|
دلائل وبشاير
الحمد لله علي كل شئ هل نحن فعلا مؤمنين بهذا القول ، أم ... نقول هذه العبارة و نحن نقصد بها نوعا من التذمر و الغضب بما قسمه الله تعالي لنا تعالوا معا نتدبر نعم الله علينا أشعر يقينا أنني و أنتم من المحظوظين في هذه الدنيا فبمجرد تخرجي عام 2007 تسلمت عملي كمدرس بالحصة و بعدها بأشهر قليلة تم الاعلان عن العقود المميزة و لقد أعانني الله بفضله عز و جل أن أكون ممن نال درجة المعلم المساعد و ما هي الا سنة واحدة و تقدمنا لاختبارات الكادر و الحمد لله نجحنا في هذه الامتحانات و بعدها طلبوا منا التقدم لامتحانات الكمبيوتر و بفضله سبحانه نجح معظمنا في الحصول علي هذه الشهادة تأملوا معي اخواني و أخواتي هذا الترتيب الزمني للاحداث التي مرت بنا و ستعلمون يقينا أن لنا ربا رحيما لن ينسانا ستقولون انني لم آت بجديد نعم و لكن التأمل كفيل بإزاحة القلق و التوتر الذي نشعر به من تأخر قرار التعيين أقسم لكم أن القرار لن يتأخر و سيأتي و لكن في موعده الذي قدره الله له فلنصبر و نبدع في أعمالنا و نقود معا نحن شباب المعلمين ثورة تصحيح لتغيير المستوي التعليمي المتدني و لنقود مصر الحبيبة مرة أخري لتكون قبلة العلماء كما كانت سابقا ترى .... أيكون هذا حلما صعب المنال ؟!!!! |
ربنا يسهل
والكل يتعين |
فعلا لو أن حضرتك دفعة2002 مكنتش قلت كده
|
يا أخي الحبيب 2002 و لا 2008 ما تفرقش "علمت أن رزقي لن يأخذه أحد غيري فأطمئنت نفسي" و الأرزاق بيد الله سبحانه و تعالي وحده |
ولو تعاقد2000
ولو بيدرس مادة تانية غير تخصصه مكانش قال الكلام ده |
ربنا معانا
|
ولو خريج 98او96اكيد كان الكلام اتغير نعم نحن نرضى بقضاء الله وقدره وكل شىء مقدر من عنده
|
اولا العنوان غير ملائم للموضوع
ثانيا حضرتك بتقول المستوى المتدنى وغيره وان فيه انتقال من شئ لاخر لكن انظر للناس اللى قبلنا كانوا يتخرجوا يتعينوا بعدها مباشرة مش ينتظر امتحانات وتقييم كأن غير معترف بمؤهله وبعد كل ذلك مرتب سيادتك من مائة جنيه لمائة وسبعون لثلاث مئات هل تستطيع بذاك الاجر ان تقوم بتحمل مسئولية اسره فى مقابل ان فيه معين يتقارب من سنك يأخذ ما يقرب من الف جنيه فكر ثم قل |
يا اخى العزيز اتنا خريج تربية 2002 ودخلت علشان التعيين وفوجئت بان الدولة لغت التكليف عملنا مظاهرات والاخر مشوا اللى عايزين يمشوه واحنا نخبط راسنا فى الحيط مع ان اللى قبلنا اتعينوا بالعافية بالتكليف وغيرى اقدم منى وهكذا وربنا معانا وينصرنا عليهم
|
كلام ليس له فائدة عايزين جديد ومفيد
|
ربنا معانا
|
|
الأرزاق بيد الله سبحانه و تعالي وحده
|
ربنا يوفق الجميع
|
معذرة انت بتتكلم عن حاله فردية وهيه طبعا حالتك ومن حقك تقول كده أنا كمان تقريبا وبفضل الله محظوظة أنا خريجة2005 اتخرجت فى شهر 7 واتعاقدت فى 11 وبفضل الله العقد بتاعنا إلى حد كبير جدا كويس وبعدين رجعوا خلوا العقود كلها واحدة مش مشكلة كل ده المشكلة إننا بنتعامل كما لو إننا مهمشين مش على الخريطة وأنا أقصد من قبل الوزارة الحمد لله معظمنا أخد وضعه وشايف شغله تمام فى مدرسته لكن فين دور الوزارة اللى إحنا تابعين ليها ولا هيه هنا نفسى أسمع خبر صحيح عننا ويكون بيان رسمى من الوزارة يا نقعد فى بيتنا يا اما يكون لنا مسمى قانونى ووظيفى ونقابى نتعامل بيه ولكن الحمدلله .. الحمد لله دائما احنا وضعنا احسن بكتير من غيرنا ومافيش حاجة بايدنا غير اننا نقول يارب |
| جميع الأوقات بتوقيت GMT +2. الساعة الآن 12:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.