|
اعدادي
السلام عليكم كل سنه وحضراتكم طيبين جميعا انا زميلة جديدة ان شاء الله هندسة القاهره انا سممعت انو اعدادي هندرسها في الشيخ زايد هل صحيح ؟؟ وكمان انا عندي استفسار عادي لوو حولت مثلا هندسة اقاليم وبعد مااخلص اعدادي احول هندسة القاهره تاني ولا لا لاني نفسي ادخل هندسة طيران او هندسة حاسبات وهو تنسيق الطيران والحاسبات في اعدادي عالي ولا لا شكرا ,, |
نصيحة
لو حابة تدخلى طيران - فعلاً - خليكى فى القاهرة لأن دخوله هيبقى بمقبول و مادتين أما إنك تحولى أقاليم و ترجعى تانى محتاج جيد جدًا و حظ كويس ( ملحوظة أنتم دفعتكم قليله جدًا فأكيد الظروف هتتغير بشكل مبالغ فيه ) أما حكاية الشيخ زايد فهى حقيقة و تقدرى تشوفى صورها و تقرى عنها فى منتديات هندسة القاهرة أما دخول حاسبات ف صراحة فى أى جامعة مش هتفرق كتير مجرد فروق طفيفة |
انا مش عايزة اروح الشيخ زايد لانها بعيدة ومكلفه اكتر
طيب لو حولت اقاليم ورجعت تاني للقاهره هل اقدر اختار القسم الي عايزاها ولا لا؟؟ ولو مثلا فضلت في القاهره وجبت جيد ودخلت غير طيران هل اقدر احول طيران ولا لا؟؟ وليه طيران بياخد من مقبول انا سمعت انه اعلى حاجه ؟؟ هل دراسته صعبه ؟؟ وهل هو قسم كويس للبنات ؟؟ الف شكر ,, |
فعلاً مكلفة بدنيا و نفسيًا أكتر ( بس ممكن تعجبك و تستريحى الله أعلم )
بتدخلى الأقسام اللى مش فى الكلية الإقليمية اللى فيها و ليه تدخلى حاجة غير طيران و تحولى ؟؟؟؟؟؟؟ معاد التحويل الأساسى بعد إعدادى غير كده يا بتشيل مواد (كمية محترمة) يا ما بتعرفش تحول أصلاً ( إلا بواسطة أو تحويل إقامة) طيران أصعب قسم و لكن علامات استفهام كتير صعب جدًا - ممتع جدًا اشمل قسم - فى الآخر ممكن نصيبك يرميك ميكانيكا عزلة لحد ما - روقان و الدفعة قليلة جدًا محتاج كورسات - شغله غير مضمون ( لازم واسطة جامدة جدًا ) لكن فيه مطارات بتتبنى جديد قولى يا رب غالبًا اللى بيفضل طيران بيكون اختياره التانى اتصالات و الرابط الوحيد هى الرياضة و الفيزياء و بعض المواد الأساسية فى الاكترونيات و الاتصالات ( على ما أظن ) أما كبنت و شغلها فى القسم لو مكانك ( اتصالات - حاسبات - عمارة ) كنظرة بعيدة للمستقبل و حياة حضرتك الاجتماعية و الشكر لله و تابعى معانا فى القسم لأن اعدادى ممكن يبقى حلاوة لبن تمر هندى و ممكن يكون دهب يقوت مرجان ( محدش فاهم حاجة خالص ) فـ استفيدى من خبرة أعضاء القسم اللى أنشط من سنتنا بكتير و استفسرى عن أى حاجة مهما بدت صغيرة أو تافهة و عيد سعيد إن شاء الله بالتوفيق ،،،،،،،، |
والله ياعبد الرحمن انت مقصرتش وقولت كل حاجه ماشاء الله
بالنسبه للشيخ زايد هي مكلفه شويه وبعيده شويتين بس هتاخدي علي الموضوع يعني ان شاء الله وهي سنه وبتعدي بسرعه بس نصيحه حاولي تعرفي عن طيران كويس اوي قبل متاخدي قرار دخول القاهره عشان طيران انا واحد من الناس دخلت القاهره عشان طيران وغيرت رايي بعد كده شوفي الموضوع ده http://www.thanwya.com/vb/showthread.php?t=236084 واكتبي في جوجل يوني مصر وادخلي وهتلاقي كل اللي انتي عايزاه عن هندسه القاهره ان شاء الله |
اهلا اهلا اهلا بزميلتي العزيزة يا سمين سبحان الله لقيت القسم كله منور اتاريكي كاتبه فيه :):):):)
انا ان شااء الله هندسة القاهرة يااارب :):) |
اقتباس:
|
اقتباس:
انا حاليا متردده كتير احول ولا لا شكرا |
اقتباس:
ربنا يوفقك |
ربنا معانا و معاكوا
اللهم امين |
:d
هو كده كده التحويل خلص يارب متكونيش حولتى لان كده احسنلك لو دخلتى اقاليم لازم تجيبى تقدير عشان تعرفى تحولى ربنا يوفقك |
اقتباس:
انا حولت والحمد لله مرتاحه الى حد ما ربنا يسهل |
انا هندسه عين شمس اعدادى
وربنا معانا كلنا |
ربنا يعيييييييين
|
اقتباس:
انا هندسة الزقازيق 2 مدنى |
| جميع الأوقات بتوقيت GMT +2. الساعة الآن 10:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.