نظام المنازل 2010/2011
 

بالنسبة لنظام المنازل فى الثانوية العامة انا سمعت انها اتلغت ودى هتبقى مشكلة كبيرة عشان خاطر الدروس يا ريت اللى عارفين معلومات من الاساتذة عن هذا الخبر يفيدونا بمعلوماتهم

ياريت تقولولنا رأيكو فى الكلام ده

طبعا مهمومحدش بيرد علينا

انا سالت فى شئون الطلبه وقالو مفيش قرارات جديده بالنسبه للمنازل
وانا قلت لهم طالما مفيش قرارات جديده اذن نظام التحويل للمنازل القديم لازال موجود اى يبقى الوضع على ما هو عليه من العام الماضى
قالو لو الوزير الغى المنازل بعد ماتغيبى بنتك احنا ملناش دعوه
نرجوكم حد يرد علينا ويقول نعمل ايه

محافظة 6 اكتوبر
 

انا على فكرة سالت عن موضوع المنازل والحمد لله فيه منازل السنه دى 2010/2011 وسالت عشان الاستمارات عشان المنازل قالولى تعالى فى اول شهر 2 تعالى اعمل الاستمارة عشان تدخل الامتحانات فى شهر 6 وعادى يا جماعهة ان شاء الله ربنا يوفقنا جميعاااااااااااااااا:078111rg3::078111rg3::av4056b b7jp3::av4056bb7jp3:

طيب بالنسبة للوزير الجديد ده (قرفنا في عيشتنا والله) ياترى ناوي على ايه بخصوص الموضوع ده
والافضل اننا نعمل ايه؟
ياريت حضرات الاساتذة الافاضل يردو علينا:(

اخواني واخواتي الاعزاء السلام عليكم ....
لوسمحتم ممكن اعرف هل توجد مدارس خاصة ثانوي منازل (التعليم الخاص) غير التعليم االثانوي لعام منازل (الحكومي).
اذا هناك بعض المدارس الثانوي الخاصة منازل ممكن اسماء هذه المدارسة.
ومتى اخر تسجيل للمنازل في مصر وما هي الاوراق المطلوبة للتسجيل.
ونصيحه ماهي افضل مدرسة خاصة او عامة لتعليم المنازل الثانوي.

يرجى التكرم الرد على الخاص .......
وشكرا للجميع

اولا انا فى منازل وسالت فى كل مكان حتى الكنترول والمنازل موجوده والله 2010/2011 وربنا يسهل

انا معايا كيمياء و انجليزى 3ثانوى و اقتصاد واحصاء
يارب يستر بقا فى النتيجه انا نفسى اخلص بقا

السلام عليكم أنا عضوة جديدة في المنتدى في تانية ثانوي وكنت حابة احول منازل وكان عندي كام سؤال لطلبة الصف الثالث الثانوي اللي كانوا منازل في تانية ......... اولا هل بتفرق في التصحيح ؟ لانه سمعت ان المنازل مش بيتصحح لهم كويس وبيتظلموا وهل في ناس بتحول منازل وبتجيب مجاميع عالية وبتخش كليات قمة ؟ ثانيا هل ينفع احول في ثالتة ثانوي انتظام عادي ولا لأ؟ لانه انا تانية علمي رياضة باذن الله ...ومش عارفة اوفق بين المدرسة والدروس ومش عايزة أروح المدرسة أصلا......... واعذروني على اسئلتي الكتيرة لأني مش عايزة اتقدم خطوة اندم عليها بعدين وشكرا............

يا جماعة اللى بيصحح ميعرفش ده منازل ولا مش منازل

لو كل واحد قدر انه يعرف الورقة اللى بيصححها ديه منازل ولا لأ

كان كل استاذ قدر انه يجيب ورقة طلبته اللى معاه ف الدرس

احنا يوميا قرفانين بمرواحنا للمدرسه عشان بسلامتنا مدرستنا اخدت الجوده فلازم الحضور اليومي وكل ما نسال الاساتذه يا جماعه فيدونا فيه مكنازل ولا لا يقولولنا لا مفيش واحضري يا بت انتي وهيا والجزمه فوق رقفبيكو ربنا يقرفهم زي ما قارفينا

طيب بالنسبة للمنازل فى واحد صحبى ياجماعة مش راضيين يعملوله البطاقة علشان حول منازل هل لهم الحق ولا ايه

ممكن حد يرد علينا علشان ده حايته كله متوقف ع البطاقة وهى فى الاخر ملهش طلب اصلنا

يا جماعة لو سمحتم هما بيقولوا فى المدرسة الوزير لغه المنازل والى يتفصل مالوش اعادة قيد يعنى لغى المنازل وانتوا بتقولوا فيه منازل حد يريحنى يا جماعة لو سمحتم وقرار مؤكد