|
عندى اسئلة فى logic circuits وعايز حلها
بسم الله الرحمن الرحيم اخوانى الافاضل من المهندسين والمهندسات بداية السلام عليكم ورحمة الله وبركاته وكل عام وانتم بخير بمناسبة شهر رمضان المبارك انا بحضر دراسات عليا فى علوم الحاسب الالى ومن ضمن المواد اللى انا بدرسها مادة فى logic circuits ( البوابات المنطقية ) واللى بيديلنا المادة دى دكتور من كلية الهندسة ولأننا تخصص تربية ومخدناش المادة دى قبل كدة فهية تعتبرصعبة جدا بالنسبة لينا فرجاء من الزملاء الافاضل مساعدتى انا عندى اسئلة عليها وانا عايز حد فاهم المادة دى كويس عشان ارسل ليه الاسئلة ويجاوبنى عليها ويبقى جزاه الله كل الخير فرجاء اللى عايز يساعدنى يرسل لى ايميله فى رسالة لكى ابعث له الاسئلة وله جزيل الشكر وفائق الاحترام |
اعتقد البوابات المنطقية تقصد بوابات
OR & And gates ودي كنا اخدنا عنها فكرة في الفيزيا في تالتة ثانوي لو كنت فيزيا عامة اعرض اسئلتك هنا ولو كان حد خد الحاجات دي بالتفصيل حيفيدك باذن الله |
و اخدين بوابات قد ايه 3 و لا ستة و لا أكتر
و حط أسئلتك هنا و لو فى حدود معرفتى هشرحلك طريقة الحل بطريقة مريحة جدًا بالتوفيق |
المادة دى احنا عندنا معلومات عنها من فيزيا 3 ثانوى وبرمجة اعدادى هندسة
بس هما 6 بوابات تقريبا يعنى ممكن حضرتك تحط اسئلتك يمكن نقدر نساعدك فيها ان شاء الله او ممكن تسأل ناس ف قسم كهربا بياخدوا مادة تخصصهم اسمها circuit |
2 مرفق
اشكركم جميعا على ردودكم واهتمامكم وان دل ذلك فانما يدل على حبكم لمساعدة الاخرين وانا رفعت الاسئلة كصور ودى اسئلة احدى فصول الكتاب هما 8 صور ب 8 صفحات طبعا انا شايف انها اسئلة كتيرة ولفصل واحد بس طبعا اغلبيتها مكرر يعنى المكرر ملهش لازمة يتحل تانى طبعا انا شاكر جدا للى ممكن يساعدنى فى الموضوع ده و هدعيله لان انا على الانترنت لا املك له الا الدعاء |
بص اعتقد اني اقدر احل الاسئله ديه
بس المشكله هيبقي صعب اوي حلها يتكتب وورد بالاضافه انها كتير جدا عموما انا هحاول اكتب شرح سريع كده علي قد مقدر بس اعذرني لو اتاخرت لاني مش فاضي والله |
ممكن تاخد من كل نوع سؤال واحد وتكتبه فى وورد
او تكتبه على ايديك فى ورق عادى وترفعه عن طريق الاسكانر على العموم سواء كدة او كدة فانا شاكر مرورك لك خالص التحيات |
هو انا لاحظت من الاسئله انك مهم تكون فاهم حاجتين
1-logic gates البوابات المنطقيه 2-bolean algebra الجبر المنطقي فانا عندي ورق بالنسبه للجبر المنطقي جميل اوي بس للاسف معنديش سكانر فهصوره بالموبايل وارفعهولك ان شاء الله بس يارب يبقي واضح وبالنسبه للبوابات المنطقيه عندي شرح ليها سوفت كوبي بس بسيط هبقي ازود عليه حاجات في ملف وورد وارفعها برده ان شاء الله بعد كده هبقي احاول احل مثال او اتنين من الاسئله عشان تعرف الطريقه ماشيه ازاي بس كنت عايز اعرف حاجه هو بالنسبه للبوابات المنطقيه مطلوب انك تكون عارفها كلها ولا كام بالظبط هما 8 بوابات هقولك اساميهم وياريت تقولي ايه اللي موجود منهم عشان اعمل حسابي 1-and لازم يبقي الدخل واحد وواحد عشان الخرج يبقي واحد 2-nand عكس الاند 3-or الخرج دايما واحد الا اذا كان الدخل صفر وصفر 4-xor الاكس معناها اكسبلوسيف يعني اور الحصريه 5-nor عكس الاور 6-xnor نور الحصريه 7-not او invertal بوابه العاكس يعني بتعكس الاشاره لو صفر تبقي واحد ولو واحد تبقي صفر 8-buffur وديه معناها ان مفيش بوابات يعني عباره عن انها بتوصل نفس الاشاره من غير متغيرها ولا حاجه هي ديه البوابات وجنب كل بوابه نبذه صغيره فهل موجود في الكتاب كل دول ولا ايه بالظبط؟ |
اقتباس:
المشكلة انى مش متأكد من حل التدريبات دى وعايز اتأكد واطمئن على العموم مشكوورررررررررررررر وكل سنة وانت طيب |
حاول تنقى مسألتين تلاتة كده حضرتك محتاجهم
لأن العدد كبير فعلاً و لو عايز محاضرات بالعربى موجود طلبك إذا حبيت |
اقتباس:
مشكوووووووووووووووووووووووووووووور ياباشا انا عارف ان الموضوع بالنسبة ليك كونك طالب هندسة بيكون سهل وخصوصا لو كنت قسم تحكم على العموم انا هحدد ليك بعض المسائل ولو رفعت المحاضرات تبقى مشكوورر بس يفضل محاضراااااااااات ولو فيه عندك سؤال وجواب على البوابات و decoder وال encoder و multiplexer و flip flop وخرائط كارنوف والتبيسط يبقى تمام |
المشكلة اننا مدرسناش الكلام ده قبل كدة
لان انا مش خريج هندسة وللاسف فى الدراسات العليا ( الماجستير ) اللى بيعطينا دكاترة هندسة فالمواد اللى بيعطوها لينا مواد هندسة مش مواد تخصنا نحن وليس لها علاقة بدراستنا او بالمواد اللى اخدناها ايام الدراسة بالكلية وانا ممكن احط ليك ثلاث او اربع مسائل كل اسبوع المسائل المهم الخاصة بكل الابواب ونتفق على يوم فى الاسبوع تدخل تجاوب عليهم ايه رايك |
اقتباس:
كل ده بتاخدوه وانا اللي فاكر انها يادوبك حاجات بسيطه كده بس هو كل اللي انت بتقول عليه ده او بمعني اصح ماده اللوجيك سيركيت ديه موجوده في اولي اتصالات انا عن نفسي لسه مخلص اعدادي هندسه وان شاء الله لو ربنا كتبلي اتصالات هدرسها السنه الجايه لو تقدر تستناني وانا احللك الحاجات ديه :d لكن لو مستعجل فكان فيه كورس كده كنت باخده في شويه حاجات من اللي انت قولتها او تقريبا خدناها كلها باستثناء خرائط كورنوف وان كان قالنا انها سهله فانا هرفعلك الورق اللي عندي بس للاسف مش هتلاقي فيها الا الجبر المنطقي والتبسيط والوائر المنطقيه لان الحاجات التانيه مخدنلهاش ورق كان فيه كتب قالنا عليها فيها الحاجات ديه لو تحب اجبلك اسمها وتبقي تذاكر منها فهي حلوه جدا وابقي حط كل اسبوع الاسئله اللي عايزها وكلنا ان شاء الله نحاول نحل فيها اللي نعرفه يعني واهو يبقي مذاكره ليا برده |
2 مرفق
ده شرح يارب يعجبك
صورته بالموبايل بس ان شاء الله الكلام هيبقي واضح لما تكبر الصوره شويه |
1 مرفق
ده بقيت الشرح
|
| جميع الأوقات بتوقيت GMT +2. الساعة الآن 07:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.