمل ايه |
اقتباس:
|
الفراغ ده مش مشكله لانه من السهل جدا القضاء عليه
بالقرأه مثلا بمتابعه اخبار او الاحداث الجاريه او حفظ قرآن او انجليزى زى ما قالت شيماء تعلم لغه جديده فرنساوى مثلا |
اكبر مشكلة هذه الأيام هي مشكلة السلبية واللامبالاة وعدم وجود طموح لدي السباب واليأس من حدوث التغيير وانتظار معجزة من السماء فالسماء لا تمطر ذهبا ولا فضة اشكرك |
إيه أكتر مشكله يعانى منها شباب مصر فى الفترة الأخيره ؟ لاحظوا إنها فى الفترة الأخيره يعنى مش عايزين لا المخدرات و لا البطاله و لا الجواز العرفى و لا الكلام إللى الناس إتكلمت فيه كتير ده وهي المشاكل دي اتحلت ولم يعد لها وجود الآن ؟!! وبعدين مشكلة البطالة لوحدها ممكن يتفرع منها عشرات المشاكل الأخري!! وعشان نحل المشاكل الأخري يبقي لازم نحل المشكلة الأساسية !! وجهة نظري ان الأسهل نسأل ايه المشاكل التي لا يواجهها الشباب؟؟!! يعني مثلاً بعض الأخوة ذكر مشكلة الفراغ ... طيب وايه السبب في الفراغ ده؟! مش هو البطالة !! وعشان أقدر أعالج مشكلة الفراغ لازم أعالج سبب هذه المشكلة !! مشاكل الشباب عديدة جداً ومنها علي سبيل الذكر :- - سوء التربية . - الماديات ثم الماديات ثم الماديات . - انعدام الأخلاق . - انعدام القدوة المعاصرة . - التقليد الأعمي . - اللهفة وعدم الصبر . - اللامبالاة . - انعدام الدور الفعال للبيت والمدرسة والجامعة . - المفهوم الخاطيء للحرية . طبعاً دي بعضها وبخلاف مشاكل البطالة والزواج والمخدرات والاسكان . |
أكيد البطالة
|
المشكله ان شبابنا اتكسرو وسايبينلهم حته صغيره يلعبو فيها ومفهمنهم انهم واخدين حريته وانهم جيل المستحيل جيل القرن ال22وايه وايه و ايه وفى الاخر لو بصو فى اللى معاهم .......معاهم ولا حاجه
الشغل موجود وتعاطى المخدرات مشكله بس تتحل المشكله ان الجيل ابيض من كل حاجه تم تسطيحه فكريا واخلاقيا ودينيا وماديا وووووووووو ابيض |
انو مش لاقى نفسه فى بلده
|
أول لما قرأت العنوان افتكرت الإعلان بتاع أحمد حسن:d اقتباس:
احم احم ..... شوفي أكيد الفراغ زي ما قال الأعضاء الكرام ودا طبعا بسبب البطالة والشباب بئا فاضي ومش لاقي حاجة مفيدة يستغلها ويستفيد منها.. شكراا حبيبتي |
مشكلة البطالة طبعا
لانها السبب في مشاكل كتير |
الشباب المصري لا يعاني من أي مشكلة
غير بس يعني كده شوية تعليم عقيم مع شوية تفكير سلبي بسبب التعليم العقيم مع شوية بطالة بسبب التفكير السبي اللي كان سببه التعليم العقيم مع ..... يعني هيه حاجات بسيطة أكيد أي حد ف العالم بيعاني منها |
اكتر مشكله بتواجه الشباب هي البعد عن الله وانقطاع الصله بينهم وبين الله المتمثله في ترك الصلاه فهي سبب كل ما هم به
ولو ان لهم علاقه وصله بالله لما كان هناك اي مشاكل لديهم بالنسبه لمشكله البطاله والرزق والزواج (( وفي السماء رزقكم وما توعدون)) بالنسبه للفراغ وكدا ((هناك القران والاحاديث ومش شرط يحفظوا فقط تدبروهم افتح المصحف اللي عندك من زمان واديك شهر وربما اكثر ما بتفتحوا غير من رمضان لرمضان الا ما رحم ربي افتحه واقرا مش شرط تحفظ اقرا وافهم واستعين بالتفسير وتدبر امال القران جي لنا ليه مش علشان نفهمه ونتدبر اياته ولا نحطه ع الرف ولا حول ولا قوه الا بالله)) اتحداكم هاتوا اي مشاكل ايه حاجه هتلاقوا حلها موجود مع الله وبالقران وبالصله الطيبه بالله شكرا وتقبلوا مروري وجزاكم الله خيرا |
| جميع الأوقات بتوقيت GMT +2. الساعة الآن 08:35 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.