|
مش لاقيه غيركم احكيله
انا مش عارفه ده المكان المناسب ولا لا بس اغلبيه دخولى القسم ده وبرضه اغلبيه الناس اللى حسه انهم اخواتى بجد
انا مخنوووووووووووووووووووووووووووووووووقه مش عارفه اعمل حاجه ولا طايقه ولا قدره حتى مواضيعكم الجميله مش عارفه ارد عليها انا حاليا كانى حماره كل صحباتى واصدقائى وكل حد وثقت فيه مستغفلنى انتم مش حاسين باللى جوايا انا تقريبا كل كام يوم يجيلى ان وحده قالت عليا كلام من ورايا كل اللى كانوا اصحابى بجد مفيش حد مخدعنيش كلام محدش يستحمله كله فاكر ان انا مكبره لكل حاجه للثانويه وللمشاكل ولكله بس انا مخنووووووووووووووقه ليه الناس كده تعرفوا اعدلكم كام مره سامحت فيها عشان اعرف اعيش وسطيهم انا مش عارفه اعملهم ايه ليه الناس يحكموا عليا بطريقه لبسى خروجى الكتير من البيت انى مجنونه فافكارى انى مضيعه نفسى بتطنيشى وميدورش جوايا وميدوروش عالسبب ليه ميحكموش عليا انسانه انا انسانه مش هدوم انا اسفه انى طولت عليكم بس انا مخنوقه من حجات كتير وجوايا حجات كتير ومعدش حواليا حد حاسه معاه بالامان قلت يمكن تفهمونى شويه |
بصي البنات اكيد الي بيقولوا عليكي كلااام دول فاكيد مش اصحابك
وبعدين انتي اسمعي الكلام من هنا وخرجيه من الناحيه التانيه متتكلميش وطنشي لانك لو ققتي في الكلام مش هتعيشي انا حصلي مواقف من دي بس في الاخر بيعرفوا مين الصح ومين الي كان غلط اصبري واحتسبي وبعدين غيري اصحابك دول من الوقتي حاولي انك تختبري اصحابك |
اقتباس:
|
أنا بصراحة مش عارفة أقولك إيه لإني مامريت بالحكاية ديه وحسيت بيها
بس أنا عايزة أقولكي إن إلي إكلموا عليكي دول مستحيل يكونوا أصحاب لإن الاصحاب الحقيقين ميكلموش على بعض وإلا همة أخلاقهم مش حلوة ومن أخلاقهم يكلموا على أعز أصحابهم وعشان كده مصحبيش بنات زي كده خالص ودوري على البنات الكويسة وتقبلي رأيي |
انا حاسه بيكى لكن اكيد دول مش اصحابك يا حبيبه قلبى اصبرى عليهم ووان شاء الله تلاقى اصحاب احسن من دووولل
واللى بيقولوا عليكى كلام دول لا تهتمى ولا تبالى باى شىء من اى كلام بيقولوا لان هذه غيبه ونميمه سبيهوم يكلموا برحتهوم وربنا يحسبهوم ويديهم على اد نيتهوم لكنك لا تحزنى فان الله معكى تقربى اليه وسوف ترى كيف يعاملونك سوف ترى ان طريقتهم اتغيرت وان شاء الله تلاقى اصدقاءك كويسبن معكى تقبلى مرورى حبيبتى |
اقتباس:
هأقول رأيي وأتمني انك تفهميه بطريقة صحيحة . - حكاية ان كل يوم تعرفي ان واحدة من صحباتك قالت عليك كلام مش كويس , يدل علي ان المشكلة فيكي انتي في المقام الأول . ازاي ؟!! اما ان فيكي حاجة غلط وملحوظة لصحباتك بشكل كبير , أو انك لا تجيدين اختار صحباتك , وهذه مسؤليتك أنتي أيضاً !! - مسألة ان الناس تحكم عليكي بطريقة لبسك وخروجك الكتير من البيت , فمعهم كل الحق في ذلك . من المؤكد أن طريقة لبس البنت تدل علي أشياء كثيرة في البنت نفسها ( واللي يقولك غير كده بيخدعك ) , كما أن كثرة خروج البنت من البيت تجعل ألسنة الناس لا تتوقف عن الحديث عن كثرة خروجها . نحن نعيش في مجتمع له تقاليده , وزي البنت وكثرة خروجها من البيت تؤثر عليها بشدة بشكل سلبي . - عدلي من ظاهرك ليتوافق مع باطنك , واجتنبي أصدقاء السوء والنميمة . - للمرة الثانية , أتمني أن تتفهمي رأيي بطريقة صحيحة , فما قلته هو خالصاً لوجه الله تعالي , فتفكري فيه بينك وبين نفسك . أصلح الله حالك وأخرجك من ضيقك وسدد خطاك وألهمك فعل الصواب . |
اقتباس:
للأسف هذا هو الواقع فى بلدى الناس تتصرف وكأنهم اطلعوا على علم الغيوب وكأنهم أبصروا ما فى القلوب الإنسان فى بلدى ... مظهر ... وقطعة من القماش أختى : عليك بنفسك لا يضيرك هؤلاء طالما أنك مقتنعة بنفسك وبما تفعلينه فلا داعى للحزن هم الخاسرون .. وليس أنت |
حبيبتى انا حاسة بيكى جدا جدا لان حصل معايا مولقف كتير زى دى وكنت بسال العيب فى مين في انا ولا فيهم ولا فى الدنيا بس طلع العيب فيا انا انا اللى امنت لناس لمجرد انهم ضحكو فى وشى ويطعنونى فى ظهرى بس صدقينى الدنيا ما بتقفش على حد ادعى ربنا واحتسبى وان شاء الله ربنا هاياخدلك حقك وحاولى تفتكرى اى حاجة حلوة عملوها معاكى وادعى انك تنسى وادعيلى معاكى انا كمان وربنا يصلح احوالنا جميعا قلبى معاكى |
اقتباس:
بجد مش عارفه اشكرك ازاى على مرورك الجميل وكلماتك الاجمل ولا انك فكرتينى بحاجه خلتنى احمد ربنا على اللى انا فيه دلوقتى انا عامله التوبيك ده بقالى 3 او 4 شهور كانت حالتى النفسيه صفر من اصحابى بس والله كل شويه بقتنع ان اليوم الواحد بنكسب فيه خبرات كتير انا ساعه ما كتبت ده كنت فاكره ان شفت كل حاجه وفاهمه كل حاجه بس الواحد ياما بيشوف فالدنيا مشكوره جدا |
بصى يا فتوكة اكيد انتى برده اخطاتى ممكن اخطاتى فى اختيار اصحابك انا حاسه ان ليكى اصحاب كتير وده مش صح يعنى المفروض يكون ليكى صديقة واحدة مقربة مش كتير لان لما الاصحاب بكونوا كتير وشلة وكده بيحصل مشاكل حاولى تنتقى صديقة واحدة ومعتقدش ان كلهم مش حلوين اكيد هتلاقى وسطهم واحده بتحبك وبتخلصلك تفائلى فتوكة:) وموضوع اللبس ده مش عارفه رايى انه مش صح نحكم على الناس من خلال لبسها لان ممكن يكون واحده لبسها يعنى مش قوى وهى جواها عايزه تغير من نفسها وطريقة لبسها بصى سيبك من كلام الناس خليكى فى علاقتك بربنا وبس وحاولى تحسنيها وخروجك الكتير بصراحة حاسة انه مش صح قوى مش عارفه يمكن لانى مش اتعودت انى اخرج مع صحباتى بقول كده هو انا اعتقد ان الخروج الكتير للبنت مش حلو وانتى اكيد عارفه ليه حبيبتى ياريت متزعليش نفسك وسيبك انتى من اصحابك الوحشين دول واحنا هنا اصحابك وحبايبك:av4056bb7jp3: |
اقتباس:
لو انت كنت رديت عليا الرد ده من 3 شهور كنت هبقى معاك فى كتير من كلامك ومكنتش هعرف ارد لو العيب فيا انا حاليا اقدر اقلك انى اتغيرت تماما فى ال3 شهور اللى فاتم بس فنظرى للاوحش مش عوزه ابقى كده بس فنفس الوقت مفيش حد قال عليا نص كلمه فنظر الكل انى فله كل اللى عملته اللى يقلى بم اقله بم بم بم....................بم بدل ماكنت بقول ربنا يسامحك اللى يخالفنى فكلمه صوتى تلاقيه علا ولازم كلمتى اللى تمشى واعند حتى لو هيا غلط بدل ماكنت بقعد واتفاهم واتكلم بالراحه ونوصل لحل وسط لو وحده جت تعاتبنى فحاجه وتقول انا زعلانه منك اقلها اتفلقى متلزمنيش بدل ماكنت بقول ليه احنا اخوات مش تزعلى فهمينى وحجات كتير من ساعه ما اتغيرت محدش عاد بيتكلم عليا خمس كلمه لا لبس ولا كلام من ورايا ولا اى حاجه وحاليا عايشه فراحه نفسيه خسرت كتير بس احسن فيه لسه قدامى تمانين مليون اصاحب منهم بس اختلف مع حضرتك فلبس البنت لبس البنت مش عنوان ليها ولا لقلبها انا عندى زمايلى بلبسوا بناطيل ملاحظه انهم اقرب لربنا من المنقبين مبيقلوش الفاظ اللى لابسين خمار بيقلوها واذا كان المجتمع اللى حوالينا بيحكم عالوحده بالبس فاعتبرونى مش موجوده وسطيكم وعمرى ماهقتنع بكده كثره خروجى ايه اللى ممكن تكون غلط صله الارحام غلط ولا حرام غير كده البنات اغلبيتهم مبيعدوش بره بيتهم زى مابيعدوا فيه احنا لف طول النهار دروس فيها ايه لما ماما تاخدنى نخرج تزور وحده صاحبتها من ايام المدرسه فيها ايه لما اسافر بره بلدى اشوف الدنيا مع اهلى انا طبعا فاهمه راى حضرتك يا اخى وجزاك الله خيرا واكثر من امثالك |
اقتباس:
اخى هانى مشكور على مرورك الجميل انا معاك فكل حاجه وانا لما غيرت مغيرتش ولا حاجه من اللى كانوا بينتقدوها فيا انا مش هتغير عشان ناس عوزنى اتغير انا اتغير لما اقتنع واحب انى اتغير مشكور على مشاركتك الجميله |
اقتباس:
حبيبتى شكرا على شعورك الجميل ده بجد الوقت اللى كتبت فيه الموضوع ده كان من اصعب الاوقات فحياتى الدموع مكنتش بتفارق عينى احساس صعب تعرفى انت مش غلطانه خالص تبقى غلطانه لو سمحتى لموقف واحد من اللى فات يتكرر معاك تانى انا وعدت نفسى وان شاء الله مش هخلف الوعد اينعم سعات بفتكر وبزعل على ناس كانوا المفروض انهم كل حاجه فحياتى بس عدت الاكتر بنساهم ولا بياثروا فيا وان شاء الله ادوس عليهم وعلى قلبى بالجزمه فالقريب العاجل |
اقتباس:
حبيبه الله طبعا انتم هنا اخواتى واصحابى ربنا يخليكوا ليا انت متعرفيش مصاحبه كتير ده انا مفيش حد فبلدنا مش مصاحباه زمايلى بيزهقوا لما بيمشوا معايا لانى كل خطوتين اقف اسلم على حد انت شايفه ده غلط انا غلط لما اعتبرت كل وحده صاحبتى صديقتى فكنت بتاثر اوى لما وحده تزعلنى لكن كله حاليا تقضيه وقت اقضى وقتى واضحك واهزر وانبسط معاك لكن بعد كده تعملى حركه نداله معايا اطلعى بره حياتى ومش بالساهل لا ولازم اخد حقى وانت اللى خسرانه ده تعاملى معاهم دلوقتى ومتعرفيش بيحترمونى وبيعزونى اد ايه لما بقيت كده شفتى حال الدنيا |
اقتباس:
انتي في موضوعك قلتي انك مخنوقة , ودلوقتي بتقولي انك مرتاحة نفسياً !! ما علينا أنا قلت رأيي ونصحتك بما أراه صواباً , ولكي أن تأخذي بنصيحتي أو تتركيها . أصلح الله حالك . |
| جميع الأوقات بتوقيت GMT +2. الساعة الآن 05:36 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.