|
<div align="center">مساء الخير ..
القصيده دى كنت كاتبها من زمان بس بمود الاحساس دا بقا بمود الخناقه بس مش المشكله بقا ان الى هيقراها يبفتكر انى زباله اوى بس والله عادى يعنى حاولت اغير من المود بس.. يارب تعجبكو بس ياريت بس محدش ينتقد الكلام الى فيها . لانى عارف الانتقاد هيكون ازااى . :blink: هو الكلام بيموت هو الشاعر بيموت لا الكلام بيعيش والشاعر بيعيش حتى لو كلامه طز مافيش برده هيعيش قلت بحبك .. قلت كتير بس انتي سده ودانك ومقضيها تطنيش ندهت عليكي باعلى صوت ناديت وانت ماجيتيش عشت في دنيا لوحدي احاول انسي الى كان يا مكان وطلعت دنيا مافيش وانا فيها ميت وازاي اعيش بس الكلام هيعيش قولي بحبك قوليها في قلبك قوليها لنفسك جوه صدرك ماتخافيش بتخبيها ..؟ عارفها بتخبيها ؟ شايفها قوليها للناس كلها قولي بحبك يا مجنون ومايهمنيش تكون مجنون اهبل صايع او حتى مافيش صدقيني يوم ماموت كل كلامي بعدي هيعيش وهعيش حتى لو كنت عالم او شاعر او كاتب او حتى تافه مافيش هعيش جواكي هعيش بقلمى ..!</div> |
في المجمل طبعا القصيدة بسم الله ما شاء الله ضايعة
وعلي رأي المثل " مش كل حتة بيضة تبقى وزة.. ومش كل بنت لابسة كت تبقى موزة " |
هوا بصراحه مفيش مثل بيقول مزه ووزه وحجات من دى دا عمو سعد بس الى حصل بقا .. ان انتا مش معانا خالص
هتلاقي نفسك هناك قبل هنا بشويه |
ايه الروعه دي
بجد يابني فنان اسلوبك راقي جدا ولا الكلمات ابداااااااااااع ولا السينس بتاع القصيده عال اوي بقولك ايه متنزل ديوان كامل يالا حيكسر الدنيا ف دوله الصومال طبعا شكراااااااااااااااا |
ما هوا انا بصراحه شامم ريحه حاجة شايطه
بتتريق ولا ايه يا واد |
يابني الشاعر هو اللي بيعبر عن احوال بيئته ومجتمعه يعني مش الزم تكتب عن الارستقراطية والليبرالية يعني
ممكن تكتب عن البيئه المحيطه بيك المجتمع بس باسلوب كويس حبتين تقبل تحياتي |
والله يا مان كل دا موجود ولسه عامل موضوع الوقتى من المود الى بتكى فيه دا بس قولت اغير ولا ايه النظام
|
بس يا سيد قشطة
ههههههههههه الكلمات زي ما تقول كده حلوة بس العيب الوحيد ان كلمة تعيش أعيش هعيش هتعيش اتكررررت كتيير اوي اوي وحشيش كمان :P بس ربنا يزود من غرزك :lol: |
قشطة يا عم جمبو
بس ايه سيد قشطة دى ماشى يا عم الحج صوما مقبولا وافطال شقيا .. |
اه الراجل عندو حق حشيش اتكررت كتير بص اديها لحد يغنيها بالاشارة يمكن يوافق
وصحيح النك نيم بتاعك "قالو الوداع قولت قشطة " ده تحور جديد للأنفلونزا الطيور ؟ |
حشيش ؟ هههههههههههههه " لا إله إلا انت سبحانك اني كنت من الظالمين "
اللهم اكرر دعائي اللهم ارنا فيهم عجائب قدرتك و ليس فينا يارب العالمين اللهم ارحمنا لا تعليق بس عايز اقولك حاجة موضوعك مسافر يروح و يرجع بالسلامه |
لا بجد دى مهزلة ازاى يعنى كلام عبيط زى ده يتحط فى قسم الشعر والخواطر ازاى اساسا يتحط فى المنتدى ده لا شعر ولا كلمات ده مجرد تفاهة وفراغ وانعدام قيم دينية وانعدام اخلاق فكر تكتب حاجة كويسة حاجة ليها معنى بدل الكلام اللى مش ليه معنى ده ومتعتبرش كلامى ده نقد لان النقد بيكون للشئ الكويس او اللى فى حاجة كويسة ولو بنسبة صغيرة لكن ده لاشئ اصلا
|
بقولكو ايه يا جماعه الى مش عاجبه الموضوع لا يقرأ ولا يضيف رد
ما احنا مش ناقصين وجع دماغ بقا |
والى زعلان دا زعلان ليه يعنى مش فاهم يحب الشعر يحب المشاعر الراقيه يحب زي ما يحب انا بنوع ودا الى عندى وكتبت حاجة تانيه مشاعر راقيه زي ما انتا بتقول ولا واحد عبرها ولا حتى رد واحد مع انها اكتر من روعه بس نقول ايه بقا عالم متحبش غير الهلس وانا بهلس مع الى بيهلسو ..
انا شاعر وبفتخر والى مش عاجبه ينتحر .. |
اااااه و الله كويس ما دام احنا ولا نقرا ولا نرد عندي حل تاني متحوطش الموضوع اساسا و اكيد الادارة هتشوف الردود و هتصرف صح
"اللهم ارفع مخطك و غضبك عنا " اللهم اغفر لنا ان نسينا او اخطائنا " يارب ما يبقي تخليص الذنوب بالشكل ده |
| جميع الأوقات بتوقيت GMT +2. الساعة الآن 08:03 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.