ارجو ان نتبادل المعلومات
 

ياترى اسعار الدروس فى كل مكان شكلها ايه اللهم حسد وتحديدا درس العلوم احياء ارجو المشاركه لجميع امواد
عندنا فىبلقاس درس العلوم اعدادى بين 20و 30 جنيه ده طبعا فى المجموعه وده فى المدينه اما فى القرى والارياف 15 جنيه بالنسبه للاحياء 40 جنيه ده فى المجموعه

عندنا فى البحيرة نفس المعدل الاحياء تقريبا مابين 35 الى 40 دى المجموعات طبعا اما الخاص بقى فحدث ولاحر ممكن دى تبقى ثمن الحصة يوصل 30 او 40 جنيه والعلوم اعدادى برضو من 20 الى 25 يالا ياعم ماشية معاكم بس المهم ربنا يبارك ومتنسوش الزكاة

ملحوظة انا الحمد لله مش بدى دروس خصوصية وربنا يغنينى عنها وانا ضدها طبعا لانها حولت المدرس لتاجر وطبعا افقدته هيبته امام التلميذ لانه لما يمد ايده وياخد منه فلوس يبقى فاضل ايه عشان يحترمه ويشوفه كقدوة وخلت المخ اللى كرمه ربنا زى المحشى اهم حاجة انك تحشى اكتر وطبعا للناس اللى بتعرف تطبخ كويس كل مالحاجة اتحشت اكتر ده معناه انها هتطلع مش مستوية كويس ومش واخدة راحتها فى النضج
وفى ظل الاوضاع التعليمية المتردية والمناهج العقيمة والمدارس اللى بتقفل من اول السنة والمدرسين اللى مش لاقيين اهم احتياجاتهم الاساسية حتى بعد ماكدروهم برضو لازم تبقى فيه للاسف مسكنات او مايسمى بالدروس الخصوصية

السلام عليكم جارة الوادى
انا معاكى ومش معاكى
انا مع ان المدرس من حقه يدى درس نظرا للظروف الصعبه الموجودة حاليا فى المعيشه زى ما حق الدكتور ان يفتح عيادة ليعالج الناس
بس اهم شى يكون ضميرة مرتاحه داخل الفصل انه يطلع كل الى عندة داخل الفصل وما يبخلش على تلاميذه بمعلومه علشان ربنا يطرح البركه ويهتم بالطالب الضعيف ويحاول يحسن مستواة لانه فى ناس فعلا غلابه متقدرش تدفع ثمن الدروس
اهم شى فى كل مهنه الضميررررررررررررررررررررررررررررررررررررررررررررر رررررررررررررررررررررررررررررر أولا
الدكتور يكون عنده ضمير فى المستشفى قبل عيادته الخاصه والمدرس يكون عندة ضمير فى فصله قبل السنتر الخاص الى بيدى فيه الحصه
وشكرااااااااااااااااااااااااااااا

طلاب المدرسة اللي أنا شغال فيها بياخدوا عندي دروس بالمجان وكمان المدرسة اللي أنا منتدب فيها وبكده عمر ما هيبتي هتقل

اما الطلاب من المدراس الأخرى لهم تسعيره ثابته حوالي نص كيلو لحمه في الوضع الحالي للمجموعات أما الفردي في المنزل حوالي 3كيلو لحمة فيث الوضع الحالي وممكن يعزموني في الشهر عزومة يبقى كدا وجب علينا نخفض شوية وناخد فقط حوالي 2 كيلو لحمة ..

المهم .. بعد ما تم نقلي من مدرسة إلى اخرى .. كان للطلاب القدماء في مدرتي تسعيره جديده زيهم زي الطلاب اللي مش عندنا في المدرسه .. وزي مانتو شايفين

هيه دي القاعدة اللي أنا ماشي عليها

طلاب مدرستنا مجانا .. اما الخارجون بتسعيرة اللحمة من نص إلى 3 كيلو

وبالهنا والشفا

هههههههههههههههههههههههههههههههههههههههههههههههههه هههه


اللحمة أحسن

ألف بعد الشر علينا

اللهم احفظنا