|
قسم الكيمياء .... ( كلية العلوم جامعة الاسكندرية )
السلام عليكم ورحمة الله ... كل عام وانتم جميعا بخير ... تنسيق التخصص الرئيسي ظهر وانا جالي كيمياء .. يريت اي حد من القسم ده في الكلية عندنا يدينا فكرة عن المواد اللي بندرسها واماكنها العملي والنظري ... هو احنا كل شغلنا بيبقي في محرم بيه بس ... ولا بنيجي الشاطبي ... وبالنسبة لمواد البحتة اللي مقررا علينا ايه اخبارها ...!!! وايه احسن تخصص فرعي بالنسبة لكيمياء رئيسي .. نرجوا الافادة ممن يملك اي معلومة .. ولكم جزيل الشكر في امان الله . |
انا حفيد حضرتك فاللى اعرفه فقط لأن انا تخصص رئيسى كيمياء حيوية
اولا الف مبروك لحضرتك ان شاء الله ححط لينك موضوع حضرتك فموضوع مين علوم الاسكندرية لأن مليان فيه ناس كيميا و ان شاء الله يفيدوا حضرتك فاللى مش حعرف اقوله اماكن العملى بتاعكم فى طريق الحرية بس مش عرفة كل المواد و اللا ايه بس اغلبها فطريق الحرية الشغل كله فى محرم بك و ممكن محاضرة و اللا حاجة تبقى فالشاطبى انما غالبا ان مكنش كله فمحرم بك و المواد اللى هى متطلبات الجامعة اللى بتنزل بتكون كلها فى الشاطبى ما عدا مادة تاريخ العلوم كنا بناخدها فمحرم بك معرفش ايه النظان السنادى احسن تخصص فرعى لكيمياء فرأيى كيمياء حيوية او ميكروبيولوجى اقتباس:
|
اقتباس:
ودراستنا كانت كلها في محرم بيه في الترم الاول والترم التاني عملي العضوية بس هو اللي كان في طريق الحرية والواد الاختيارية فيه منها بيبقا في الشاطبي ومتقلقش خالص من الرياضة هيا سهلة جدااااااا المشكلة بس عندنا في الترم التاني ان الدكتور جاب امتحان تقيل بس هو صراحه كان شرحه فوق الممتاز المشكلة في الامتحان وبالنسبة للتخصص الفرعي فافضل قسمين مع كيمياء زي مقالت نهي هو الكيمياء الحيوية والميكرو بيولوجي ربنا معاك وان شاء الله كل خير:) |
طب ما حد يقولي
ال داخل علوم رياضة اسكندرية ,, هيدرس ايه في اول سنة ليه !! وهل اقدر اجيب تقدير ولا ده من مستحيل !! |
اقتباس:
شكرا جزيلا ... والله يبارك فيكي .. اصلي السنة دي اقوال كتيير اتقالت علي تنسيق التخصص الرئيسي بتاع كيمياء ... وانه احتمال يعدي المعدل التراكمي بتاعه 3 ، وزي ما نتي عارفه البنات عندنا في الدفعة دي بالذات مقطعه السمكة وديلها .. بسم الله ما شاء الله كلهم تلاتة وشوية ... ( للاسف سيطرتوا علي البلد :d ) .............. انا احترت كتييير اسجل كيمياء الاول ولا كيمياء حيوي .... لكن ربنا يوفق في اللي اختارته .. وبأذن الله الفرعي يبقي كيمياء حيوي .. بشكرك مرة تانية وبالتوفيق للجميع .. في امان الله .. |
اقتباس:
انا بحب الكيمياء وكل فروعها ... الرياضيات لما بذكرها بجيد فيها .. لكن المسمي ولاسباب كتيير يظل تقيل علي قلبي .. وربنا يسهل الاحوال ونجتهد من الاول .. بالنسبة للاحصاء .. انا كنت بخدها في الثانوية .. وهي جميلة جدا ... ياريت تكون مرتبطة بمنهج ثانوي ... ............. بالنسبة للتخصص الفرعي .. لازم يكون المعدل التراكمي بتاعي عالي علشان اختار القسم اللي انا عايزه .. يعني تنسيق زي الرئيسي ولا اختيار حر .. .. مشكور وكل سنة وانت طيب والي الله اقرب .. في امان الله . |
اقتباس:
كنت علمي رياضة ... وداخل كلية العلوم .. ليك قسمين تختار بينهم في البداية ... اما علوم طبيعية وده لرياضة بس واما جيلوجيا وده يجمع بين العلوم والرياضة ... كلا القسمين تقدر منهم تدخل كيمياء .... وبالنسبة للتقديرات .. طبعا ممكن تجيب تقدير عالي جدا .. ليه لأ .. الموضوع صدقني مش صعب خالص .. اهم حاجة تحضر محاضراتك وتركز مع الدكاترة وتخلص نيتك لله .. الكلية عالم واسع مختلف عن الثانوية ... متسمعش اي حد .. واختار اللي تثق في رايه وابعد عن المثبطين .، وخلي مصلحتك ورضا ربك قدام عينك ... وربنا يوفقك في الاول والاخر ... منور في امان الله .، |
اقتباس:
|
اقتباس:
جزاكم الله خيرا .. وبالتوفيق للجميع ،. في امان الله .. |
مواد فصل الخريف لقسم الكيمياء :-
كيمياء عضوية ( الكود ك241 ) ................. ( عدد الساعات المعتمدة 2 ) ................ { متطلب سابق ك 101 } رياضيات كيمياء ( الكود ر231 )................ ( عدد الساعات المعتمدة 3 ) ................ { متطلب سابق ر 111 } ديناميكا حرارية وقاعدة الصنف ( ك251 )....... ( عدد الساعات المعتمدة 2 )................ { متطلب سابق ك102 } كيمياء العناصر الممثلة .... (ك 231 ).......... ( عدد الساعات المعتمدة 2 )................. { متطلب سابق ك101 } الكترونيات ( ف211 )........................... ( عدد الساعات المعتمدة 2 ) ............................. اختياري احصاء تطبيقي ( ص 132 ) .................... ( عدد الساعات المعتمدة 2 ) .............................. اختياري كده عدد الساعات 13 ساعه ... اساسيات الكيمياء التحليلية مش نزله في الجدول<<<< يعني مينفعش حد يسجلها فصل الخريف الكيمياء العضويه 2 متطلب سابق مش درسينه يبقي مفيش تسجيل خلال الفصل ده .. ****************************************** المعدل التراكمي الفصلي اذا كان :- اقل من ((( 2 ))) : عدد الساعات المتاحه للتسجيل خلال الفصل ده 13 ساعه كحد اقصي اكثر من ((( 2 ))) : عدد الساعات المتاحه للتسجيل خلال الفصل ده 18 ساعة كحد اقصي |
مواد متطلبات الجامعه :
اجباري :- لغة عربية (2) لغة انجليزية (2) حقوق انسان " لا تحسب في المعدل التراكمي " (1) اختياري :- اساسيات ادارة (2) تاريخ العلوم (2) مدخل لعلم الآثار (2) ................................. ملحوظة : اللغة العربية بتنزل فصل الربيع مش الخريف "" يعني حضرتك ركز انت وبتسجل الفصل ده اني مفيش عربي " |
التسجيل :-
في طريق الحرية في الدور الاول ... الكشوفات متعلقة .. تشوف اسم المرشد الاكاديمي بتاعك مين ؟؟ هتلاقيه في المكتب بتاعه او في المدرجات اللي في الدور الارضي في طرق الحريه ... .......................... استمارة تسجيل ، وصورة من نتيجة امتحان المستوي الاول ... |
اذا اي حد عنده اضافة يتفضل ؟؟؟
وياريت لو يقول المواد اللي سجل فيها ؟؟ .......................................... |
| جميع الأوقات بتوقيت GMT +2. الساعة الآن 12:23 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.