المشاركة الأصلية كتبت بواسطة mr.rouaa (المشاركة 2662766)

::السلامـــــــــــ عليكمـــــــــ::
وعليكم السلام

انا لسه فى 2 ثانوى وشكلى كده هاختار ادبى تقريبا..

وحابب جامعه اداب لكن عايز بعض توضيحات..

انهى افضل جامعه للأداب فى مصر((جامعه القاهره،جامعه عين شمس ... الخ )) ..
كل الجامعات افضل من بعض
جامعة القاهرة وعين شمس والاسكندرية
اعلى مجاميع

مجموع الجامعه دى فى الثانويه غالبا كام؟؟..
بيختلف من سنه لاخرى

لما اكون فى سنه اولى بختار القسم بتاعى ولا بختاره فى سنه تانيه ولا ايه نظام؟؟
لما حضرتك بتتقبل في كلية الأداب
بتقدم ورقك في شئون الطلبة
بعدها بأسبوع في حاجه اسمها تنسيق داخلي
يعني مثلا جامعة الاسكندرية فيها 13 قسم
بتختار 5 او 7 اقسام بتكتبهم في ورقة التنسيق الداخلي
حسب رغبات حضرتك بالقسم اللي عايز تلتحق بيه وده بيكون عن طريق النت
علم نفس
علم اجتماع
انثروبولوجي
اثار
وهكذا وبتطبع ورقة التنسيق الداخلي وبتقدمها في شئون الطلبة
وبعدها بأسبوع بتظهر نتيجة التنسيق الداخلي بقبول حضرتك في قسم ...
واذا حضرتك مش عايز القسم ده بتقدم طلب تحويل ممكن يتقبل وممكن لأ
حسب المجموع وعدد الطلاب اللي القسم محددهم

انا عايز اخد علم نفس..بس عايز ادرس علم نفس اكلينيكى فقط..ولا لازم ادرس المواد اللى فى قسم كلها؟؟..وايه هى المواد دى لو فى؟؟..
حضرتك انا قسم أنثروبولوجي
بس اعرفه انه في اي فسم اول سنتين بتدرس كل الأقسام وبعد كده تقدر تحول لاي فرع حضرتك عايز تدرسه
مش من اول سنه خالص

مستقبلى لو بأذن الله هادخلها وهادخل القسم ده وهادرس اكلينيكى هاكون ايه؟؟..وهل وظيفتى هاتكون مربحه ولا مش اوى مع انها مش فارقه معايا انا بحب اى حاجه عن النفس ادرسها وخلاص..
................
سؤال بره الموضوع حبتين:: انا بحب اى حاجه عن الصحه النفسيه او النفس عامه ..فى جامعات ممكن ادخلها غير جامعه اداب او طب؟؟...

وبجد يبقى افدتونى من حيرتى دى...وجزاكم الله خيرا..والسلام عليكوووو..