|
سياسة النفس الطويل والتسكيت والتنويم
السلام عليكم ورحمة الله وبركاته ----- انا رحت الاكاديميه النهارده ياجماعه وبجد قابلت واحد هو اللى كان بياخد من الناس اصل ال ICDL وكلمته وقلتله طب انا مش عاوزه اقدم الاصل قالى ملناش دعوه مش هاخد صورة التعليمات اللى جتلنا اننا ناخد الاصل هتقدميها ولا مش هتقدميها انتى حره وكانت المعامله فى منتهى قلة الذوق لدرجة انى قلتله اتكلم كويس وخد وادى فى الكلام دا مش اسلوب :049gc0:...وبعدين رحت لمديرة الاكاديميه قالتلى طيب استنى وخدت من الصوره ورحتله وسبحان الله برضو على صوته عليها وهى اصلا ست فى منتهى الذوق والادب والاحترام ...رجعتلنا وقالتلنا ماتزعلوش بس هى التعليمات انه ياخد الاصل ...قمت انا بقى خدت الشهاده وروحت ومادتلوش حاجه وقلت ادام بقى شويه اشوف الناس هتعمل ايه وابقى اقدمها وعلى فكره نزلوا المرحلة السابعه كانوا كاتبين ورقه على باب الاكاديميه من 20/8 لـــ 2/9 ...وشكلها كده الحكومه بتنيمنا وهيعملو اربعين مرحله ويدينا ويديكوا طولة العمر .......ويجعله عامر هو انا خدت الشهاده وروحت من شويه قلت العب بيها شويه وبعدين ابقى اديهلهم اصلها حلوه اوى :) |
الله معانا في هذه المحنة أنا خلاص نفسي انقطع
|
اقتباس:
روحى قدميها |
هما عما يلموا الشهادات دى
يكون الواحد سافر وجه واتجوز ولسه مش فيه تثبيت بس فيه تخدير مخدر كل ما نفوق منه يطلع جديد |
ومع احترامى ليك برضو يااستاذ وليد لما تلاقى واحد هناك بيكلمك باسلوب مش وكويس وبعدين تقوله طب لو احتجت الشهاده دى فى يوم من الايام يرد عليك ويقولك ماهى مرميه اهى ....مرميه؟!!!!...طب ولما هي هتتاخد منك وتترمى طيب ليه ماياخدش منها الصوره افضل على الاقل لو ربنا كرمك وسبت التربيه والتعليم ولاقيت حاجه احسن يبقى عندك شهاده خبره كمبيوتر ...صدقنى شغل التربيه والتعليم مش مضمون نهائى لاننا مضحوك علينا ...انا عن نفسى عاوزاها وحتى لو مش محتاجاها اهو تترمى عندى احسن ماتترمى عندهم ...دا رايى فى حاجه انا تعبت فيها وكل واحد له رايه فى حاجه زى كدا
|
اقتباس:
روحى سلمى الشهاده لو احتجتيها بعد كده اسمع ان ممكن الواحد يطلع شهاده تانيه بمبلغ بيندفع - ابقى اسالى فى المكان اللى حضرتك خدتى منه الشهاده وفقنا الله جميعا الى ما يحبه و يرضاه |
اقتباس:
و لا بعاقب نفسى ولا حاجه كل مافى الامر انى مااحبش اعمل حاجه انا ممكن ارجع واندم عليها وخصوصا انى عرفت ان معظم الناس قدموا الصوره مش الاصل يبقى انا ليه اقدم الاصل!...هى لو ازمت معايا هقدمها وامرى لله بس بعد مااكون ارتحت مش اكتر وبعدين اصلا المراحل اللى بتنزل دى بتبين انهم خلاص كل اهتمامهم انهم يلموا ورق وخلاص وزى ماقال كدا بيترمى وانا ولله الحمد عملت كل حاجه واديتهلهم يرموها براحتهم بقا لانى قرفت منهم ولو على الشهاده هتتودى فى اى وقت واهو واضح اوى ان العمليه هتطول ماتزعلوش منى انا مش متفائله |
الشهاده دى خساره فى التربيه والتعليم ومفيش اكتر من الشهادات فى بلدنا
|
الروتيني هو اللي يطلب أصل الشهادة
لو عاوز يستعلم عن أي بخصوص الشهادة يمكن له الدخول على صفحة egypticdl بالرقم القومي ويشوف الشهادة مظبوطة ولا وبلاش شغل العقد |
اقتباس:
|
يا جماعه لو عرفتوا تقدموا الافاده و تحافظوا على الاصل يكون افضل - لكن لو معرفتوش بسبب موظف مقفل او غيره - و اشتكيتوا لرؤسائه و مفيش فايده - يبقى نسلم الاصل و خلاص
علشان منضيعش على نفسنا فرصة التثبيت او تاخيره بسبب ان الورق مش كامل و اللى عاوز صوره تانيه من الشهاده ممكن تطلع بفلوس- و المشكله اللى حلها فلوس هى اسهل المشاكل!!!!!!!!!!! |
فين التثبيت الاول وبعدين اتكلموا عن الشهادة][]
|
يا جماعة ارحمونا فين التثبيت الاول هاهاهههههههههههههههههههههههههههههههههههههههههههههه ههههههههههههههههههههه
|
هما كانوا الاول عندنا بياخدوا الاصل وبعدين خدوا الافاده عادى
|
بلد بتاعة شهادات صحيح
|
| جميع الأوقات بتوقيت GMT +2. الساعة الآن 04:33 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.