شكرا لك سيادة الوزير.....وتحيا مصر
 

انا مدرس لغة انجليزية متزوج ومعي طفل مع التغيرات الجوية الحالية صرفت ما تبقي معي من المرتب علي علاج الواد
اليوم وقفة العيد وليس معي ما اعطيه عدية لاي احد من الاقارب ولذلك قررت الا اعيد علي احد هذا العيد
ليس معي فلوس واليوم 9/9/2010 ولسه 21 يوم علي المرتب
فشكرا لكل من هم يحكمون مصر...وشكرا للسيد جمال مبارك والسيد للوزير وشكرا لنظيف
مدرس لغة انجليزية مصري....الغربية في 9/9/2010


وتحيا مصر

تحيا مصر..........................حسبي الله ونعم الوكيل

كان الله فى عونك اخى ، وأحيى فيك انك معلم لغة انجليزية أتعلم لماذا ؟ لان معظم معلمى اللغة الانجليزية والرياضيات يدخرون مجهودهم داخل الفصول لما يسمى بالدروس الخصوصية . فأشكرك أنك لا تشارك فى تعاطى الدروس الخصوصية ، وأسأل الله أن يوسع عليك بالحلال لا باستنزاف أموال بيوت المسلمين ويعطيك ويبارك لك فى زوجك وطفلك ويشفيه و يسترك فوق الأرض وتحت الأرض ويوم العرض عليه. واعلم أن الرزق ليس مالاً فقط ولكن المال بعض من الرزق .

انا لله وانا اليه راجعون
فرج الله همك وغمك وكربك
ورزقك من حيث لا تحتسب
اصبر يا خى واحتسب
واكثر من الاستغفار ولاحول ولاوقوة الا بالله العلى العظيم
والله المستعان

جزاكم الله خيرا.......

حسبنا الله ونعم الوكيل فى كل ظالم لاتحزن اخى مثلك الاف المعلمون المرتب يوم 10 بيخلص ولولا ستر ربنا لشحتنا ربنا يسترها معنا جميعا

يحسبهم الجاهل اغنياء من التعفف

الوزير صرف شهر مكأفاة للعاملين بالوزارة

اما المدرسين...الحمد لله

كل الناس صرفت حاجة الا بتوع الكباشير

عموما يقعدوا لهم دنيا او اخرة

لما انت جنابك بتقول كده انا بعد 27 سنة خدمة فى العمل بجد واجتهاد ولاننى فنى ثان تشغيل مرتبى للاسف 650 ولم نحصل على الكادر وحسبنا الله ونعم الوكيل على الظالمةفى هذه الحكومة الباغية ودعواتنا الخالصة للسيد كمال الجنزورى

يارب على الظالمين
 

واين هذا الرجل العظيم

غريبة يا بلدى المدرس يقبض 500 والوزير يقبض مليون وكمان بيتعالجوا على نفقة الدولة الجبلى عالج زوجتة بمليون و700الف على نفقة الدولة واسرع بتسديدهم بعد ما الموضوع اثير
حسبنا الله ونعم الوكيل فعلا اصبحنا محتلين احتلال داخلى

,وكمان أطباء التأمين الصحي بعد15 عام مريض للسكر وخلافه أعاني منهم الآمرين في صرف علاج شهري مدعم وليس حتي مجاني.... أين أنت ياحكومه ويا أجهزه رقابيه.....أصرخ بأعلي صوتي.. أعاني الآمرين في عياده أحمد عرابي بالمهندسين ولك الله يا مصر وحسبنا الله ونعم الوكيل.

فعلاً زمان الوزراء وأولادهم وأزواجهم فرحانين بالعيد اللى جاله عربية عيديه واللى جاله بدلة ب1000 جنيه واللى فستان بألفين تلاته وهيعيدوا فى اماكن مش بتاعتنا وييجوا لنا يوم الاتنين الجى يقولوا ها ها هها استعديتوا للشغل ولا لسه اشتغلوا اشتغلوا ... ورجاله وطول عمر ولادك يابلدنا رجاله ... وغلوتك يابلدنا والله مش محتاجه قواله ( قالوا الكادر دخلنا ووقفنا وقفة رجاله ، ونجحنا لكن كنا رجاله قالوا الرخصه وقفنا وقفة رجالة .... ياسلام يابو اسماعيل .

أنا نفسى نكون عمليين ، نجيب وزير الزراعه يوم واحد فقط ويمسك فأس وغلق وينزل الأرض يعزق ، وهو حافى ولابس فانله قطن بنص كم ويتغدى تحت التوته عيش ناشف ومخلل ، ونجيب وزير البترول يوم يقف يوم فى حقل بترول فى الصحراء ويتغدى تحت أى مقطورة أو ناقلة بترول ، ووزير التعليم ياخد 3فترات فى يوم وميقعدشى على كرسى ويخرج من الفصل وشه مليان طباشير وايده متلحوسه وهدومه عاوزه كيس منظف ب75قرش ، ونجيب وزير الماليه ونديله كشف مرتبات يفضل يجمع ويضرب فيه طول النهار حتى يصل الى الصافى المقتضى صرفه وبعدين نبعته الحسابات يقف فى الطابور يتراجع وياخد الشيك ويروح طابور البنك يجيب فلوس وييجى المدرسه جرى يقبض 70 معلم ومعلمة ، ونعمل كده مع باقى الوزرا كل فيما يخصه وبعدين نشوف رأيهم على اى قناة فضائية او فى مؤتمر صحفى ، ان ما سابوا البلد وطفشوا قبل المؤتمر الصحفى ميبقاش انا ، واللى خلق الخلق كنتوا تشوفوا مشهد كوميدى حكايه اللى كان فى الشمس جاى رابط راسه واللى كان فى الغيط جاى رابط وسطه واللى كان فى الفصل مش قادر يقف على رجليه مش شيلاه . معلشى ياجماعه سرحت بخيالى شويه سامحونى ... كل عام وانتم بخير

هههههههههههههههههه

انت عايز يعيد فين؟

خف شوية دول بردك وزره مش اي كلام