|
العملية فى منتهى السهولة و سيتم عرضها من خلال من خلال عدة مواقف متتالية و الله المستعان و ربنا يقدرنا على بنت حواء...... --اذا كنت ماشفتهاش من زمان و قابلتها صدفة و بتسالك انت عامل ايه ازى احوالك؟ ترد بمنتهى السماجة ...انتى مش شايفانى فرحان و سعيد انى قابلتك ااقوم ارقصلك يعنى؟ ولما ترد و تقول خلاص انا اسفة ترد و تقول شىء طبيعى --لو كنت ماشى فى الشارع و عدت قدامك واحدة حلوة طبعا من الزوق و الادب انك تعاكسها بمنتهى الغتاتة او على الاقل ترش عليها ميه --لو كنت فى عرابيتك و عدى من جنبيك عربية و فيها بنت حلوة افضل باصيصلها و متنح و لما تسالك انت بتبصلى كده ليه شد على الرابع و نفضلها....... --لو اتصلت بواحد و النمرة غلط و ردت عليك واحدة و قالتلك النمرة غلط من الطبيعى جدا انك ترد عليها و تقولها ماعليش اصل صوتك شبه صوت احمد بالظبط. --لو ماشى مع بنت جميلة جدا و بتسالك عن رايك فى شكلها قولها هايلة يا حياتى بس لو فيه منك على حريمى (اللى مافيهمهاش يسالنى) --لو عايز تغتت اكتر و اكتر على اى بنت فى الشارع و قف اى واحدة واسالها الساعة كام هتقولك مثلا : الساعة 4.30 بص فى ساعتك و قوللها تمام الساعة بتاعتك مظبوطة -- لو راكب عربية نقل (مقطورة) وعدت قدامك بنت فمن الجنتلة انك تيجى جنبها و تزمر على اخرك..... -- لو نفسك تمشى مع بنت فى كليتك و كانت جاية تطلب منك حاجة للمرة الاولى فى حياتها (والطريقة مجربة و جابت مفعول) ..... هتنادى عليك........ محمد .... ممكن لو سمحت...... بصلها و اضحك فى و شها و بعدين دير وشك و نفضلها خالص و لا كانك شفتها قبل كده...... طبعا و شها هيبقى شبه الطمطماية لكنها بعد كده هتروح تشتكيك لزميلاتها و تقول عليك انك و لد تنك و ماعندكش دم و لا ذوق.... و فاجاة روح كلمها عادى و لا كان حاجة حصلت...... هتحتار فيك و تعجب بيك.... و يمكن تحبك..... --لو انت فى محل ودخلت بعديك بنت طبعا من الزوق انك تقول للبياع خلص الانسة الاول ........ و البياع لسة بيجيبلها الحاجة قوله : ماتخلصنى بقالى ساعة قدامك و بعدين بتمشى الانسة ليه انا جى قبلها (طبعا اعمل حسابك ان البقال هيضربك باى حاجة فى ايده) --لو انت مع بنت و هتركبوا تاكسى و غيران عليها و خايف للسواق يقعد يبصلها فى المراية طبعا اتصرف على الفور و قعدها جنبه و اقعد انت ورا --لو انت مصاحب بنت جادعة قوى و بتقف معاك فى كل المواقف المنيلة اللى بتحصلك و اخر موقف انك نايم على السرير بعد ما انضرت من شوية رجالة كانوا بيعاكسوها و انت عملت فيها احمد عرابى .... امسك ايديها برومانسية و بص فى عنيها و لو لابسة نضارة ماتبصش وقولها: انا مش عارف ارد جمايلك دى كلها ازاى لما سقط السنة اللى فاتت و قفتى جنبى... و لما اتثبت و اتسرقت هدومى و فلوسى و قفتى جنبى .....و لما ابويا مات وقفتى جنبى ...... مش عارف ليه يا حياتى حاسس انك فقر و نحس --لو خطيبتك كانت فى رحلة وورتك صورة متصوراها جنب قفص القرود و بتسالك عن رايك فى الصورة الجنان دى؟؟؟ قولها: هو انتى مين فيهم؟!! -- لو كنت ماشى مع بنت سامرة (على فكرة انا بموت فى السمر ماتفهمونيش غلط) وكانت لابسة فستان احمر و قاليتلك دلعنى.... قولها : يا فحم مولع.. --لو كنت ماشى مع بنت و شفت شاب بيبوس ايد حبيبته (رومانسية طبعا.. وولد جنتل قوى يعنى) و بتقولك ماتبقى تعمل زيه رد عليها و قولها : واعمل زيه ازاى و انا ماعرفش البنت اللى بيمشى معاها --لو بتسالك فى غيرة ( انا عرفت انك ماشى مع بنت تانية غيرى اسمها دعاء و شاقرة) رد و قول لا و الله انا ماشى مع بنت خمرية و اسمها سارة --لو قالتلك اى بنت مش بزمتك انا مالية عليك حياتك قولها: ايوة بس لو ماكنتش عرفتك كانت محفظتى هتفضل مليانة |
هههههه
تسلم ايدك ع الموضوع الرائع بس استلم بقا يا ريس ردود البنات :) هتموت يا موزو |
شكرا ع الموضوع -_- (برود بعيد عنك) |
رااااااااااااااااااااااااااااااااااااااااااااااااا ئع
جداااااااااااااااااااااااااااااااااااااااااااااااا اااااااااااااااااااً بجد مشكور جداً بس يارب يحوق اصل دول مش بتأثر فيهم حاجه خالص (بهزر محدش يزعل) |
ليه كل ده يا لهوى بس خللى بالك ممكن اللى ف الاول دول يحصلوا معاك وساعتها مش قادرة اتخيلها بصراحة شوف انت لو حصل معاك كدة هتعمل ايه |
ياااااااااااااااه ... !!!
انت بتتريق ع البنات .. ( الـــــطــــف الـــكــــا ئــــنـــــــــــــــات ) ... ؟؟!! هههههههههه .. حبة بكش .. مش هيخسروا !! بس حلوين يا مان .. هابقى اجربهم في اول بنت اكلمها ... ههههههه |
فعلا تقدر تحرق دمنا
|
حبيبي يابو نسمه....وربنا الموضوع ده تمااااااااااااااااااام...وحلوه اوي حته الساعه كام دي ...
|
هههههههههههههههه
شكرا جدا على الموضوع يضحك تسلم ايديك |
ههههههههه
فعلا شكلك فاهم يا نصه يقولك اسال مجرب و متسألش طبيب |
ههههههههههههههههه
بجد ضحكتونى مهما كانت البنت رقيقه وهتحرق دمها مش هتسكتلك وهتشوف محدش يقدر يحرق دمنا احن بس الى بنحرق دمكم ههههههههههههههههههه |
هههههههه
جميلة قوى مش عارفة كل اللى هاممك انكم تحرقوا دمنا ليه متخفش احنا باردين |
| جميع الأوقات بتوقيت GMT +2. الساعة الآن 04:29 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.