|
ازاى تعرف انك بتشوف فيلم مصرى؟
ازاى تعرف انك بتشوف
فيلم مصري؟ عندما يكون البطـل مريضا" وتقدم له البطـلة حبة الدواء مع كوب ماء وبعد ان يبتلعها تسأله البطـله فورا" ,, ها عامل ايه دلوقتي ؟ المفاجأه انه يرد عليها: الحمد لله بقيت احسن ( كده بالسهوله وسرعه ) --------------- عندما يصل البوليس إلي موقع الجريمه دون ان يبلغه احد ( تقريبا" المخرج هو اللي بلغ علشان يصور اومال هيصور ايه ) -------------- عندما يصاحب مشهد لقطات الامطار الغزيره والبرق والرعد والشباك الذي ينفتح بقوه علي مصراعيه ( وتلاقي البطـله في الفيلم مصيفه ) ------------- عندما تقول البطـله للبطـل انها حامل فيرد البطـل على طول .. اللي في بطنك ده لازم ينزل ( غالبا بيكون يوسف شعبان ) ----------------- عندما تفاجئ بأغنيه مالهاش أي لزمه في نص الفيلم ( مش عارف ايه العلاقه بين الاغنيه والفيلم ) ---------------- العباره الساذجه الشهيره التي تصطحب مشهد القبض علي المجرم ( مفيش جريمه كامله وانت فاكر انك هتهرب من البوليس بعملتك دي ) -------------------- عندما يكتشف الزوج الخيانه مصادفه لانه نسي شيئا فعاد الي البيت -------------------- عندما يخرج الطبيب من غرفة العمليات يردد جمله من ثلاث جمل ( اضطرينا نضحي بالجنين ) ( شدوا حيلكوا يا جماعه ) ( العمليه نجحت بس مش هتقدروا تشوفوه دلوقتي ) -------------------- عندما يجلس البطـل والبطـله في نفس الكازينو بتاع كل فيلم اللي في وش ماسبيرو ( ويطلبوا نفس العصير اللي في كل الافلام ) ( تانج او ميراندا ) ويخلص المشهد من غير ما حد يشرب حاجه علشان هيتصور بالمشاريب دى فيلم تاني --------------------- عندما يصاب البطـل بطلق ناري في قلبه وتنزف الدماء من بطنه زي صلصلة الكشري ( ويظل يتحدث بطلاقه وتركيز لمدة خمس دقائق ) يقوم خلالها بفك لغز الفيلم والاعلان عن القاتل الحقيقي او البطـل يبقي ابن مين ----------------- عندما تسمع صرير احتكاك كاوتش العربيات اللي بطارد بعض وتقريبا بتبقي عربيات 128 وماشية حوالي 30 كليو --------------------- عندما تتناول الابنه الفطار وهيا واقفة وبتاخد لقم سريعه فتقولها الوالده ما تفطري يابنتي كويس تقولها لا علشان الحق المحاضره وتبوسها وتمشي فتنظر الوالده الي الوالد ويبدأن في الدعاء ------------------ عندما تجد مقر العصابه ملئ بالقش والبراميل الخشبيه التي تستخدم لاحقا في المعركه بين افراد العصابة مع البطـل وصديقه الذين جائوا لانقاذ البطـله --------------------- عندما تشاهد فيلم اغراء بطولة ممثلة فوق الستين ( تقريبا ناديه الجندي) ------------------- عندما ينجح الفيلم ده وينتصر الحب وتتزوج البطـله بنت العائله الكريمه من البطـل الفقير ويعيشوا في تبات ونبات ويخلفوا صبيان وبنات ------------------ ههههههههههههه |
ههههههههههههه فكرتنى بكل الأفلام المصرية اللى شوفتها بصراحة قوى الملاحظة :078111rg3: |
اقتباس:
|
شكرا يا أستاذ خالد بكده تكون عبرت عن كل الافلام المصريه
|
ههههههههههههههههههههههههههههه والله فعـلا
احنـا قـربنـا نبقي زي الهنـووود في افلامنــا ههههههههههه تقبل مـرووري |
هههههههههههههه كل الفلام فكرة واحدة لدرجة اني لما بروح مع صحابي السينما ممكن احكلهم الفليم و احنا بنتفرج كأني شفتو ابل كدا
|
طيب ولما تشوف راقصة ومومس وتنصح الفتيات وتقول الحجاب مش كل حاجة اهم حاجة الانسان من جوه
طيب ولما تشوف نفس الراقصة بعد كمية فساد رهيبة في فيلمها الاخير وتقول ربني وفقني وهداني ونجحني في دوري ده طيب ولما تشوف مشهد بالليل وبعد ما يفتحوا الباب تلاقي عز الظهر طيب ولما تشوف واحد ملتحي يبقى اكيد منافق وكداب وصوته عالي وعلى باطل طبعا طيب ولما تشوف حرامي لكن عنده مبدأ ( عادل امام غالبا ) طيب ولما تشوف البطل يضرب كل الناس وفي الحقيقة لو واحد مسكه منهم هيعصره طيب ولما تشوف البطل من اول الفيلم لاخره شعره مسبسب ودقنه محلوقة طول العمر في الفيلم يبقى انت اكيد اكيد في مصر |
وفين البوليس اللى بيوصل بعد ما البطل يخلص عالمجرم :d
|
ونسيت كمان العباره الشهيره
بوس الواو اللى اتكررت فى افلام كتيير |
يبقى انت اكيد فى مصر
|
اكيد في مصر
|
هيا دي مصر وربنا يخلهالنا
|
يبقى انت اكيد اكيد فى مصر
|
ههههههههههههههههههههههههههههههههههههههههههههههههه
بجد موضوع جامد جدي على رأي احمد مكي |
شكرا على رودددكم يارب تكون عجبتكم
|
| جميع الأوقات بتوقيت GMT +2. الساعة الآن 04:42 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.