|
بنات معنسة وشباب مفلسة اوعى حد يزعل منى انا قلت اهوه
السلام عليكم ... .... زمان لما كنا نسأل العيل الصغير (نفسك تطلع إيه؟)، كان يقول (طيار، دكتور، مهندس)، بس لما يكبر ويصطدم بالواقع، يعرف أن مش كل اللي نتمناه نلاقيه. عشان كده لما نسأل الشاب دلوقتي (نفسك في إيه؟)، تلاقيه نفسه يتجوز بنت عادية و في شقة عادية ويشتغل عادي ومع كل ده ما يقدرش يتجوز برضو، وبقي الجواز عنده حلم مش حقيقة. العجيب أن زمان كانت المعادلة (شاب + بنت =جواز)، دلوقتي بقت (شاب + بنات كتييير = حلم قومي اسمه الجواز ) طيب أزاي ؟ . ما هو يا إما المشكلة في البنت أو في الشاب أو تبقي المشكلة في السواق (علي رأي عبد الوهاب في الفيلم ) . طيب ما سألناش نفسنا ليه المعادلة أتغيرت وبقت البنات الكتير دول قاعدين من غير جواز. بالنسبة للشاب أول ما يتخرج بيدور علي شغل ولولقاه يبقي بمرتب يا دوب يقدر يتنفس بيه ومع ذلك يرضي وما بيقفش ويكمل ويقول بكره تتعدل، لحد ما يصطدم بالواقع (تاني)، لما بيروح لبنت ويلاقي أهلها عايزين شقة زى شقة بنت ابن خالة عمها، وعايزين يفرشوا الشقة زى بنت عمة جوز أختها، وتبدأ الطلبات تزيد ويا عيني مع كل طلب الواد وشه يجيب ألوان ونفسه يضيق وعينه تدمع وبتطلب معاه بترجيع، وبرضو يقول لسه في أمل . وأول الشاب ما يبدأ يتكلم و يقول: أنا نفسي اعمل لها كل ده طبعا بس .....، تلاقي أبوها وشه احمر و قال له: هو إحنا فينا من بس، وهو إيه اللي مش عجبك في اللي إحنا قلناه؟ فالشاب يرد: يعني لو ينفع أجيب شقة صغيرة بدل الخمسين اوضه وعشرين صاله، وبدل العفش اللي هاييجي من بره ممكن نجيبه من دمياط، و بدل الشبكة أم خمسين ألف كفاية دبلة واسورتين زى (الكلابشات) قصدي زى اللي أخت صاحبي جابتهم. فجأة تلاقي الراجل وشه أتقلب، وبدل كلمة يا بني بقي يقول حضرتك (طبعا بتريقة مش احترام)، و يبدأ يتفتف في الكلام، وعينه تبقي احمر واسود، ولما بيبص الشاب للعروسة بنظرة استعطاف وشحاته يلاقيها موافقة علي طلبات أهلها وبتبص له من فوق لتحت، ولو البنت بقت في صف الشاب يا دوب بتقول له: معلش حاول، وكأنها واخده حقنة بنج ومش حاسة باللي الشاب فيه . طيب خليكوا قاعدين بقي لحد ما تكبروا وتتأدبوا وساعتها تتنازلوا وتتجوزوا أبو رجل مسلوخة !!!!! |
نهاية الموضوع تحمل نظرة شريرة غير اللى كانت في اول الموضوع :d
وبعدين خلاص بقى في عروسة صيني دلوقتي حتحل الازمة وتكلفة وصولها للبيت لا تتعدى 1500 بلا مهر بلا شبكة بلا شقة بلا وجع دماغ وكمان بتطبخ وبتغسل وبتنضف ومبتكلش كتير حاجة اخر منجهة :d |
طيب خليكوا قاعدين بقي لحد ما تكبروا وتتأدبوا
وساعتها تتنازلوا وتتجوزوا أبو رجل مسلوخة !!!!! ولما بيبص الشاب للعروسة بنظرة استعطاف وشحاته يلاقيها موافقة علي طلبات أهلها وبتبص له من فوق لتحت، ولو البنت بقت في صف الشاب يا دوب بتقول له: معلش حاول، وكأنها واخده حقنة بنج ومش حاسة باللي الشاب فيه . طيب خليكوا قاعدين بقي لحد ما تكبروا وتتأدبوا وساعتها تتنازلوا وتتجوزوا أبو رجل مسلوخة !!!!! بص يا no cry اكيد مش تقصد الكل اولا الفئات تختلف واكيد لو واحده معاصره الواقع مش كل همها تبقى زى فلانه او علانه اكيد الوضع يختلف وانا مانكرش ابدا ان الشباب معذورين لا بجد معاهم حق بجد والله لما تبص لحال الشباب اللى قاعد وخلص كليته وقاعد مستنى الوظيفة وزى ماقولت يادوب المرتب يكفيه هو بس اكيد فى بنات بيبقى عندها شوية احساس بس دا زى ماقولت معاصره الواقع مش عالم الخيال او الاحلام بس الشائع اوى الايام دى انه معظم اللى بيخلص دراسته علطول عاوز يسافر علشان يكون حياته ولما يرجع ربنا يكرمه بقرشين كويسين انا شايفه ان الاهالى دلوقتى مش كله عايزين بنتهم تتخطب لحد مسافر بره لان دا هو اللى هايجيب وهايجيب وهايجيب.................. مبدأ مرفوض ودا طمع الناس فى اللى بيسافروا بره ماهماش حاسين بتعب الغربه وبعد الواحد عن اهله ودا كمان تقريبا بيدى فرصة للبنات انها تكون طماعه عايزه شقه وجهاز زى ماانت قولت بنت فلان او علان والشبكة كذلك وياريت الفرح فى اوتيل فليف ستار ................ اكيد اللى بيحس وعايش الواقع بجد وجهة النظر تختلف دا رأى الشخصى |
و الله انا شايفة ان اللى معهوش ميلزموش
و ان دلوقتى ان البنت الجميلة او الغنية هى اللى بتختار و عمرها ما هتشيل هم و اللى هيشيل الحمل البنات اللى مش حلوين ده رايي دلوقتى |
هههههههه سبحان الله ..... والله كنت داخله النهارده المنتدى عشان أكتب الموضوع ده :006et4: هو مش بالظبط بس تقريبا نفس الفكره ياللا خير توارد أفكار :d |
نهاية الموضوع تحمل نظرة شريرة غير اللى كانت في اول الموضوع :d
وبعدين خلاص بقى في عروسة صيني دلوقتي حتحل الازمة وتكلفة وصولها للبيت لا تتعدى 1500 بلا مهر بلا شبكة بلا شقة بلا وجع دماغ وكمان بتطبخ وبتغسل وبتنضف ومبتكلش كتير حاجة اخر منجهة :d وحياتك قولي اجيبها ازاي العروسة دي؟؟؟؟؟ |
أنا فى رئيى البنت العادية افضل مليون من الجميلة
لان العادية مش هغير عليها زى الجميلة ثانيا العادية بتكون انظف من الجميلة بكتييير ثالثا العادية ملهاش شروط زى الجميلة رابعا الجميلة لما تكون عجوزة يبقى ملهاش لزوم اما العادية بتكون عادية فرق التغيير مش ح يبان و سلامى لكل الموزز الصينين |
هههههههههههههههه
ردود جميله بس انا من رايى اذا كان الشاب عنده دين كويس جداااا المفروض البنت ترضى بيه دلوقتى وواحده واحده يكملوااااا مع بعض وطبعا ده اذا كانت هيه بردو عندها دين عشان كده نلاقى البنات اليومين دووول عايزة وعايزة وعايزة الى مالا نهايه لكنى بردو مش ضد ان الشاب لازم يكافح علشان يوصل للى يتمناه بس بررررراحه عليه بردو |
اقتباس:
دول الغنيات اول ناس بيتعبو اساساً لإنهم لازم ميكنش غير حد من طبقتهم ولازم يكون كذا وكذا وكذا وده غالباً مبيتوفرش غير في نوع واحد من ولاد الكبار اللى ناهبين البلد او من مهربي الاثار والمخدرات :d والنوع التاني .... صدقيني مش حيلاقي غير الصنف اللى يكمله :d اقتباس:
العروسة الصينية.. هل تصبح الحل لأزمة الزواج في مصر؟ تقريباً كده في هناك ناس خبرة ممكن تستفاد منها ;) |
ايه العنصرية دي ..... البنت مظلومة خالص واهلها كمان يعني بالعقل كدا واحد معندوش شقة رايح يتقدم لوحده لديه مثلا هيتجوزها ويقعدوا في الشارع مثلا!! مش الشقة دي من الضروريات بردو عايز افهم يعني ايه المشكلة في كداا وكمان مش لازم الشقة تتفرش وبعدين محدش دلوقتي بيعمل الكلام اللي بتقولوا عليه دا كل واحد دلوقتي عايز يجوز بنته لواحد يحميها ويصونها... وبدل انسان كويس ومحترم ومتدين وهيحافظ ع البنت وعنده الأشياء الضرورية للزواج زي الشقة والعمل ... ايه بئا الصعب في كداا .. مع احترامي الشديد بس انتم متحاملين ع البنت واهلها اوووي... |
اقتباس:
الجمال نسبي جدااا اللي حضرتك ممكن تشوفها جميلة غير حضرتك ممكن يشوفها وحشة اوووي وبردو اللي حضرتك تشوفها وحشة ممكن غير حضرتك يشوفها اجمل واحدة في الدنيا... وفعلا زي ما حضرتك بتقول ان الجمال بيروح عشان كدا الرسول(صلي الله عليه وسلم)قال (واظفر بذات الدين تربت يداك) |
السلام عليكم .. انا عندي تعليق .. .. المفروض البنت توافق ع العريس مادام فيه الشروط الاساسية مثل .. الشقة .. والعمل وترضي بقي محدش لاقي حاجة ومحدش واخد منها حاجة :) .. والبنات اللي بيتكبروو وشايفين نفسهم اووي ربنا يشفيهم .. اصل لو فضلوو كده .. هيعنسوو و الشاب ولا يفرق معاه لو البنت دي مريضة ( شايفة نفسها ) :frown: في 10000000000000 مليون واحدة غيرها عاقلة .. وهتوافق :p .. اما الشباب .. ماجيش تروح لواحدة وانت مفلس اووي بس المفروض يا جماعة المفروض ابوو العروسة يساعد العريس علشان الظروف الاقتصادية التي تشهدها البلاد العالم مفلس وربنا يستر ويجعله عااامر ’’ |
اقتباس:
ربنا يوفقك:006et4: |
انا فى رأى طول ما الاب لقى العريس محترم وعندوا استعداد
انوا يعمل بيت ولو حتى بسيط انة يجوزها له وكمان مع المستقبل محدش عارف اية الى ممكن يكون ممكن ربنا يفتحها عليهم من وسع اتمنى ان كل اب فتاة لا ينظر الى المال فقط لانة مش كل شئ وانا احترم الاباء التى تمشى على الشرع والدين والسؤال عن الطالب للزواج وفقكم الله الى ما تحبون وترضون وكل عام وانتم بخير اقتباس:
الجمال مش كل شئ اهم شئ جمال القلب وانا عن نفسى الى راح اتجوزها اهم حاجة فيها نقاء قلبها وجمالة وحبها لله عز وجل واخلاقها العالية وطبعا لا انسى جمال روحها واناقتها وجمالها الشكلى لان الله جميل يحب الجمال فهو ابدع فى خلقة ونعرف انة لا يوجد انسان كامل فالكمال لله وحدة اتمنى ان اجد ولو جزء بسيط من الذى ذكرتهم فى الفتاة التى ساتقدم اليها... شكرا |
اقتباس:
كلامك صح طبعاً ومش موضوع متحاملين ولا حاجة بس مازال الآباء مقتنعين بفكرة إنهم كل ما يغلو مهر بنتهم كل ما تغلى قيمتها وجوزها ميطلقهاش بسهولة ماشي ممكن يكون الكلام ده كان في فترة صحيح نسبياً بس الزمن ده بقى الزوج اول حاجة بيشترطها في الزوجة إنها تكون بتشتغل:d وده المفروض اللى يسود دلوقتي الاتنين يساعدوا بعض .... لإننا مش في عصر كل واحد يملي فيه شروطه لكن عامة وفي الوسط المحيط ليا مشفتش الكلام ده وكل اللى بسمعه من التلفزيون او من الحكاوي بتاع مغالاة المهور وكده واتمنى فعلاً يكون كل الناس مقدرة ظروف بقية الناس وعلى رأي ابو الليف الرحمة حلوة حلوة حلوة الله يكون في عون العريس مين اللى نقى مش بنتكو دي ... يبقى ذنبي ايه تلبيس :d |
| جميع الأوقات بتوقيت GMT +2. الساعة الآن 09:19 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.