استحواز الكيمياء علي كليه العلوم
 

الكمياء اصبحت هي المهيمنه علي كليه العلوم
بكل اقسامها

فقسم الكميا الصناعيه والتطبيقيه
ده تركيزه علي الصناعه فقط صناعه الادويه
ومستحضرات التجميل و الاسمنت والبولميرز والبلاستك الخ
وده دوره بيبقي في المصنع
.....................
قسم الكميا البترول والغاز الطبيعي او مايسمي بجيولوجيا البترول والغاز الطبيعي
ده تركيزه علي البترول وكميا البترول والجيولوجيا والجيوفزيا
وده دورهبيبقي في شركات البترول
.........................
قسم الكمياحيويه والطبيه
ده تركيزه علي الكميا الطبيه وهو علم الكميا المسئول عن تشخيص الامراض زي امراض الكبد والكلي والسرطان
وده دوره في معمل التحاليل الطبيه في تشخيص الامراض عن طريق انزيمات الكبد والكلي ودلالات الاورام والسكر وكل المواد المواد الكميائيه الموجوده في الجسم

..................................................

الكمياء الشرعيه ومفيش فيها قسم يخرج بكالوريوس كميا شرعيه
ولكن فيه دراسات عليا في الكميا الشرعيه داخل كليه العلوم

وده بيبقي شغله في المعامل الجنائيه والكشف عن الجرايم في معامل وزاره العدل والطب الشرعي

..............................
وعندنا قسم كميا سبيشيل

بيدرس كل حاجه في كل حاجه
يعني كل الاقسام دي هو بياخد من هنا ماده ومن هنا ماده الخ
وبيطلع ممكن يشتغل في اي حاجه

..........................
وباقي اقسام كليه العلوم بقيت اقسام مزدوجه مع الكيمياء


زي الجيوكمياء وهو قسم مختلط بين الجولوجيا والكمياء
وهو زي قسم كميا البترول
او مقارب ليه




المقصد من ده كله ان تخصصات كليات العلوم في مصر كتيييييييره جدا جدا
خصوصا في الكمياء وتعتبر كليه العلوم دلوقتي بقيت بتخرج كميائيين
والاقسام الباقيه شبه اتلغت بسبب استحواز الكمياء ع الاقسام الاخري
زي ما قلت فيه اقسام مزدوجه

جيوكميا او مايسمي ب كميا وجولوجيا وبقي صعب تلاقي قسم جيولوجيا بس
وبقي فيه قسم كميا وميكروبيولوجي ومن الصعب تلاقي قسم ميكروبيولوجي بس
وبردو قسم كمياء وحيوان واصبح من الصعب تلاقي قسم حيوان بس
وقسم كمياء وحشرات واصبح من الصعب تلاقي قسم حشرات بس
وقسم كمياء وكمياحيويه
وقسم كمياء ونبات
وقسم كميا وفزيا
وبالتالي اصبحت غالبيه اقسام كليه العلوم تخرج كميائيين
بالاضافه للكميائيين المتخصصييين زي ما قلت الكمياء التطبيقه والصناعيه والكميا الحيوي والطبيه الخ

أشكرك على الموضوع و لكن أريد أن أسألك عن قسم البترول و الغاز ..........؟!
1- سمعت ان القسم دة لة تنسيقة الخاص يعني مثلا علوم من 94% و القسم من 97% ؟ ( و لو بتفرق على حسب الجامعة فا أنا بسأل على القاهرة )
2- هو قسم خاص ولا بياخد من أوائل الدفعة؟
3- سمعت انة اول ما أتخرج الشركات المشرفة على هذا القسم بياخدوا الخريجين يشغلوهم؟
أرجوك و أستأذنك الرد على هذا
عيد مبارك

اه فعلا هو ليه تنسيق خاص بيه
يعني مثلا علوم 94
وفيه ناس جايبين مجموع 95 و96 وو97 ومقدمين علي القسم فهياخد الاعلي
وهما بياخدو حوالي اربعين تقريبا

وبالتالي ع حسب الاعداد المتقدمه ومجاميعها بيتم الختيار الناس

فلو افترضنا ان للي مقدميين علي القسم جايبين 96 و95 مثلا وتاس 94 وناس 97
هيبدا ياخد اعلي اربعيين فيهم
مثلا عشره جايبين 97
وعشره جايبين 96
وعشريين جايبين 95

يبقي القسم هياخد من 95

ومش هياخد 94

والقسم ده ليه شركات بترول راعيه ليه
هي للي بتصرف عليه وبتدرب الطلاب
وبالتالي الاولويه في الشغل في شركات البترول دي بيتبقي ليهم

أشكرك جدا و اللة
و ادعيلى ألحقة أنا رايح 3 ثانوي و جبت فى ثانية : 92.5
و هو مش بيفرق من علمى رياضة او علوم... بيقبل الأتنين يعني؟

منتدي كلية علوم طنطا :)
http://www.tantascience.net/forums/

ان شاء الله تلحقه
وهو بياخد من علمي علوم وعلمي رياضه عادي

ممكن رقمك ياclinical chemist10 انا عايزك ضرورى

ممكن حضرتك تتواصل معايا ع الخاص وتاخد الرقم
عشان مينفعش اقول الرقم ع العام