|
آه مابصاحبـــــش
يوه حقولها بأعلى صوتي
و حفضل أكرر فيها لحد موتي و ميهمنيش يتقال عليا مغروره أو بنت شايفه نفسها و منفوخه ليا حق إني أرفع راسي و على عفتي أبقى مسنودة أيــــــوة انـــــا مـــبـــــصــــاحــــبــــش و مش مضايقة أو مخنوقة وإياك تقول عليا مكبوتة أو م المتعة محرومة بالعكس ده من غيري محسودة و من اللي بيفهموا مطلوبة أنا بنت عشت و حعيش شريفة و حيائي ليا ميزة ع الأخلاق حفضل ماسكة و ع القيم دايما حكون ثابتة أنا عشت و هعيش بعفتي و بيها حفضل فخورة إيدي متمسكتش و عمرها ما هتبقى ممسوكة انا جسمي عليا غالي ميبانش الا لحلالي و عمري ما هفكر إني أخونة أو أضيع حق من حقوقه ده أنا بنت ناس طيبين متعوب عليا كتير مبعش نفسي بالرخيص عشان حنيّه لوحدتي تكون تعويض أو كلمة حلوة تخلي ثقتي ف نفسي تزيد و كل ده لحد ميستاهلنيش بس عايز يلعب بيا و يضيّع وقت فراغه عليا أنا أضحيله بنفسي وهو يبيعني و يجرح فيا شخص استغلالي مليان انانية أنا بالنسباله هدف و غرضه الاستمتاع بيا شغلته بس هي التحكم فيا ماعاش اللي يفرض نفسه و سيطرته عليا انا روحي للمعصية أبيّه الطاعه بالنسبالي هي الحريه انـــا قـــلــــبـــي مـــلــــك ربـــــي و ربـــي ده حـــبـــيـــب قـــلـــبـــي فابعد عني يا ابني و اياك تحاول تكسبني ده انا رضايا صعب الوصول و النظر ليا ده شيء ممنوع أما حبــــــــــي بقى فيحتاج حـــــــروب واوعى تفكر إنك عليا تلف و تدور و تفضل تقول ف كلام معسول لا لا لا لا أنا مش من دول انا اللي احترامي جزء من كياني انا اللي علاني جعل الجنة تحت أقدامي وقالك أوعى تلمس وتأذى ده!! انا اللي ربنا خلقك فيا وجعلك قوام عليا بص يا ابن الحلال أنا غير طريق بيتنا معرفش أوصف و غير جوزي مبحبش طريقي واحد مليش لغيره سبيل يا حلال و ربي راضي يا تشوفلك غيري وأظن واضح كلامي انا قلت كل ده عشان عايزاك تحافظ عليا ومتشوفنيش سهلة او لحبك مستنية صحح مفهومك انا عن رضا ربي و حب النبي مش مستغنية ياريت تقدر إن ضعفي ده قوة موجودة فيا و حياتك مش حيكون ليها طعم إلا بيا و عمرك ما حتعيش سعيد الا برضا ربنا عليك و عليا م ن ق ووووووووووووو ل ومن أروع ما قرأت بجــــــــــد :) خلاصة الكلام: أى بنت ف الدنيا هى ال بتفرض ع ال ادامها انه يحترمها ويقدرها ولا لأ اى بنت ف الدنيا هى ال بتحدد بصة ال ادامها ليها تبأه عاملة ازاى اى بنت ف الدنيا هى ال تعرف ازاى تكسب رضا ربها واهلها ورضا نفسها ع نفسها م خلال حرصها ع تصرفاتها وافعالها وتعاملاتها ولبسها والخ للأمانه منقول |
جميييييييييييله أووووووووووووي وفعلا معاكي حق في كل حرف اتكتب في التوبيك ده وربنا يجعله في ميزان حسناتك وميزان حسنات كاتبته ياااااااااااارب وعاوزه أقول حاجه إن الصحوبيه أسوأ شيء في الدنيا أنا يوم ما دخلت الكليه كنت مرعوبه منها حسيتها زي الفيروس اللي بيمسك في المريض ومش بيسيبه شوفت ناس كانت ماشاء الله قبل الكليه بنات قمه في الاخلاق وبتحب ربنا وعايزه ترضيه ومجرد ما فكرت في الباب ده وبعدت عن ربنا خلااااص إتغيرت 360 درجه والله كنت ببكي على حالهم وكنت خايفه على نفسي لأكون زيهم في يوم من الأيام لكن الحمدلله محصلش ومش هيحصل بأمر الله ربنا يحفظنا ويحفظ بنات المسلمين جميعا وادعوا ربنا كتيييييييييير هيثبتنا بإذن الله |
يا ريت كل البنات تعرف كده , مفيش صداقة بين شاب وفتاة . البنت المحترمة هي اللي يكون زوجها أول راجل في حياتها .
|
جزاكى الله خيرا يا ساره وانا واللله برده كنت بعيط كل يوم علىاصحابى وكان حجتهم انالكليه غير الثانويه وانك معقده ومشنتنفععى فى الكليه حولى احسلك وكلام اكتر منكده بس الحمد لله ربنا عدى اول سنه دى خير
وكمان اول سنه دى بتخلى كل واحد يعرف من طباعك اخلاقك ايه ولول لاكى محترمه وفى حالك عمره ميجى ويقدر يهوب نحيتك |
ربنا يكرمك بجد
موضوع راااااائع |
جزاكم الله خير وأحسن اليكم
|
لازم كل وحدة تحافظ على نفسها لحد ما ييجي الشخص ال يستحقها ، جزاكم الله خيرا عالموضوع الراااائع ،، |
شكرا على هذا الموضوع الرائع وأضم صوتى لصوتك الصداقة حرام بين شاب وفتاة الا فى الحلال واتمنى رسالتك توصل لجميع الفتيات (طالبة فى الثانوية العامة )
|
يا سلام على كلامك الجميل .. ربنا يكرمك يا قمر ويبارك فيكي
|
كلمات جميلة جزاك الله كل خييير و فعلا البنات عايزين توعية ع فكرة اغلب البنات الحمد لله مش بيكلموا ولاد بس معظم البنات ممكن تغلط غلطات وهما مش حاسين وده خطره اكبر بكتيييرلانها فاكرة نفسها ماشية صح واحسن من غيرها بس هي غلط زي حاجات كتيييير منها مثلا :، الكلام بصوت رقيق او الصوت العالي وده غلط كبييير زي الضحك والفرفشة الزايدة او محاولة لفت الانظار او اللبس غير المحتشم وغيرها كتيررر و شكرا ع الطرح المفيد |
|
موضوع جميل ومهم وجزاكى الله خيرااااااااااا
|
جزانا واياكم خيرا وشكرا لتعليقاتكم
|
جميييييييييييله أووووووووووووي
|
كلمات جميله جدا
افضل شئ يا بنات نقفل على نفسنا باب من ابواب لشيطان هو باب الإختلاط وكل بنت تحاول تدخل كليه مش مختلطه احمى نفسك لان انتى بشر واحنا فى زمن الفتنه اينعم الشيطان ضعيف لكن بييجى للى ايمانهم مش قوى أسأل الله ان يحفظكن ويستركن وبنات المسلمين جميعا جزاك الله خيرا أختى الحبيبه |
| جميع الأوقات بتوقيت GMT +2. الساعة الآن 08:34 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.