|
يا حبيبتي يامصر ........ يا مصر
السلام عليكم و رحمة الله و بركاته ، فيوم عادي من حياتي العادية و في ساعة عادية من نهاري العادي ، سمعت صوت ،، صوت ايه دي اصوات !! المهم خرجت اشوف فيه ايه ، بصيت شمال لقيت خناقات بصيت يمين لقيت طوابير !! هزيت راسي لانه مشهد عادي فبلدي العادية !! دخلت فتحت التلفزيون لقيت اعتصامات و مظاهرات ،، شباب و موظفين و عمّال ..... الخ , بس ما تعبتش نفسي اشوف عن ايه لانها منظر عادي فبلدي العادية !! قلبت القناة لقيت جدو راح و جدو جه و جدو خد و جدو عطى فقلت ايه ده هو كل يوم جدو جدو !! مافيش يوم تيتا ؟! :d بس بردو ما متستغربتش لانه حاجة عادية فبلدي العادية !! فقفلت التلفزيون ، وفكرت هي مصر محتاجة ايه عشان تكون بلد مش عادية ، بلد صالحة للحياة فيها يعني ،، فقلت يمكن محتاجة ريس ؟! ولا حكومة ؟! ولا يمكن شعب ( ده على اساس انه 80 مليون و شوية قليلين ) :romarioxp6: ولا فلوس ،، ماهو العالم كله ماشي بفلوس اليومين دول ، مش كدة ولا ايه ؟! و لاهي محتاجة شوية امانة على شوية صدق على شوية مصداقية و شفافية من كل حاجة شوية كدة و الطبخة تطلع مية مية ، بس فالاخر طردت الافكار ديه كلها من دماغي و عرفت هي مصر عاوزة ايه مصر عاوزة الحب فعشان كدة غنيت يا حبيبتي يا مصر .......... يا مصر يا ترى انتو شايفين هي محتاجة ايه ؟! |
محتاجة انها تتطور لانها بين الدول اصبحت متخلفة عن ركب الحضارة
|
مصر محتاجة شباااااااب
والشباب الجد بيبني مش بيهد محتاجة كل واحد يشوف شغله ويتفوق في مجاله محتاجة الموظفين يبطلوا رشوة محتاجة المدرسين تشرح بضمير محتاجة ومجتاجة ومحتاجة مصر محتاجة شعب جديد على رأيك وعجبي . . . .وجدان حنفي سيف |
مصر محتاجة اعادة بناء من جديد فى كل المجالات :mad::mad:
واهم حاجة لازم تتطبق العدل ثم العدل لانى مش شايفة عدل فى البلد دى :040vk0:والعدل نظام مش كلام مكتوب على ورق فى حاجات كتير فى دماغى عايزة اكتبها بس ايدى وجعانى من الكتابة الدروس والثانوية العامة الصحة انعدمت قبل ما الدراسة تبدأ :d:d وموضوع جميل جداااااااا |
محتاجة راجل
|
مصر بلد طول عمرها عظيمة مصر بلدى كلها خير كلها شعب أصيل شعب يصحى من نومه يقول يارب محتاجه بس شوية عدل فاكرين الفاروق عمر بيقولوا لو نهر النيل اتقلب صلصه مش هيكفى الكوسة اللى فى مصر مش عايزين ابن الريس يبقى ريس وأن الوزير وزير وابن الفلاح فلاح عايزين توزيع جديد يدى كل واحد على قدر عملة مش محتاجين ياريس غير شوية عدل كل واحد يشقى ويتعب ويتعلم وبعدين يقعدع فى الشارع !! بلدنا كتير مش حاسه بينا رغيف العيش حتى مبقاش لينا غلاء فى الأسعار التعليم الكهرباء ..........إلخ الإنتخابات على الأبواب أعضاء المجلس الكرام كل واحد هييجى بفكرة جديده ونرجع تانى عايز الشقه والعربية وينسى مشاكل أهله إللى أصلاً المفروض أنه بيخدمهم عرفت مصر عايزا إيه عايزا قوة شباب تبنى وتقول للعدل أه وتقول للكوسة لا يقفوا وقفه رجل واحد من أسكندرية لأسوان مصر عاش ملايين السنين والشعب صارع فيها كتير فاكرين ثورة يوليو 1952 الشعب بكل فئاته وقف قال لا للإستعمار الشعب قال عايزين نكون نفسنا وبإذن الله هنقولها تانى عايزين نكون لنفسنا على فكرا أنا مش بلوم على حد اللوم على نفسى وعليك أنت كمان انك ساكت بتقول يا حيط دارينى وانا زيك تمام ولا نقول علشان ما نعلى ونعلى ونعلى لازم نطاتى نطاتى نطاتى :078111rg3: |
انا مصري بس مش عارف احنا ليه بنحبها اصلا
وفيها ايه بتشدنا وايه الي مخلينا نعيش فيها وكل حاجه صعبه العيشه والاسعار والبطاله والمواصلات وكل حاجه |
اقتباس:
مصر محتاجة راجل لا تعليق الله يرحمك يا جمال عبد الناصر |
مصر محتاجانا احنا
اصل الحكومة دى امر واقع فلازم نبدا نغير احنا من نفسنا لا يغير الله ما بقوم حتى يغيروا ما بانفسهم |
مصر وكل الدول العربية محتاجة رجل له هذه المواصفات
1- رحيم مثل أبو بكر الصديق 2- مهيب مثل عمر بن الخطاب 3- حليم مثل عثمان بن عفان 4- عالم وفقيه مثل علي بن أبي طالب 5- شجاع وفذ مثل خالد بن الوليد 6- حازم وحاسم مثل الحجاج بن يوسف هل يوجد رجل بهذه المواصفات؟؟؟؟!!!!!!!!! أكيد لا . إذاً مفيش فايدة . خلينا منتظرين نزول المسيح عليه الصلاة والسلام . |
اقتباس:
فعلا يا راجيا ، هي عاوز تتطور ، بس التطور ليه اسبابه بردو ، يعني عاوز اساس ، فهنا انا بناقش الاسباب ال هتأدي بينا لتطور ده ، و ربنا يعينا و نلحق العالم ال سبقونا ، شكرا لمرورك ، |
اقتباس:
فعلا مصر محتاجة كل دول ، بس انا فرأيي الشباب والشعب موجود ، وما شاء الله عليهم ، بس هم محتاجين حد ياخد بأيدهم ، يطلع الحاجات الحلوة ال جواهم ، وعاوزين حد يفوقهم من حالة الاستسلام ال هما فيه ، الكل بيقول امشي جنب الحيط ،،والكلام ال بيدل على الاستسلام والتراخي ، محتاجة قيم اسلامنا ترجع بدل المهازل ال بنشوفها ديه ،، وربنا يسبب اسباب الهداية ،، شكرا عالمرور يا دكتوور ،، |
اقتباس:
اهم حاجة هي العدل فعلا ،، من اهم مقومات الدولة الناجحة انها تكون قائمة عالعدل ،، و للاسف المقوم ده غاااائب عندنا ، ومش عارفين امتى هيحضر تاني ، الحق لاصحاب النفوذ دايما ، و الغلبان مالوش اي حق فالبلد ،، عشان كدة كل شيء مش موجود فمكانه الصحيح ، ونفسي نبطل الكوسا :d ، هههه ربنا يوفقك ياقمر ،، الاجمل مرورك والله ،، نورتيني ،، |
اقتباس:
صح ! بس نجيبو منين ؟! وهي مش محتاجة راجل واحد ، ديه محتاجة رجالة ، راجل ياخد بأيدها و ايد شبابها الضائع ،، |
اقتباس:
الحل انه نبدأ بنفسنا ، كل واحد يغير من نفسه ، بس المشكلة الكل يقول واشمعنى انا ؟! ماكل الناس كدة ، يعني محتاجين حد ياخد بايد الشباب دول ، مع اني مش عارفة امتى هيجي ال ياخد بايدهم ! وهل هييجي اصلا ؟ شكرا جزيلا الراجعون الى الله عالمرور الاكثر من راائع ،، |
| جميع الأوقات بتوقيت GMT +2. الساعة الآن 05:21 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.