|
مين في هندسة المنصورة؟؟؟
السلام عليكم
انا صراحة اول مره ادخل القسم ده لان لسا نتيجة تنسيقي ظاهره حالا والحمد لله جالي هندسة المنصورة كنت عايزا اعرف مين معايا؟؟؟ وعايزا اعرف كل حاجه عنها ؟؟؟ نظام الدراسة...الكتب .... الجداول ...المناهج وكل حاجه عنها انا مستنيه ردودكم الحلوه |
اولا الف الف مبرووك ثانيا ازاي هندسة هو انتي رياضة ولا علوووم ؟؟؟؟ عموما ربنا يوفقك وتبقى مهندسة أد الدنيا وجدان |
اقتباس:
انا واخده الثانويه العامه من الامارات ...وعندنا مفيش علوم ورياضه ...يعني بندرس كلو |
مبدأياً أهلا بيكِ فى كلية الهندسة جامعة المنصورة
ثانياً بخصوص المواد اللى حتتدرسوها إن شاء الله الكيمياء 125درجة (80 امتحان و 45 أعمال سنة) وهي ترم أول بس ومنتهية مش موجوده ترم تاني رياضيات1 175 درجة(45 أعمال سنة و 130 امتحان) وبرضه ترم أول بس لغة انجليزية فنية 50 درجة(40 امتحان و10 أعمال سنة) وبرضه ترم أول بس رسم هندسي ووصفية 225 ودي مادة منقسمة لإتنين: 1- الرسم وهو من 150 درجة (90 امتحان و60 أعمال سنة) وامتحانها ف الترم التاني بس بس بتدرسيها ف الترم الأول ومش بتمتحني إلا ف آخر السنه وأهم حاجة فيها حضور السكاشن عشان أعمال السنة بتاعتها كتييييير >>60 درجة 2-الهندسة الوصفية (الاسقاط) وهي من 75 درجة(60 امتحان و15 أعمال سنة)وامتحانها ف الترم الأول ومنتهية بس تكملتها ف الترم التاني هي الرسم يعني المادة دي بتمتحنوا الوصفية ترم أول و الرسم ترم تاني رياضة2 175 درجة ونفس تقسيمة درجات رياضة 1 ميكانيكا 225 درجة (125 ترم أول و100 ترم تاني) وهي مادة ممتدة موجوده ف الترمين وليها امتحان كل ترم برمجة 75 درجة (15 أعمال سنة و60 امتحان) انسانيات 50 درجة كلهم امتحان وليس لها أعمال سنة تكنولوجيا الانتاج (الورش) 100 درجة (80 امتحان و20 أعمال سنة) وأهم حاجة حضور الورش عشان أعمال السنة فيزياء 300 درجة (150 ترم أول و150 ترم تاني) وليها امتحانين ترم 100 درجة كل ترم وامتحانين ميد تيرم 30 درجة كل ترم وامتحانين عملي وشفوي 20 درجة كل ترم ومادة حقوق الإنسان مادة من كلية حقوق وكل الكليات بتدرسها مش بتتضاف وهي من 50 درجة منقوووول بالنسبة للجداول حينزل فى أول يوم فى الدراسة إن شاء الله بس بيتغير حوالى مرتين فى أول اسبوع من الدراسة بالنسبة للكتب جزء منها بيبقى موجود من الأسبوع الأول و فى كتب بتتواجد على الأسبوع التانى من الدراسة :stickjo4::stickjo4::stickjo4: الكلية عايزة متابعة :stickjo4::stickjo4::stickjo4: أتمنى أكون أفادتكم |
شكرا جدا يا etisalat_011
انا كمان هدخل هندسة المنصورة وعايز اسال عن السكن الخارجي بره المدينة الجامعية هل هو احسن ولا المدينة الجامعية كويسة انا مش ناوي اكمل في المنصورة كتير انا ان شاء الله عايز اشد حيلي واجيب تقدير واطلع صافي واحول عين شمس او القاهرة .. لاني بشتغل في القاهرة ومش عايز اخسر شغلي اكتر من كده |
اقتباس:
بس من وجهة نظرى المدينة أحسن من السكن الخارجى . أما السكن الخارجى سعر الأوضة بيتراوح من 200 إلى 250 جنيه للفرد الواحد . اقتباس:
و أتمنالكم التوفيق إن شاء الله و لو فى أى استفسار تانى أنا موجود بإذن الله |
*Eitsalat_011 :
طيب هي ايه مميزات السكن الجامعي من وجهة نظرك ،، انا سمعت عنه كلام مش كويس .. ؟؟؟ |
اقتباس:
بالإضافة لتوفير الأكل و غسل الملابس و غيرها من الخدمات ، وإن كانت الجودة نسبياً مش كويسة أوى بيبقى معاك ناس من كليتك فممكن يساعدوك ، وتتعرف عليهم يٌعيب المدينة بعض التحكمات ، و وجود 4 أشخاص فى الأوضة الواحدة أو أكتر . |
| جميع الأوقات بتوقيت GMT +2. الساعة الآن 06:29 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.