|
أطفالنا والخطر القادم...
السلام عليكم ورحمة الله وبركاته إزيكم .. يارب تكونوا بخير وكل سنة وانتم طيبيين... بصراحة أنا كنت عايزة أتكلم عن موضوع بيخص أطفالنا أطفال المسلمين ...وهم أمل المستقبل والرسوم المتحركة طبعا معظمنا عارف الكارتون اللي كل الأطفال بيحبوا يتفرجوا عليه يعتبر عشق بالنسبة لهم .... لكن فيه كارتون بيخالف تعاليم دييننا الإسلامية ... مثال (تيمون وبومبا) فيه أطفال كثير بيحبوا بومبا ......عبارة عن خنزير وغير أنه الكلام باللهجة المصرية... يعني أطفالنا لما يتربوا ع أن مشاهدة الخنازير عادية وان أشياء عادية ... فأكيد دا شيء خطير جداا .... لأن الخنازير محرمة في ديننا وكثر شوف الأشياء المحرمة بتأثر ع الإنسان وبعد كدا يشوف المحرم عادي.... .................... وطبعا المشاهد الغير محترمة ف الكارتون ... فيه مشاهد بتبقي ف قمة عدم الاحترام وكارتون وبيشاهدوا الأطفال:( ::::::::::::::: نيجي للكمبيوتر وكان فيه لعبة اسمها Gta اللعبة دي حقيرة جداا جداا أولا:بداية اللعبة واحدة شبه عارية تحمل كأس من الخمر ثانيا: لعبة تحمس ع العنف والقتل وليس لها نهاية الإ التخريب ثالثا: فيها ديسكو تصدقوا اني سمعت كلمة الديسكو دي من طفل صغير لم يتجاوز 3 سنوات يلا بئا لما نلعب داتا عشان ندخل الديستو :(ونشوف ..... لما أطفال المسلمين يتربوا ع المناظر المحتوية ع ملابس السباحة والرقص والطبل...:bosyht9: ايه اللي فاضل تاني!!!:angry2: حاجات كثير واللي يدور يلاقي إليكم الخط |
طيب ما هو الدولة عايزة كده . هو انتي فاكرة ان البلد دي عايزة أطفال تتربي علي الاسلام وتعاليمه؟!! حيقولوا اللي مش عاجبه يغير القناة أو يطفي التليفزيون . أما بالنسبة للكمبيوتر فبصراحة دي مشكلة الوالدين وبعدين فيه لعب مفيدة للأطفال بس الأم تراعي كويس .
|
اقتباس:
أكيد طبعا الدولة احد الأسباب بس الأهل عليهم مسؤولية كبيرة فيه اهل بتشوف الحاجات دي وتكبر :mad::mad: والعملية عادية عندهم والمصيبة في الكمبيوتر ان فيه ناس مش بتشوف اولادهم بيلعبوا ايه!! او حتي هم اللي بينزلوا اللعبة للاولاد ويشوفوا المناظر ويقولوا (أصلوا عيل صغير مش يعرف حاجة ولا فاهم حاجة):mad: مع ان الأطفال دلوقتي بيفهموا اكثر من الكبار.. ربنا يهدي شكراا لحضرتك |
على فكرة الكرتون مهما كان شكله مش حينفع يتاخد بالقيم اللى احنا بنبصله ليها دي
بمبة مكنتش اعرف انه خنزير غير لما لقيت في مرة تيمون وهو بيقوله كده :d محنا كلنا كنا بنشوفه واحنا صغيرين تقريباً مش هي الحاجة اللى حتخلينا نحب الخنازير او نقتنع بيها حتى ولو للاطفال محنا بنحب توم وجيري حبينا الفيران او حسيناها عادية ؟ :d |
اقتباس:
لكن فعلا فى افلام كرتون بتلابى الاطفال على حاجات مش كويسة زى مثلا الجاسوسات لو حد يعرفه لكن دة فى الاول والاخر دور الاسرة هى اللى تقدر تتحكم فى اولادها وتربيهم بالطريقة الصح يعنى انا مثلا بابا كان مانعنا من قناة mbc 3 تسلم ايدك يا تسابيح موضوع راااائع |
لي وجهة نظر تانية
الرسوم المتحركة رسالة موجهة بالتعريف بمشاهير العالم يعني سلاحف النينجا مايكل أنجلو ، رافايللو ، دوناتيللو ، ليوناردو وكلها اسماء لكبار الفنانين هناك اما احنا ماشاء الله بنعرف الأطفال بمشاهير مصر جرجير وظاظا والعملاق مخمخ ومشمش والأبطال تختخ واخوانه ومن ده لده ياقلبي لا تحزن مشكورة على الموضوع |
اقتباس:
الرسوم المتحركه عاديه جدا واظن كلنا كنا بتفرج ع الكارتون واحنا صغيرين ومفيش اى حاجه ؟ ومع كل ده لازم يكون فى متابعه من الاسره ع الحاجات اللى الاطفال بتشوفها او بتلعبها شكرا لكى ع الموضوع |
طبعا ياتسابيح عندك حق ..
والحكايه دى اليتحكم فيها الاب والام .. ممكن نقول ان المسئوليه لازم تزيد معاهم شويه ....لان الموضوع فعلا بقى كارثه .. جزاكى الله كل خير ..وكل سنه وانتى طيبه عشان العيد ..:d |
اقتباس:
يمكن مش يأثر فيك لأنك عقل بئا ناضج وتقدر تميز بس الأطفال حاجة تانية أي حاجة بيسمعوها أو يشوفوها بتأثر فيهم هحكي لك مرة طفل راح ضارب القطة وراحت القطة ماتت مامته قالت له: ضربتها ليها قال :وهي دلوقتي هتصحي زي ما بيحصل في تومي وجيري...!!! دي حاجة بسيطة من اللي ممكن يحصل ومرة واحد شاف بات مان حب يقلده وقف ع سور البلكونة :d عن نفسي مبحبش تومي وجيري أصلا ........ أم بخصوص الخنازير هي محرمة تحريم شرعي وكل مشاهدة المحرم هيخلي النظر إليها عادي وأنها شيء عادي زي الخمر دا وغيرها من الاشياء المحرمة... لان النظر للحرام بيقسي القلب لدرجة ان فيه ناس ف المنتدي كانت حاطة صورة بومبا في التوقيع...!!!! مأظنش ان فيه وجه مقارنة بين الفار والخنزير.... مفيش حد مهما وصل به الدرجة انه بيأكل فيران:d لكن فيه ناس بتأكل خنازير... والعملية عندها عادي.. شكراا يابشمهندس نورتنا |
اقتباس:
عقل ناضج هو انا بتفرج على توم وجيري من سنة :d ايوه لحد دلوقتي ساعات بتفرج عليها ... ولو انهم اتحفظوا :d بس كلنا كنا بنشوفها واحنا اطفال تقريبا محدش فينا حب الفيران ولا راح يلعب معاها :d مشاهد العنف حاجة تانية وموضوع تاني والناس اللى كانت بتقلدها كتير وناس كتير اتأذت من الموضوع وده واقربهم اخويا كان بيقلد لعبة كنا بنلعبها واتعور :d لكن كنوع اننا نتعود على الخنازير ولا نحبها ولا الكلام ده معتقدش لأ |
اقتباس:
بس ليه كدا القناة دي مالها يعني ؟ والجاسوسات ايه المبادئ اللى فيه غلط ؟ دي القناة الاطفالية المسلية الوحيدة دلوقتي بعد ما سبيس توون بقت مملة :d |
اعتقد مافيهاش مشكلة ، يعني كلنا تقريبا كنا بنتابع الحاجات ديه والحمدلله لسة عايشين اهو ، وفكرنا وعقيدتنا الحمدلله ،، هي بس المشكلة برامج العنف ديه ، لانه كتيير بقلدها و بتوصل لمشاكل بعد كدة ، لكن فالعادي مش مشكلة يعني ، والمتابعة مطلوبة بردو ، وربنا يحفظنا كلنا ، مرسي عالموضوع ياقمر ، |
موش يا تسابيح الموضوع مكانه الاصلي قسم اجتماعيات الطالب
|
اقتباس:
|
هو ليه احنا بنتكلم عن الكرتون فقط والاطفال ليه مبنتكلمش عن الميديا الاعلامية بشكل عام بمعنى.
الدولة بتقول ان الدين الرسمى للدولة هو الاسلام وهو اساس التشريع..لكن.. أجهزة الاعلام الحكومية . انا مش عارف هى عاوزة منى ايه عاوزانى أكون(علمانى. شيوعى . عربى .مسلم.افريقى)الاعلام نفسه عندنا تايه ومش عارف رسالته ايه.. الحاجة الوحيدة اللى انا متأكد منها ان الاعلام عاوزنى أكون (شاب سيس) وأظن أن مكان الموضوع مش هيفرق كتير سواء فى العام أو فى اجتماعيات الطالب؟! |
| جميع الأوقات بتوقيت GMT +2. الساعة الآن 03:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.