|
هي تبرأة ذمة و لا استخفاف بعقول الناس ؟!!
السلام عليكم ورحمة الله وبركاته ، ازيكم ؟ و كل سنة وانتو طيبين ، وان شاء الله تكونوا فأحسن حال و صحة سلامة يارب، احم انا فيه سؤال فبالي محيرني فقلت يمكن تفيدوني ، الحكاية انه لي قريب مدخن ، مش واحد ده معظهم ( ربنا يكرهم فيها يارب ) المهم كنا قاعدين فقال عبارة غريبة اوي ، قال : الواحد بئا مش عارف يعمل ايه ، مافيش غير السجاير نطلع همنا فيها ! واختكم فالله كدة ....:confused::blink:...... فقلت : حرام ده انت بتجيب الهم مش بتطلعو ، وكالعادة لا مجيب لي ، المهم طلع علبة سجاير فأخدتها وقعدت العب فيها لحد ما لقيت جملة وقفت عندها كتير و هي ال محيراني ، لقيت الجملة ديه فقلت فنفسي / هو تبرأة ذمة ولا استخفاف بعقول الناس ؟! يعني معقول انا هقرأ الجملة ديه واشرب سجاير ، لاء طبعا ( وال بيحصل العكس !!!) و مستحيل الشركة عاوزة تخسر نفسها يعني ، وبين ده وده احترت و احتار فكري ، فأنتم ايه رأيكم ، و فالنهاية ادعو لكل مدخن ربنا يكرهه فيها و يبطلها يارب ،، |
انا رايى لا دى ولا دى
دة مجرد قرار وبيتنفذ او عشان يبعدوا عنهم عين منظمات حقوق الانسان جزاكى الله خيرا نقاء |
دي ببساطة عاملة زي ما تقول لعيل صغير متمسكش الكباية دي سخنة و مش بمنعه انه يمسكها
مجرد كلام بس و لو حد كلمني اقوله انا عملت اللي عليا و قلتله و هو اللي اصر يلمسها دي بقي انعدام ضمير لان اللي مش عايز يخلي حد يعمل حاجة يشيل الحاجة دي من قدامه مش مجرد انه ينببه و اهه في الاخر تجارة زي تجارة الخمور و المخدرات ربنا يبعدنا عنها يارب |
ربنا يكره الجميع فيها
|
انا نفسى اعرف السر اللى بيخلى المدخنين متمسكين اوى بها كده
|
ربنا يهدى شباب ورجال المسلمين الى طاعته
وشكرااااااااا على الموضوع المهم ده |
والله لو عملولهم ايه بردوا هيدخنوا ربنا يهديهم
|
تصدق بالله
كان لسه ف دماغي الموضوع شوف ياما الشعب المصري شعب امي ياما أمي ههههههههه عشان كدا مش عارف يقرأ المكتوب ... يابنتي عارفة عملوا ايه اللي بيشربوا السجاير راحوا جيبيين علبة تانية مش مكتوب عليها حاجة ومفاضيين السجاير فيها عشان يشربوا براحتهم ....!! اصلا المدخن مدمن للسجاير ومش بيقدر يتخلي عنها هو فاكر كدا بس لو عندها اراده هيقدر يتخلي ربنا يهدي شكراا ياجميل |
يا إخوانى
الصورة دى قرار شركات التدخين ملزمة إنها تنفذه غصبا عنها يعنى ثم الحرامى بيبقى رايح يسرق وبيبقى عارف إنه ممكن يتقفش والعاصى بيعصى ربنا وهو عارف إن أخرته زى الفل والمجرم ......... يبقى المدخن مش هيشرب السيجارة |
على رأيك والله يا هاني
اللي يخلي القاتل يقتل وهو عارف انه احتمال بتمسك ويتعدم مش عاوز المدخن يشرب السجاير وخصوصا ان اثارها مش بتبان على المدى القريب |
الموضوع مش موضوع هما اللى متمسكين بالسجاير
لكن الحقيقة السجاير اللى متمسكة بيهم واتحدى واحد فيهم يقول انا بستمتع بشرب السجاير كلهم بلا استثناء عارفين انها مضرة وعارفين انها ادمان لكن مش عارفين يبطلوها ربنا يبعدنا عن شرها |
اقتباس:
فعلا يا دكتورة قرار حطوه وبينفذوه ، بس للاسف المدخنين لو يحسوا انها زي اهانة ليهم ، ماعمرهم هيقربولها تاني ، لاني بحسها فعلا اهانة ، و جزيتِ بمثله عزيزتي ، و ربنا يهدي الجميع ، شكرا عالمرور الرائع ياقمر ،، وكل سنة وانتي طيبة ياجميل ،:) |
اقتباس:
صح ، زي الاطفال ، بس هما اصلا بيقروها و وكأنهم ماقروش حاجة ، بئت ما بتفرقش كتير عندهم ، فعلا انعدام ضمير ، اصلا ماعرفش ايه فايدة تصنيعها ، ديه بتجيب بلاوي ولا ليها اي فايدة غير انها بتجيب فلوس و مرضى للمستشفيات ، يعني كلها على بعضها مالهاش لازمة ، اللهم آآمين ، شكرا عالمرور الكريم ، وكل سنة وحضرتك طيب ، |
اقتباس:
اللهم آآآآآآآآآآآمين ، شكرا عالمرور الراائع ، وتحياتي لاستاذنا ، وكل سنة وحضراتكو طيبين ، |
اقتباس:
للاسف عاملة زي الادمان ، اي واحد يجرب وحدة خلاص ، الجسم مابيقدرش يستغنى عنها ، وكمان للاسف انها اصبحت رمز للرجولة او انه حاجة يعني ، وده فكر خاطئ جدا جدا،، ربنا يحمي شبابنا و يكره المدخنين فيها ويبطلوا ، شكرا على المرور الكريم ، وكل سنة وحضرتك طيب، |
| جميع الأوقات بتوقيت GMT +2. الساعة الآن 05:00 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.