|
السلام عليكم
أنا بتكلم وانا بجد مخنوق عشان ملحفتش مرحلة أولى علشان نص درجة الحمد لله يعنى مطلتش هندسة ولا حاسبات كل ده عشان نص !! ما علينا ! أنا دلوقتى مخير بين كليتين ومش عارف أنهى واحدة أختار ؟؟؟؟؟؟؟!!!!! تجارة إنجليزى ولا علوم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وأنا شعبة علمى رياضة فى الثانوية طب لو دخلت علوم حدخل أقسام إيه وإيه النظام ؟ ياريت تفيدونى قبل ما التنسيق يقفل بسرعة ولكم جزيل الشكر |
والله انا كمان كنت محتارة زيك كده
انا ادبى وجايبة 94% وكنت محتارة بين اثار وتجارة انجلش بس لقيت انى بحب الانجلش جدا وبحب الرياضة والكمبيوتر فقررت انى ادخل تجارة انجلش ولقيتها انسب لانى ممكن اخد كورسات فى الانجلش والكمبيوتر واشتغل شغل كويس وفى نفس الوقت انا شفت المواد بتاعة كلية اثار ولقتنى مش بحبها خالص وربنا هدانى فى الاخر لتجارة انجلش والحمد لله فانت شوف ايه انسب ليك وايه اللى بتحبه وبتحب العلوم اكتر ولا الرياضة ولو دخلت علوم ممكن تشتغل ايه بعد كده وخصوصا انك ولد وموضوع الشغل بيبقى مهم للولاد طبعا اكتر من البنات واكيد طبعا تصلى صلاة استخارة وربنا هيهديك للى فيه الخير ان شاء الله وربنا يوفقنا جميعا |
لو هتدخل كلية علوم أفضل جامعة هى القاهرة من حيث الامكانيات وفرص العمل والتدريب فى الشركات الادوية والبتروكيماويات
والنظام هناك ممتاز من حيث المعامل والكثير من زملائى يفضلونها على الكثير من جامعات مصر عن نفسى انصحك تروح جامعة القاهرة فعلا هتحس بنضافة التعليم الجامعة بغض النظر عن البوظان اللى هتشوفة هناك :lol: وربنا يوفقك للخير والصواب |
اولا شكرا على ردودكم
ثانيا بالنسبة ( dr.mansorawy) ياريت كنت عارف ادخل جامعة القاهرة لو كلية علوم أأو جامعة حلوان لو التجارة ولكن نظام التوزيع الجغرافى ده مقيد الواحد يعنى لازم أكنب 8 جامعات قبل لما اوصل القاهرة عشان انا من الشرقية بس حسكن فى القاهرة أنا حصلى وأستخير الله ويارب يجيب إللى فيه الخير عن نفسى أنا بعشق الكمبيوتر والانجليزى وكمان المواد العلمية بس أقل شوية من الكمبيوتر فكان نفسى ادخل حاسبات لكن قدر الله وما شاء فعل ! متنسى آراء الباقين ........... |
السلام عليكم ورحمه الله وبركاته
بالنسبه لنصف درجه بتاعه المرحله الاولى ...طيب مانا اخويا فعلا كان اعلى من المرحله الاولى بنصف درجه ..هو جايب 93واتين من عشره وجاتله تجاره وملحقش هندسه ولا فنون ...والحمد لله ...يعنى الموضوع مش موضوع مرحله اولى او تانيه ..حتى جرب يدخل مرحله تانيه ..مانفعش انا متهيألى ان كليه علوم فرصتها احلى ..ده رأيى ..ودرستها كمان احلى.....بس الاهم ماتيجى تفكر ..تفكر فى الكليتين وانهى كليه تقدر تدى فيها اكتر وتذاكر بنفس اكتر وطبعا مفيش احسن من انك تصلى صلاه استخاره وتدعى ربنا ان يحط رجليك على الطريق السليم ...ولو ماتعرفش دعاء صلاه الاستخاره انا ممكن اكتبه ...وبالتوفيق |
والله انا كنت زيك تمام
انا جبت 94 % علمى علوم و ده طبعا مجموع مانفعش ف اى حاجة عدلة و الحمد لله انا احترت برضة بين علوم و تجارة انجلش بس لما فكرت و جمعت الاراء اللى حواليا لقيت ان تجارة انجلش دلوقتى شغالة و مطلوبة و اللى بطلعوا منها بشتغلوا ان شاء الله و كمان انا كويسة ف الانجليزى و الكومبيوتر و بصراحة خفت احسن مامشيش ف علوم فاخترت تجارة انجلش و جاتلى المنصورة الحمد لله انت بس صللي صلاة الاستخارة و انشاء الله ربنا يهديك للصواب و بالتوفيق لينا كلنا ان شاء الله |
<span style="color:#ff0000"><div align="center">ياااااااااااه زمن
السنة اللي فاتت كانوا يدخلوا هندسة بص يا عم هقولك بما انك انتا علمي رياضا برشحلك بجد العلوم العلوم جميلة بس صعوبتها لعلمي العلوم والتخصص بتاعهم انتا هيبأى قدامك علوم حاسب آلي واحصا يعني هتبأى شعبة احصا وحاسب آلي ودي مطلوبة بجد قوي وفيه قدامك رياضا المهم مش هتخش كلية ايه انتا ممكن تدخل الكلية وتتفوق وتتعين مُعيد التجارة مطلوبة اي نعم بس اعذروني انتا قدامك 4 سنين وتتخرج لو مشيت معاك وزاكرت بٌص يا حبي البلد بتتباع البنوك اغلبها اتخصخص والشركات بكرة هتتخصخص والعمالة المصريبة هتبأى رفيوزد في كل حاجا فانا نصحتك باللي ينفعك كمستقبل تسافر بيه بره مصر علوم جميلة وصعبة وعايزة واحد يركز فيها وهيعدي ربنا يوفقك ويهديك صلي صلاة إستخارة احسنلك </div></span> |
طاب هى بتاخد كام فى المية ؟؟؟د
بس انا اعرف ان سعرها 4225 فى السنة |
طب ربنا يجيب إللى فيه الخير ...
ممكن أعرف بس مصاريف الكلية كام ( تجارة إنجليزى ) وأى جامعة أحسن ؟؟؟ |
توكل على الله وتجاره انجلش
انا جايبه زيك تقريبا وكنت علمى رياضه برضه بس علوم مشهوره بصعوبتها وفى الاخر هتبقى مدرس ومابالك وكلمه مدرس دى :blink: تجاره انجلش مش بتتعدى ال 6 الاف فى السنه عموما |
لا علوم طبعا مبتطلعش مدرسين دى فيها مليون قسم وخصوصا الجوفيزياء
|
هى الجامعات الحكومية بقت بمصاريف ولا اية ؟؟؟
ولا انتوا بتتكلموا عالجامعات الخاصة ؟؟؟ :blink: |
اولا شكرا على ردرودكم
ثانيا تجارة عادية من غير مصاريف أما الانجلش فى الجامعات الحكومية بمصاريف |
<div class='quotetop'>إقتباس(*محب الله ورسوله* @ Aug 6 2007, 05:08 PM) [snapback]344175[/snapback]</div>
اقتباس:
انا اللى اعرفه ان تجارة انجلش المنصورة كانت السنة اللى فاتت ب حواللى 3500 جنية من غير الكتب لانك بتشتريها من المكاتب :blink: و تقريبا بتزيد كل سنة :) و تجارة انجلش طنطا كانت4000 بس بالكتب ده بس اللى انا اعرفه و اى خدمة ;) |
انا سألت فى كلية التجارة دامعة الزقازيق فى شئون الطلبة قالولى خما بياحدوا 400 طالب فى الشعبة دى
وبالنسبة للمصاريف 3000 فى السنة من غير كتب الكتب بتيجى من بره جديدة بحوالى 1300 ومستعملة بحوالى 500 جنيه بس ده إللى حصل |
| جميع الأوقات بتوقيت GMT +2. الساعة الآن 09:45 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.